61
Yenmiaru nba saa gɔɔr bonbiir
1 Yennu, gbatir n fabinii, ki bia gbiint n miaru.
2 N be parbiir nie, ki bia fɔk nan ŋaak ki yia.
Jiimin ki saan gurin siaminba ŋan ni,
3 kimaan fine tee n sommtɔɔ,
ki tee joonpaarir nba leek n datai.
4 Ŋaant ki mii be a kasii boor nan n manfoor gbennu;
ŋaant ki mii gur a kpinkpant maasu.
5 Yennu, a gbat mɔsona nba ki n sat nawa,
ki turin bona nba ki a teen niib nba baakita na.
6 Pukint kpanbar na manfoor bina bonchiann;
ŋaant ki u naan-ii be mɔkmɔk nan mɔkmɔk.
7 Yennu, ŋaant ki wuu tee kpanbar kii be a tɔɔnn
nan yoo nba kaa gbennu.
Guutɔ nan a kasii binbeŋ nan a lomm nba kaa gbennu na.
8 Ki n sii tun yiin yanii ki dontir a sann,
ki bia sii yɔɔ teena piinii nba
ki n senn mɔsonn li po na daa kur.