77
Pardɔɔnn nba be daamii yoo
1 N yikin nan kunkɔpaarir ki tur Yennu.
N yikin nan kunkɔpaarir, ki u gbiint turin.
2 N wahala yoo, n mei Yennu,
ki dont n nii nyɔtunmunn ki meiɔ,
ŋaan ki ki laat pardɔɔnni.
3 Mi-i dukin Yennu po yoo nba, n tuu kuriie.
Mi-i dukin Yennu po, n gbanu tuu chɔke.
4 U te ki n ningbouŋ ki mun, ki li daamiin, ki n ki fit piak.
5 N dukii daa nba gar, ki bia tian bina nba gar sianyoowa.
6 N tiar yanii nba ki n tuu yiin na nyiɔk,
ki dukin ki boi n mɔŋ a,
7 “Yennu saa nyikit fas fas, ki ji kii mɔk ninbatinu nantii?
8 U lomm nba kaa gbennu na ji bote-e?
U mɔsonn na saa nyikite yoo kurii?
9 Yennu tamm u ninbatinu na poe-e?
Wutoor yent u ninbatinu na boore-e?”
10 Ki n ji yet a, “Linba daamiin bonchiann tee nnae:
Yennu ji ki dia u panchiɔŋ na ki sommititi.”
11 Yennu, n saa tiar a toonjaana na po.
N bia saa tiar a bakitnauŋ toona nba ki a tun
sianyoowa na.
12 N sii tian linba kur ki a din tun,
ki bia dukin a toonjaana na po.
13 Yennu, a sɔnii tee kasii;
yensau ki be, ki yab nan fin Yennu na.
14 Fin Yennu fit tuun bakitnauŋ toona,
ki fiitir a yiikoo ki teen a niib,
15 ki tint a niib nba tee Jakɔb nan Joosef maaru na
nan a paŋ.
16 Yennu, yoo nba ki nyun din la-a na,
jaŋmaanii din soorɔwa,
ki mɔkgbeŋa nba sumii na, ki li jekir.
17 Ki saak nyii sanpagbant ni ki baa,
ki satianii tant, ki sanyikintii yent lokir kur po.
18 Satianii na jek tiŋ, ki sanyikintii na yent durinya
kur po, ki tingbouŋ jek, ki damm.
19 Ki a somm gaar nyunpana ni,
ki tɔkin poot mɔkgbeŋir, ŋaan sɔɔ ki laat a taaboota.
20 Ki a ŋmakit a niib nan pekpaarik nba tuu ŋmakit u pei na,
ki teemm Moses nan Aarɔnn nii ni.