99
Yennu-e tee kpanbarjaann
1 Yennu-e tee kpanbar; ŋaant nisaarii gbanant n jek.
U kar bonninnant paak, ŋaant tingbouŋ na n damm.
2 Yennu-e tee Yabint daanɔ, Sayɔnn kunkonn paak;
ŋɔɔe tee digbana kur kpanbarjaann.
3 Sɔɔ kur saa dont u sanjaann na.
U tee kasii daanɔe.
4 Kpanbar-saakar, a loon linba tee mamɔmme;
a baar nan mamɔmme Israel teeb boor;
a baar nan kasiie nan ŋant.
5 Ii dont ti Yomdaanɔ Yennu man;
ii jiantɔ, u naangbouŋ boor.
U tee kasii daanɔe.
6 Moses nan Aarɔnn din tee u mannteebe,
Samuel-e din miarɔ,
bi din fabin tur Yennu, ki u turib gatu.
7 U din be sanpagbouŋ niŋewa ŋaan piak namm;
ki bi sak u wannu nan u sennii nba ki u turib na.
8 Ti Yomdaanɔ Yennu, a tur a niib gatu,
ki wannib nan a tee Yennu nba nyikinchabit niibe
nan faa lek daar bi tuba bi yanbɔmm paak nawa.
9 Ii dont ti Yomdaanɔ Yennu man, ki jiantɔ, u kasii kunkonn na paak,
kimaan ti Yomdaanɔ Yennu tee kasiie.