101
Kpanbar mɔsonn
1 Yennu, n yaŋ jiin a lomm nan a barmɔnii binbeŋ poe,
ki n yiin ki teena.
2 Biit kaa n toona ni. A saa baar n boor nlee yooe?
N sii be kasii binbeŋe, n ŋaak ni,
3 n kan sak kii be binbenbiiki.
N ki loon binba ki saak Yennu mɔb na benu;
n ki mɔk siara kpiir nammi.
4 N kan teen faak daanɔ,
ki bia kan lor lorsiar nan toonbiit tunna.
5 Wunba bɔr ki pak biir u lɔɔ,
daanɔ maŋe ki n saa biirɔ,
wunba kur got u lɔɔ ninŋmiaŋ ki mɔk garuk,
n kii be nan li daanɔ.
6 N saa gann binba saak Yennu mɔb nae,
ki te ki bii kɔɔ n ŋaak ni.
Niŋamm na kɔɔe ki n saa sak bii tuunin.
7 Kpinkpannii damm kan kɔɔ n ŋaak ni;
daanɔ nba fa faak kan set n boor.
8 Daar n tuu daar,
n saa biir biit damm nba be tiŋ na nie;
n saa nyinn biit damm kur Yennu doo na niwa.