124
Yennu-e tee u niib guutɔɔ
1 Yennu-i bonni kii taa ti po, li bo sii tee nlee?
Israel teeb, turin gatu.
2 “Yennu-i bonni kii taa ti po, yoo nba ki ti datai worit na,
3 bi bo saa nakit foote,
kimaan bi wutoa doo ti paak ki saa gara.
4 Nyunmɔnne bo saa dit, ki nyun n bo piinit,
5 nyunjiinii bo saa dite.”
6 Ŋaant ki tin tur Yennu niipoouk,
ŋɔɔe te ki ti datai ki fit biiriti.
7 Ti mir bot nan nɔɔŋ nba tuu yukir
ki nyi waarɔ baruk ni nae.
Baruk na jinte, ki li werikit.
8 Ti sommir nyi Yennu boore,
ŋɔɔe nan sanpaak nan tiŋ.