125
Ki jiin Yennu niib yamani benu po
1 Damm nba teen Yennu yada,
li damm tee nan Sayɔnn kunkonn nba kan ban damm,
koo ki nyat nae.
2 Kunkona nba kook ki lint Jerusalem biaŋinba na,
nnae ki Yennu lint u niib mɔtana nan yoo nba kur waa.
3 Biit damm kii tun ki dia kasii dammi,
bi-i tun ki diabi, kasii damm na mun tan saa mann tun biita.
4 Yennu, tumin bonŋann ki tur binba tee niŋamm na,
binba saak a sennii na.
5 Yoo nba ki a daar biit damm tuba,
fan mun dat binba yêt a sɔnii na tuba.
Parmaasir-ii be Israel teeb paak.