126
Yaŋ nba jiin fatu po
1 Yennu nba din jen nant Jerusalem yoo nba na,
li din naan nan damiit nae.
2 Ti din laa laat, ki bia yin parpeenn yanii bonchiann,
ki digbanlia niib na pak ki jiin ti po a,
“Yennu tun toonjaana bonchiann ki turib.”
3 Barmɔnii, u set tun toonjaana bonchiann ki turit,
ki ti gbee nan parpeenn.
4 Yennu, a ŋamm te ki tin mɔkit
nan saak nba tuu baa ki kɔɔn kpenu nyun na.
5 Ŋaant ki binba buur bonboorii
ŋaan mɔ na n tan jaan jeet kii laa.
6 Binba jii bonboorii a bin bur ŋaan mɔ na,
bi tan saa jaan jeet ki jent ŋaak ni, ki yiin parpeenn yaniie.