130
Yenmiaru nba jiin sommir po
1 Yennu, n be daanchiɔŋ nie ki yia.
2 N Yomdaanɔ, gbiintir n mɔnii,
ki gbat n fabinii nba jiin sommir po na.
3 Fi-i bonni sɔbin ti biitie, ŋmee ki a bo kan turɔ kaati?
4 Ŋaan a nyikin chabit ti biite a tin tura baakir.
5 N guu Yennu sommire nan n par kur,
ki bia teen u maan yada.
6 N guu Yennu nan n par kur
ki gar guutɔɔ nba tuu guu sanyiɔk yentu na.
7 Israel teeb, teent Yennu yada man,
kimaan u lomm yɔɔ be-e,
ki u bia teen siir yoo kur a wun tinni.
8 U saa nyinn u niib Israel teeb bi yanbɔmm kur ni.