129
Yenmiaru nba jiin Israel teeb datai biiru po
1 Israel tiŋ, wantit a datai nba biira biaŋinba,
laa nyii a bisin niwa.
2 “Laa nyii n bisin niwa, n datai yɔɔ dian diabiiuko,
ŋaan bi ki ban nyannimi.
3 Bi chɔɔn n poor po ki teenin fiat,
ki li tee nan baa tuu ko tanmɔnn na.
4 Ŋaan Yennu nba tee kasii daanɔ na nyinnin daabisin niwa.”
5 Binba kur ki loon Sayɔnn maan, Yennu n nyannib ki berib.
6 Ŋaant ki bii tee nan mɔɔt nba tuu pia ŋaak yur paak,
ki koor ŋaan daa ki kpaat na.
7 Sɔɔ ki taant li mɔɔt, koo ki lorin li mɔkpanni.
8 Wunba gar leŋ kur kan yet a, “Yennu n teen piisin i paak.
Ti jikit Yennu sanne ki tee piisin i paak.”