128
Nyɔɔt nba be Yennu mɔsaku ni
1 Binba saak Yennu mɔb ki dia u sennu na,
piisin be bi paak.
2 A toonne saa tura a bonloŋa.
A sii mɔk parpeenne ki mɔkitir.
3 A ŋaapoo sii tee nan tilontik nba lɔɔn bonchiann nae a ŋaak ni,
ki a bonjai tee nan kpan tiinii na, ki lint faa di sian na.
4 Daanɔ nba saak Yennu mɔb,
Yennu saa teen piisin li daanɔ paak nnae.
5 Yennu n te ki piisin n nyi Sayɔnn kunkonn paak ki baar a paak.
A ninbinn n la Jerusalem ki li mɔkitir a manfoor ni kur.
6 Ii be a manfoor ni ki tan la a yaaboona.
Parmaasir-ii be Israel teeb paak.