1 Pakin Yennu man.

Pakin Yennu, u jiantu ŋasaakak ni man.

Pakimɔ sanpaapo nba ki u jii u paŋ ki nan na.

2 Pakimɔ, kimaan waa tun toongbeŋa nba na paak.

Ii pak dont u yabint yiikoo na man.

3 Ii jii naatuna ki pak dontɔ man.

Ii jii kɔna nan naagbai ki dontɔ.

4 Ii jii gingana nan waak ki dontɔ.

Ii jii kɔna nan yerii ki dontɔ.

5 Ii jii duunii ki pak dontɔ.

Ii dontɔ nan duunii mɔnii bonchiann.

6 Bonfoa kur, ii dont Yennu.

Pakin Yennu man.