149
Dontir yaŋ
1 Pakin Yennu man.
Yinin yanpaaŋ ki tur Yennu,
ki dontɔ, u niŋamm tintaanu ni.
2 Israel teeb, ii mɔk parpeenn man,
kimaan i naamii daanɔ paak.
Sayɔnn teeb, ii kpamm man, kimaan i Kpanbar maŋ paak.
3 Ii waa waak kii dont u sann,
ii faa gingana nan kɔna ki dontɔ.
4 Yennu par mei u niib paake,
ki u teen sikin-n-mɔŋ damm na nyannu.
5 Ŋaant ki Yennu niib-ii kpamm, kimaan baa nyann na paak,
ki yin kpinkpammuk yanii nyɔtunmunn.
6 Ŋaant ki bii hoot kii dontir Yennu,
ki bi jukbanjai nba di bonchiann na-ii be bi nii ni,
7 ki te ki bin nyann digbana na, ki dat niib na tuba,
8 ki baan bi kpanbara na jarit,
ki bia baan bi tɔɔndamm na kut jarit,
9 ki dat digbana na tuba, nan Yennu nba senn biaŋinba na.
Yennu niib nyannue na.
Pakin Yennu man.