1 ALLAH mambarkahi Sarah, nang kaya nang dipirmanakan-Nya, wan ALLAH malakuakan lawan Sara nang kaya nang dijanjiakan-Nya. 2 Maka batianan ai Sarah, lalu inya maranakakan saikung anak lalakian gasan Ibrahim wayah sidin sudah tuha, pas wayah nang sudah dijanjiakan Allah. 3 Ibrahim mangarani anaknya nang hanyar diranakakan Sarah tu, Ishak*21:3 Ngaran Ishak baarti 'inya tatawa'. 4 Lalu Ibrahim manyunat Ishak, anaknya itu, wayah baumur delapan hari, nang kaya nang disuruhakan Allah lawan inya†21:4 Kej. 17:10-12. 5 Wayah Ishak diranakakan, Ibrahim sudah baumur saratus tahun.

6 “Allah sudah maulah aku katawa. Satiap urang nang mandangarnya pacang katawa jua nang kaya aku. 7 Kadada saikung ikung gin nang parcaya amun aku kawa baisi anak. Tagal lihati aku sudah maranakakan saikung anak lalakian gasan lakiku wayah sidin sudah tuha” ujar Sarah baucap ka Ibrahim.

8 Lawas kalawasan, anak tu tambah ganal. Wayah anak tu ampih disusui umanya, Ibrahim baaruh ganal gasan marayakan kajadian nang itu. 9 Wayah itu, Sarah malihat anak Ibrahim nang diranakakan Hajar, urang Mesir tu, maajaki Ishak. 10 Lantaran tu, Sarah baucap lawan lakinya, “Abahnya, suruh pang bajauh budak ulun tu lawan anaknya sualnya anak budak tu kada pacangan umpat manjadi ahli waris basama-sama lawan anakku, Ishak.”

11 Kahandak Sarah tu maulah Ibrahim pusang sualnya Ismail tu anak lalakian sidin jua.

12 “Ikam kada usah pusang, Brim ai, sual budak ikam wan anaknya tu. Umpati ja kahandak Sarah tu sualnya matan Ishak ikam pacangan baulihi juriat nang Kujanjiakan tu. 13 Tapi juriat anak Hajar tu nang pacangan kuulah jua manjadi satu bangsa sualnya inya tu anak ikam jua” ujar Allah baucap lawan Ibrahim.

14 Isuk baisukan, Ibrahim maambil makanan, sabuting kantung kulit nang baisi banyu, lalu diandaknya di bahu Hajar gasan sangu, imbah itu Hajar wan Ismail, anaknya, disuruhnya tulak bajauh. Lalu tulakan ai bubuhannya mangambara di padang gurun nang parak Kota Bersyeba. 15 Imbah banyu nang di kantung kulit tu puang, dirabahakannya anak tu di bawah pupuhunan halus. 16 Ditinggalakannya bajauh, lalu inya duduk kira-kira anam puluh depa jauhnya matan situ.

“Aku kada purun malihat anakku mati” ujar Hajar baucap dalam hati.

Rahatan duduk di situ, inya manangis mahalulung. Anaknya manangis jua.

17 Allah mandangar tangisan anaknya tu.

“Kanapa maka ikam sadih banar? Kada usah takutan sualnya Allah sudah mandangar tangisan anak tu matan wadah inya barabah. 18 Paraki anak ikam, diriakan inya, wan tuntunnya. Ikam musti maharagunya sualnya Aku pacangan maulah inya manjadi bangsa nang ganal” ujar malaikat Allah baucap lawan Hajar matan langit.

19 Lalu Allah malihatakan lawan Hajar sabuah sumur. Hajar mandatangi sumur tu lalu kantung kulitnya diisinya lawan banyu. Imbah itu, anaknya dibariꞌinya minum.

20 Allah manjagai anak tu sampai inya ganal. Inya bagana di padang gurun Paran lalu inya manjadi saikung pamanah nang harat. 21 Wayah inya bagana di padang gurun tu, inya dibiniakan ulih umanya lawan babinian matan Mesir. 22  23  24  25  26  27  28  29  30  31  32  33  34