1 *Kap 4:6-7; 5:1,6Ngane a masia a Tuna Sipsip i laga talea tara buluka ni pipikari a raukea vona. Lakea tara ne huriki a maki mahuri ala va i ta dagi manga a hini i kururu, i ta maea, “O valai!” 2 *Sek 1:8; 6:1-6A mata lakea, a matai a hos keakea!*Hos keakea: Keakea i vakasiri manga a viri i vaubi i mulangi. A bakovi i rike vona i nugu a kiniperi. Ni habi vona a tama hariki. Ia a bakovi hateka. I pagitala ge vaubi ne huriki, ge mulangi.

3 Na tahuna a Tuna Sipsip i lagea a ruana buluka ni pipikari a raukea vona, lakea a longo a ruana maki mahuri i ta maea, “O valai!” 4 Lakea i pagitala tabu tara hos, a hos vururu.†Hos Vururu: I vururu manga kanono, i vakasiri manga a viri bara i vaubi, i rabalaki e huriki ala kupo. A bakovi i rike vona, ni habi vona tara bainat dagi, ni habi a nitora ge vakalobo a nivalemu na malala, e huriki a bakovi ri gi varabalaki.

5 Na tahuna a Tuna Sipsip i lagea a toluna buluka, a longoa a toluna maki mahuri i ta maea, “O valai!” Lakea a mata lakea, a hos katokato‡Hos katokato: I vakasiri manga e huriki ri gi mate na vitoloa, a pago. i pagitala valai! A bakovi i rike vona i nugu a skel. 6 Lakea a longo a lohona viri i pesi na kurukurune huriki a maki mahuri i va, i ta maea, “A mapana maki ni kani i rike hateka! A lita na vit ni gi kona na mapana bakovi i leho na parava i taku. A lita i tolu na barli ranga, ni gi kona na mapana bakovi i leho na parava i taku. Pali naha ni ratapile a vina oliv, naha ni ratapile a vain!”§O matai ne Mateo 24. Bara i tahoka a pago hateka, a vitoloa dagi, lakea a mapana maki ni kani lobo bara i rike.

7 Na tahuna a Tuna Sipsip i lagea a vuana buluka, lakea a longoa a lohona vuana maki mahuri, i ta maea, “O valai!” 8 *Jer 15:1-3; Ese 5:12,17; 14:21A mata lakea, a masia a hos havura! A bakovi i rike vona, a rana e Matenga. A viri ni gale A Murine Huriki Ri Mate Pali i muri vona. Ni habi ne rua a nitora ni rabalaki e huriki ala kupo (¼)**¼ i manga e huriki lobo ni ru na tete i va, lakea a tete tara bara i mate. Ru gu rabalaki ria na bainat, na pago, na gilanga dagi, ru gu rudu a maka maki ri tegi na robo ri gi kara mate ria.

9 Na tahuna a Tuna Sipsip i lagea a limana buluka, a matai a hanune huriki ri made na taruna dede na nihabi. Re huriki nga ni rabalaki a vuhuna ri taki tala ne huriki a nitana Vure. 10 Ra hanune huriki nga ri gale dagi, ri ta maea, “O Bakovi Dagi, ioe o tahoka a nitora lobo. Ioe o kiripiripi. Ioe a vuhuna ngava muholi. Garika go pelekado e huriki na malala, go koli a naro hale ne ria, ri rabalaki mia?” 11 *Kap 7:9,13; 19:14Muri ni habi ne ria a varakia ola keakea, ni taki ria ri gi dava popote taro, ge harena na tahuna e huriki e turane ria, ra ri leho palupu, ge rabalaki ria taro e huriki, i manga a hini ria ranga ni rabalaki muga. A Vure i lohoka i riva e huriki ri gi mate maea.

12 *Mat 24:29; Apo 2:20; Kap 8:12; 11:13; 16:18Na tahuna a Tuna Sipsip i lagea a polotarana buluka, a vuruke dagi i bele na malala. A haro i kato manga a gabu. A keva i mapulo i vururu manga a dara. 13 *Ais 34:4A maka hada na hunu ri mapasi puru na malala, i manga a kanena kai a pik i pado, ri mapasi na vilu dagi. 14 *Kap 16:20A hunu ni lopi manga a raukea, i marakavelu. A maka lolo lobo, a bodu lobo ri ha taro a murine ria, ri mariu lakea na hini ranga. 15 *Ais 2:10,19,21Lakea e huriki a hariki na malala, e huriki a bakovi dagi, e huriki a ubu na tara, e huriki a bakovi na mahala, e huriki ri tahoka a nitora, e huriki lobo, re huriki a vorakato, e huriki i uka ma ria a vorakato, ria lobo ri ha, ri kapiloho pololilo na maka babe, polotano na maka kedo dagi na lolo. 16 *Luk 23:30Ri gale tala, ri taki a maka lolo, a maka kedo, ri ta maea, “Mu taho mia, mu ruhulolo mia na matana Viri i made na gula hariki, mu ruhulolo mia na rongova na Tuna Sipsip, 17 *Jol 2:11; Mal 3:2a vuhuna a parava dagi na rongova ne rua i bele ngane. Pali e rei ge mahuri?”