1 ༼ཡར་གནས་མཇལ་དུ་འགྲོ་བའི་དཱ་བིད་ཀྱི་མགུར༌མ།༽ ཡེས་ར་ཨེལ་པས་འདི་ལྟར་སྨྲ་བར༌བྱ། །ངེད་ཕྱོགས་ཡ་ཝཱེ་ཡོད་པ་མ་ཡིན༌ན།། 2 ངེད་ཕྱོགས་ཡ་ཝཱེ་ཡོད་པ་མ་ཡིན༌ཚེ། །མི་རྣམས་ངེད་ཀྱི་དགྲ་རུ་ལངས་ནས༌ནི།། 3 དེ་ཚོའི་ཁོང་ཁྲོ་ངེད་སྟེང་འབར་དུས༌སུ། །དེ་ཚོས་ངེད་ཅག་གསོན་པོར་མིད་པ༌འོ།། 4 དེ་དུས་རྦ་རླབས་ཀྱིས་ནི་ངེད་རྣམས༌འགེབ། །དྲག་བཞུར་ཆུ་བོས་ངེད་ཅག་བསྣུབ་བྱེད༌དོ།། 5 ཆུ་ལོག་ཆེན་པོས་ངེད་རྣམས་བསྣུབ་པར༌བྱེད།། 6 དེ་ཚོའི་མཆེ་བར་གཤག་ཏུ་མ་གནང༌བའི། །ཡ་ཝཱེ་ཁོང་ཉིད་བསྟོད་པར་འོས་སོ༌ལོ།། 7 རང་ཅག་བྱ་པའི་རྙི་ལས་ཐར་བ༌ཡི། །བྱེའུ་ཆུང་ཞིག་དང་ཀུན་ནས་མཚུངས་པ༌སྟེ། །རྙི་རྒྱ་རལ་ཏེ་རང་ཅག་ཐར་བ་ཡིན།། 8 གནམ་སའི་བྱེད་པོ་དཀོན་མཆོག་ཡ་ཝཱེ༌ཡི། །མཚན་ལ་བརྟེན་ནས་ངེད་ལ་རོགས་རམ༌ཐོབ།།