1 ༼ཡར་གནས་མཇལ་དུ་འགྲོ་བའི་མགུར༌མ།༽ ཡ་ཝཱེར་བློ་གཏད་བཅོལ་བའི་མི་རྣམས༌ནི། །འགྱིང་ངེར་ལངས་པའི་རི་བོ་ཛ་ཡན༌འདྲ།། 2 ཡེ་རུ་སཱ་ལེམ་རི་ཡིས་བསྐོར་བ༌ལྟར། །ད་ལྟའི་དུས་ནས་ཇི་སྲིད་འཚོ་བའི༌བར། །ཡ་ཝཱེས་ཁོང་གི་འབངས་མི་དེ་བཞིན༌བསྐོར།། 3 དྲང་པོས་ཉེས་པར་ལག་པ་མི་བརྐྱང༌ཕྱིར། །ངན་པའི་འཁར་བ་དྲང་བདེན་མི་རྣམས༌ཀྱི། །ས་སྐལ་སྟེང་དུ་དུས་རྒྱུན་གནས་མི༌འགྱུར།། 4 བཟང་པོ་རྣམས་དང་གཞུང་དྲང་མི་རྣམས༌ལ། །ཡ་ཝཱེ་ཁྱེད་ཀྱིས་བཀའ་དྲིན་མཛད་དུ༌གསོལ།། 5 འོན་ཀྱང་འཁྱོག་པོའི་ལམ་ནང་སྐྱོད་པ༌རྣམས། །ཡ་ཝཱེས་སྡིག་སྤྱོད་མཉམ་དུ་འཁྲིད་པར༌འགྱུར། །ཡེས་ར་ཨེལ་སྟེང་ཞི་བདེ་འབབ་པར༌སྨོན།།