1 ༼ཡར་གནས་མཇལ་དུ་འགྲོ་བའི་མགུར༌མ།༽ ཡ་ཝཱེས་བཙོན་དུ་ཡོད་པའི་མི་རྣམས༌ནི། །ཛ་ཡན་ཡུལ་ལ་ཕྱིར་ཁྲིད་འོང་བའི༌དུས། །ངེད་རྣམས་རྨི་ལམ་པ་དང་ཀུན་ནས༌མཚུངས།། 2 ངེད་རྣམས་ཁ་རུ་གད་མོ་ལྷང་ལྷང༌སྒྲོག །ལྕེ་ཡིས་དགའ་སྤྲོའི་གླུ་དབྱངས་སིང་སིང་ལེན། །དེ་དུས་མི་རིགས་གཞན་རྣམས་ཁྲོད་དུ༌ན། །ཡ་ཝཱེས་ཁོ་ཚོར་དོན་ཆེན་མཛད་ཅེས༌བརྗོད།། 3 ཡ་ཝཱེས་དངོས་གནས་དོན་ཆེན་མཛད་བྱུང༌སྟེ། །ངེད་ཅག་ཡིད་སེམས་དགའ་སྤྲོས་ཁེངས་པར༌གྱུར།། 4 ཀྱེ་ཀྱེ་ཡ་ཝཱེ་ལྷོ་ཕྱོགས་གཙང་པོ་བཞིན། །ངེད་ཀྱི་བཙོན་པ་རྣམས་ཀྱང་ཁྲིད་འོང༌རོགས།། 5 མཆི་མ་གཏོར་བཞིན་ས་བོན་འདེབས་མཁན༌དེས། །དགའ་མགུ་རང་ཞིང་སྟོན་ཐོག་བརྔ་བར༌འགྱུར།། 6 ངུ་བཞིན་ས་བོན་འདེབས་སུ་འགྲོ་མཁན༌གྱིས། ། *འདིར་མ་ཕྱི་ལས་ས་བོན་ཁུར་ནས་འདེབས་སུ་འགྲོ་མཁན་ཞེས༌མཐོང༌། སྤྲོ་སྤྲོ་ངང་ནས་ཚར་ཕོན་ཁུར་ཏེ་འོང་།།