1 ཡང་དཀོན་མཆོག་ཡ་ཝཱེས་མཆོད་དཔོན་ཆེན་པོ་ཡོ་ཤུ་ཨ་ནི་དཀོན་མཆོག་ཡ་ཝཱེའི་ཕོ་ཉའི་མདུན་དུ་ལངས་བསྡད་ཡོད་པ་ང་ལ་བསྟན་ཏེ། སཱ་ཏན་ *སཱ་ཏན་ཞེས་པ་ནི་སྐྱོན་འཛུགས་མཁན་དང་གྱོད་གཏུག་མཁན་ཞེས་པའི་དོན་ཡིན།ཡང་ཡོ་ཤུ་ཨའི་གཡས་སུ་ལངས་བསྡད་ནས་དེ་གཏུག་གིན་འདུག 2 དཀོན་མཆོག་ཡ་ཝཱེས་སཱ་ཏན་ལ་འདི་སྐད་དུ། ཀྱེ་སཱ་ཏན། དཀོན་མཆོག་ཡ་ཝཱེས་ཁྱོད་ལ་གཤེ་གཤེ་བཏང་བ་ཡིན། ཡེ་རུ་སཱ་ལེམ་བདམས་པའི་དཀོན་མཆོག་ཡ་ཝཱེས་ཁྱོད་ལ་གཤེ་གཤེ་བཏང་བ་ཡིན། མི་འདི་ནི་མེའི་ནང་ནས་ཕྱུང་བའི་བུད་ཤིང་ཞིག་མ་ཡིན་ནམ་ཞེས་གསུངས། 3 སྐབས་དེར་ཡོ་ཤུ་ཨ་ཡིས་གོས་བཙོག་པ་ཞིག་གྱོན་ནས་ཕོ་ཉའི་མདུན་དུ་ལངས་བསྡད་དོ། ། 4 ཕོ་ཉ་དེས་རང་གི་མདུན་དུ་ལངས་བསྡད་ཡོད་པའི་ཞབས་ཏོག་པ་རྣམས་ལ་འདི་སྐད་དུ། ཁྱོད་ཅག་གིས་དེའི་གོས་བཙོག་པ་རྣམས་ཕུད་ཅིག་ཅེས་བསྒོས་པ་དང་། ཡང་ཡོ་ཤུ་ཨ་ལ་འདི་སྐད་དུ། ལྟོས་དང་། ངས་ཁྱོད་ཀྱི་ཉེས་པ་རྣམས་བསལ་ཏེ་ཁྱོད་ལ་ཡིད་དུ་འོང་བའི་གཟབ་གོས་སྐོན་པར་བྱའོ་ཞེས་གསུངས་སོ། ། 5 ཡང་ངས་འདི་ལྟར། ཁྱོད་ཅག་གིས་ཅོད་པན་གཙང་མ་དེ་ཁོའི་མགོ་ལ་སྐོན་ཅིག་ཅེས་སྨྲས་པ་ལ། དེ་དག་གིས་ཅོད་པན་གཙང་མ་དེའི་མགོ་ལ་བསྐོན་ནས་དེ་ལ་གཟབ་གོས་ཡིད་དུ་འོང་བ་ཞིག་གྱོན་པ་དང་། དུས་དེར་དཀོན་མཆོག་ཡ་ཝཱེའི་ཕོ་ཉ་ནི་དེའི་འགྲམ་དུ་ལངས་བསྡད་དོ། ། 6 དཀོན་མཆོག་ཡ་ཝཱེའི་ཕོ་ཉ་ཡིས་ཡོ་ཤུ་ཨ་ལ་བཀའ་འདི་སྐད་གནང་བ་སྟེ། 7 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་དུ། གལ་ཏེ་ཁྱོད་རང་ངའི་ལམ་ནང་འགྲུལ་ཞིང་། ངའི་བཀའ་རྣམས་གཟབ་གཟབ་ངང་བསྲུངས་ན། ཁྱོད་ཀྱིས་ངའི་མཆོད་ཁང་ལ་བདག་གཉེར་བྱེད་པ་དང་། ངའི་ར་བ་རྣམས་ལ་ལྟ་སྲུང་བྱེད་པར་འགྱུར་ལ། ངས་ཀྱང་ཁྱོད་ལ་དབང་གནང་སྟེ། ངའི་མདུན་དུ་ཞབས་ཏོག་སྒྲུབ་པའི་ཕོ་ཉ་འདི་དག་གི་ཁྲོད་ནས་རང་དབང་གིས་རྒྱུ་བར་བྱའོ། ། 8 ཀྱེ་མཆོད་དཔོན་ཆེན་པོ་ཡོ་ཤུ་ཨ་ལགས། ཁྱོད་དང་ཁྱོད་ཀྱི་མདུན་དུ་ཡོད་པའི་རོགས་པ་ཐམས་ཅད་ཀྱིས་ཉོན་ཅིག དེ་དག་ནི་མ་འོངས་པའི་དོན་ངོ་མཚར་ཅན་རྣམས་ཀྱི་མཚོན་རྟགས་ཡིན། ངས་རང་གི་ཞབས་ཕྱི་སྟེ་ཡལ་ག་ †འདིར་ཡལ་ག་ཞེས་པ་ནི་མ་འོངས་ཕེབས་འགྱུར་གྱི་སྐྱབས་མགོན་མཱ་ཤི་ཀ་ལ་གོ་བ་ཡིན།དེ་ནི་རྒྱས་པར་བྱའོ། ། 9 ངས་ཡོ་ཤུ་ཨའི་མདུན་དུ་བཙུགས་པའི་རྡོ་ལ་ལྟོས་ཤིག རྡོ་འདིའི་སྟེང་དུ་མིག་བདུན་ཡོད་དེ། ལྟོས་དང་། རྡོ་འདི་ནི་ང་རང་གིས་དངོས་སུ་བརྐོ་བར་བྱའོ་ཞེས་དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་གསུངས་སོ། །ཡང་ངས་ཡུལ་ཁམས་འདིའི་ཉེས་པ་ནི་ཉིན་གཅིག་གི་ནང་བསལ་བར་བྱའོ། ། 10 ཡང་དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་དུ། ཉིན་མོ་དེར་ཁྱོད་ཅག་རེ་རེས་རང་གི་ཁྱིམ་མཚེས་རྣམས་གདན་དྲངས་ནས་རྒུན་ཤིང་དང་སེ་ཡབ་ཤིང་གི་འོག་ལ་སྡོད་དུ་ཆུག་ཅེས་གསུངས་སོ་ཞེས་གསུངས་པའོ། །