42
Yobu misiilɛa Luaɛ
Ɔ̃ Yobu ò Diiɛ à mɛ̀:
Má dↄ̃ kɛ́ ńyↄ̃ fↄ̃ yã́pii kɛ,
nili fu yã́ pↄ́ ńlɛ yáwao.
N mɛ̀ démɛ lɛ́ zɛzↄ̃ ↄ̃nↄɛ dↄ̃saii?
Sĩanaɛ, ma yã́ pↄ́ má a gbadↄ̃o ò,
yãbↄnsaɛ pↄ́ dɛ ma dↄ̃ala.
N mɛ̀ mà swã́kpa, ńyↄ̃ yã'o,
ńyↄ̃ yãlalaa, mí wema.
Ma n yã́ mà ń swã́o yãaɛ,
tiasa ↄ̃ ma wɛsìnlɛ.
Ayãmɛto ma sakà mazĩagu,
ma nↄ̀sɛlìlɛ zↄ̃lɛa bùsuu tufua.
Dii ɛa Yobu zɛdↄa
Dii yã́ beeↄ oa gbɛa à yã'ò Temani gbɛ̃́ Ɛlifazaɛ à mɛ̀: Ma pↄ pànzi ń n gbɛ̃́ gbɛ̃ↄn plaↄ, asa i ma yã'o a zɛ́wa lán ma zↄ̀blena Yobuwao. À zuswana sɛ mɛ̀n sopla ń sãsakaoo mɛ̀n sopla, à gɛò ma zↄ̀blena Yobu kĩ́i, í sa pↄ́ wì a pↄ́ kátɛu à tɛ́kũ oò, ma zↄ̀blena Yobu i wabikɛɛ́. Má aà wabikɛa sí, má kɛɛ́ á sↄũkɛwao. I ma yã'o a zɛ́wa lán ma zↄ̀blena Yobuwao. Ɔ̃ Temani gbɛ̃́ Ɛlifaza ń Sua gbɛ̃́ Bilidadao ń Naama gbɛ̃́ Zofaao gɛ kɛ̀ lá Dii ònɛ́wa, ↄ̃ Dii Yobu wabikɛanɛ́ sì.
10 Yobu wabikɛa a gbɛ̃naↄnɛ gbɛa Dii tò à sù a pá ziu. À ɛ̀a à pↄ́ pↄ́ a vĩ yãa kã̀fĩɛ̀ lɛɛ pla. 11 Aà vĩ̀i ń aà dãunaↄ mↄ̀ aà kĩ́i píi ń aà gbɛ̃́ dↄ̃aↄ píi. Aa pↄblèaànↄ a bɛ, aa sósobi kɛ̀aànↄ, aa aà nↄ̀sɛ nìniɛ̀ yã́ pↄ́ Dii yìawà píi musu. Ɔ̃ an baade aà gbà ã́nusu ń vua tãanao mɛ̀ndodo.
12 Dii ɛ̀fãaikɛ̀ Yobuɛ gbɛzã dɛ a káaua. A sãↄ vĩ mɛ̀n ↄ̀aasↄsↄo lɛɛ gɛ̃o mɛ̀ndosai (14.000), yiongoↄ ↄ̀aasↄsↄo lɛɛ soolo (6.000), zuↄ ↄ̀aa kwi (2.000) ń zàa'ĩnaↄ ↄ̀aa sↄo (1.000). 13 À nɛgↄ̃ɛ ì gbɛ̃ↄn sopla ń nɛnↄɛↄ gbɛ̃ↄn àaↄ̃ lↄ. 14 Aà nɛnↄɛ sɛ̃́ia tↄ́n Yemima,* Bee mɛ̀ felena. a plaade tↄ́n Kasia, Lí gĩnana tↄ́. a àaↄ̃de tↄ́n Kɛlɛnafu. Bee mɛ̀ kiopɛ̃na. 15 Bùsupi guu píi nↄɛe ku a maa kà Yobu nɛnↄɛpiↄwao. An mae ń túbi dìlɛnɛ́ ń ń dãↄↄɛ.
16 Yobu taasikɛa gbɛa à kɛ̀ wɛ̃̀ basoplaɛ, à wɛsì a tↄũnaↄ ń a sĩ́wɛnaↄ ń a sↄ̃kpaɛↄlɛ. 17 À zikũ̀ táotaoɛ, ↄ̃ à gà.

*42:14 Bee mɛ̀ felena.

42:14 Lí gĩnana tↄ́.

42:14 Bee mɛ̀ kiopɛ̃na.