3
Dii a Nisĩna pisia a gbɛ̃́ↄwa
1 Gↄↄ bee gbɛa má a Nisĩna pisi bui píiɛ,
á nɛgↄ̃ɛↄ ń á nɛnↄɛↄ i ãnabikɛkɛ,
á maezↄ̃ↄↄ i yã́ↄ e iu,
á ɛ̀waasoↄ i wɛ́pungu'e.
2 Gↄↄbeezĩ má a Nisĩna pisimá,
baa ma zↄ̀blenaↄ, gↄ̃ɛↄ ń nↄɛↄ.
3 Má yãbↄnsaɛↄ kɛ musu ń zĩ́lɛo,
au ń tɛ́o ń tɛluo aↄ ku.
4 Ĩatɛ̃ a siakũ,
mↄvua a tã lán auwa
e Dii mↄgↄↄ zↄ̃ↄ pↄ́ a to vĩa ń kṹ àↄ ká.*Mat 24.29, Maa 13.24-25, Luk 21.25, Zia 6.12-13
5 Dii sìsinaↄ bↄ píi,†Zĩn 2.17-21, Lom 10.13
asa suabaa aↄ ku Yelusalɛũ
Siↄna gbɛ̀sĩsĩ musu lá Dii òwaɛ.
Gbɛ̃́ pↄ́ bↄ̀piↄ aaↄ dɛ
gbɛ̃́ pↄ́ Dii ń sisiↄ ũɛ.