1 Luda, ǹ sã kpá ma wikilɛnaai,

ǹ ma aduakɛna ma.

2 Kunna zaa andunialɛa ma wiki lɛ̀mma,

kũ ma wɛ̃̀ndii gↄ̃̀ lɛɛkɛɛ, akũ ma n sisi.

Ǹ gɛ́ kũmao gbɛ̀si kũ à lei demala kĩnaa.

3 Zaakũ mↄkↄ̃mmɛ ma aafialeki ũ,

ma utɛki gbãna ũ ma ibɛrɛnↄ arɛ.

4 Má ye màgↄ̃ kú n ↄnn gↄrↄ sĩnda pínki,

màgↄ̃ sↄtↄna n orun.

5 Luda, zaakũ n lɛ́ kũ ma gbɛ̃̀nnɛ mà,

n n vĩnakɛrinↄ bakaa kpàma.

6 Ǹ kína dↄ̃ kũ aafiaao,

ǹ tó à ká a gↄrↄa.

7 Àgↄ̃ kpata ble n dↄ̃naa gũn gↄrↄ sĩnda pínki,

ǹ a dãkpã n gbɛ̃kɛ kũ n náanikɛnaao yãi,

8 gbasa màgↄ̃ n táaki lɛ́ lákũ gu dìgↄ̃ dↄ nà,

manigↄ̃ lɛ́ kũ ma gbɛ̃̀nnɛ fĩna bo gↄrↄ sĩnda pínki.