101
Kína lɛ́sɛna Ludanɛ
Dauda lɛ̀ɛ.
Mani lɛ̀ da gbɛ̃kɛ kũ yãzɛdeoo musu,
mani lɛ̀ sínnɛ, Dikiri.
Mani laakari kɛ màgↄ̃ kun taari sari,
bↄrɛn ĩni sumaa?
Manigↄ̃ kú ma ↄnn kũ nɛ̀sɛpurao.
Ma wɛ́ nigↄ̃ kú pↄ́ ginaaaro,
mani zã yãdↄrↄsarikɛnan, ani namaro.
Ma nɛ̀sɛ nigↄ̃ manafiki vĩro,
ma bàka nigↄ̃ kú kũ yã vãnioro.
Mani gbɛ̃ kũ àdi a gbɛ̃dake yaka a kpɛ kakatɛ,
mani sùru fↄ̃ kũ karambaanidenↄ kũ zĩdabirinↄoro.
Ma wɛ́ nigↄ̃ kú ma bùsu náanidenↄa,
de ògↄ̃ kú kũmao,
gbɛ̃ kũ àdigↄ̃ kú taari sari nigↄ̃ de ma zĩkɛri ũ.
Mani we gbɛ̃sãtɛri gↄ̃ kú ma bɛaro,
mani tó manafikide zɛ ma arɛro.
Manigↄ̃ ma bùsu gbɛ̃ vãninↄ láka lákũ gu dìgↄ̃ dↄ nà,
manigↄ̃ yãvãnikɛrinↄ buri bo Dikiri wɛ̃tɛ gũn.