111
Dikiri tↄ́bonaa
1 Aleluya!
Mani Dikiri sáabu kpá kũ nɛ̀sɛdoo
gbɛ̃ mananↄ kↄ̃kakaranaa gũn.
2 Dikiri yãkɛnanↄn zↄ̃kↄ̃,
gbɛ̃ kũ a yã kɛ̀ńnɛ nnanↄ dì a laasun lɛ́.
3 A yãkɛnanↄn bɛ̀ɛrɛ vĩ kũ gakurio,
a yãmanakɛna lakana vĩro.
4 Dikiri tò a yãbonsarɛkɛnanↄ dↄ̀ógu,
à sùru vĩ kũ wɛ̃ndao.
5 Àdi pↄ́ble kpá a vĩnakɛrinↄa,
àdigↄ̃ dↄ a bàka kunna kũńwo yãn.
6 À a yãkɛnanↄ gbãna mↄ̀ a gbɛ̃nↄnɛ,
à buri pãndenↄ bùsunↄ sì à kpàḿma.
7 A yãkɛnanↄn náani vĩ akũsↄ̃ à zɛ́ vĩ,
a yãdannɛnanↄn yãpura vĩ pínki.
8 Yã pìnↄ zĩni pɛtɛna gↄrↄ sĩnda pínki,
àdi yã kɛ a zɛ́a kũ náanio.
9 À surabarii zĩ̀ à a gbɛ̃nↄ bò,
a bàka kú kũńwo gↄrↄ sĩnda pínki.
A tↄ́ kú adona, à naasi vĩ.
10 Vĩnakɛna Dikirinɛɛmɛ ↄ̃ndↄ̃ zĩni ũ,
gbɛ̃ kũ ò a vĩna vĩnↄmɛ asãnsĩnidenↄ ũ.
A táakilɛna nigↄ̃ lakana vĩro.