112
Gbɛ̃ kũ à Dikiri vĩna vĩ
Aleluya!
Arubarikademɛ gbɛ̃ kũ à Dikiri vĩna vĩ ũ,
akũsↄ̃ Dikiri yãditɛnanↄ dì kánɛ manamana.
 
A nɛ́nↄ nigↄ̃ gbãnadenↄ ũ ń bùsun,
nɛ̀sɛpurade burinↄ nigↄ̃ de arubarikadenↄ ũ.
Ɔgↄ kũ aruzɛkɛo di a bɛa,
a yãmanakɛna lakana vĩro.
Bee gusiran gu dì pu gbɛ̃ mananɛ,
nɛ̀sɛpurade kũ à sùru kũ wɛ̃ndao vĩ.
Gbɛ̃ kũ àdi ↄ poro, kũ àdi pↄ́ sãkãńnɛ,
akusↄ̃ àdi yã kɛ a zɛ́a, yã dì bo kãao nna.
Pↄ́ke ni gbɛ̃ mana lá ble zikiro,
a yã nigↄ̃ dↄńgu gↄrↄ sĩnda pínki.
Baaru vãni dì a vĩna kũro,
a laakarii dìgↄ̃ kpatɛna, àdigↄ̃ Dikiri náani vĩ.
A kùu dì vĩro, vĩna dì a kũro
ari à gɛ́ à yↄ̃̀gↄ̃ kɛ a ibɛrɛnↄa.
Àdi pↄ́ fã takasidenↄnɛ,
a yãmanakɛna lakana vĩro,
a gbãna dìgↄ̃ kara kũ bɛ̀ɛrɛɛo.
 
10 Gbɛ̃ vãni dì a e à pↄ fɛ̃,
àdi saka kakũn à nagui,
gbɛ̃ vãni pↄyeinaa dì kɛ pã.