3
Ò laakari dↄ yãmanakɛnaaa
Ǹ dↄ n gbɛ̃nↄgu ò mì natɛ gbãnadenↄnɛ kũ ikodenↄo, ò ń yã ma, ògↄ̃ kú kũ yãmanakɛna sĩnda pínki soruo. Òsun gbɛ̃ke tↄ́ vãni síro. Ògↄ̃ de nɛ̀sɛdode yãketesaridenↄ ũ kũ ò busana gbɛ̃ sĩnda pínkinɛ. Zaakũ ókↄ̃nↄ se, ó faya vĩ yãro, ludayãdarisarinↄn ó ũ. O sãtɛ, ó de pↄnnakɛna kũ dà vãni sĩnda pínkio zↄ̀nↄ ũ. Odìgↄ̃ kú nɛ̀sɛ vãnio kũ nɛ̀sɛgↄ̃bao. Ó de bɛgirinↄ ũ, o zãkↄ̃gu. Bee kũ abireo kũ Luda ó Surabari gbɛ̃kɛ kũ a yenyĩo bò gupuraa, akũ à ó sura bà. Adi kɛ ó yãmanakɛna yãinlo, kũ à ó wɛ̃nda dↄ̃̀ yãimɛ. À ó zú ò à ó í dufu, à tò o gↄ̃ gbɛ̃ dufunↄ ũ kũ a Nini kũ à pìsiwá gbãnao Yesu Kirisi ó Surabarii gãi, Abire yãi yã bò kũoo nna a gbɛ̃kɛ yãi, o gↄ̃ túbiblerinↄ ũ, ó wɛ́ dↄ wɛ̃̀ndi kũ àdi lákaroi. Yã pì bi yãpuramɛ.
Má ye ǹ gã na yã pìnↄ onaaa manamana, de ludanaanikɛrinↄ le ò mɛ̀ kpá yãmanakɛnaaa. Abirekũ mana, à karana vĩ gbɛ̃nↄnɛ. Ǹ pã mìsariyã yãgaganaanɛ kũ dizinↄ tↄ́ kↄ̃nↄwɛnaao kũ fìtiio kũ lɛ́kpakↄ̃ana Musa doka yã musuo, zaakũ yã pãnↄmɛ, ò karana vĩro. 10 Ǹ kpãkɛ̃ gbɛ̃ kũ àdi tó ò kɛ̃kↄ̃aai bee gɛ̃̀n pla, gbasa ǹ pɛ́a. 11 Ǹgↄ̃ dↄ̃ kũ gbɛ̃ bire taka sã̀tɛ. Durunnakɛriimɛ, à a zĩda bↄ̀bↄ.
Lɛ́zammanaa
12 Tó ma Atema ke Tikiku zĩ̀mma, ǹ zɛ́ wɛtɛ ǹ su ǹ ma le Nikↄpↄli, zaakũ ma zɛo mà bunsirɛ láka gwe. 13 Ǹ ania kɛ ǹ zàna kɛ bùsu dokadↄ̃ri Zenasinɛ kũ Apoloo de pↄ́ke sún kĩaḿmaro ń tá gũn. 14 À mana ó gbɛ̃nↄ yãmanakɛnaa dada ò ń zĩda kpáa, ò yã kũ à kↄ̃ sìonↄ bↄkↄtɛ de òsungↄ̃ kun pãro. 15 Gbɛ̃ kũ ó kú lɛɛlɛnↄ fↄ kpàmma ń pínki. Ǹ fↄ kpá gbɛ̃ kũ ò yewái Yesu zɛ́ gũnnↄa. Luda gbɛ̃kɛ kɛárɛ á pínki.