1 Dokombəra da Esay dɔ dandɛ, nwɛ aŋwe sɔ Edɔm mɔ. 2 Kɔ Esay ɛlɛk aran ɔn, aran a Kanahan dacɔ: Ada, wan wəran ka Elon wəHewy, Oholibama wan wəran ka Ana, wan wəran ka Cibehɔŋ wəHewi, 3 Basmat wan wəran ka Səmayila, wəkirɛ ka Nebayɔt. 4 Kɔ Ada oŋkomɛ Esay Elifas, kɔ Basmat oŋkom Rehuwɛl. 5 Kɔ Oholibama oŋkom Yehus, Yahelam, kɔ Korah. Awut a Esay ŋɔ akakɔ aŋɛ anakomɛ kɔ Kanahan mɔ. 6 Kɔ Esay ɛlɛk aran ɔn, awut ɔn arkun kɔ aran, afum ɔn aka kəlɔ kɔn, yɔcɔl yɔn kɔ ca yɔkɔ ɛnasɔtɔ atɔf ŋa Kanahan mɔ fəp, k'ɔŋkɔ atɔf ŋɔlɔma. K'ɔmbɔlɛ wɛŋc Yakuba, 7 bawo yɔcɔl yɛnalar ŋa, ta ŋantam kəyi tofo tin-ɛ. Atɔf nŋɛ ŋanayi mɔ ŋɛnafɛtər ŋa teta yɔcɔl yaŋan yɛlarəm. 8 Kɔ Esay ɛndɛ nde tɔrɔ ta Sehir. Esay, nkɔn aŋc-we sɔ Edɔm.

9 Dokombəra da Esay, dɔ dandɛ wətem ka yuruya nyɛ aŋwe Edɔm mɔ, nde tɔrɔ ta Sehir kəroŋ. 10 Mewe ma awut a Esay mɔ mamɛ: Elifas wan ka Ada wəran ka Esay, Rehuwɛl wan ka Basmat wəran ka Esay. 11 Awut a Elifas ŋanayɔnɛ: Temaŋ, Omar, Sefo, Kahetam, kɔ Kenas. 12 Timna wəlakɔ ka Elifas ɛnayi wan ka Esay. K'oŋkomɛ Elifas Amalɛk. Awut a Ada ŋɔ akakɔ wəran ka Esay. 13 Mewe ma awut a Rehuwɛl mɔ mamɛ: Nahat, Serah, Sama, kɔ Misa. Awut a Basmat ŋɔ akakɔ wəran ka Esay. 14 Mewe ma awut a Oholibama wan wəran ka Ana, wan-sɔ ka Cibehɔŋ, wəran ka Esay: K'oŋkomɛ Esay Yehus, Yahelam, kɔ Korah. 15 Mewe ma abɛ a yuruya ya Esay mɛmɛ: Awut abɛ a Elifas, coco ca Esay: Wəbɛ Teman, wəbɛ Omar, wəbɛ Sefo, wəbɛ Kenas, 16 wəbɛ Korah, wəbɛ Kahetam, kɔ wəbɛ Amalɛk. Abɛ a Elifas ŋɔ akakɔ, atɔf ŋa Edɔm. Awut a Ada ŋɔ akakɔ. 17 Awut a Rehuwɛl, wan ka Esay ŋɔ akaŋɛ: Wəbɛ Nahat, wəbɛ Serah, wəbɛ Sama, kɔ wəbɛ Misa. Abɛ a Rehuwɛl ŋɔ akakɔ atɔf ŋa Edɔm. Awut a Basmat ŋɔ akakɔ, wəran ka Esay. 18 Awut a Oholibama ŋɔ akaŋɛ, wəran ka Esay: Wəbɛ Yehus, wəbɛ Yahelam, kɔ wəbɛ Korah. Abɛ a Oholibama ŋɔ akaŋɛ wan wəran ka Ana, wəran ka Esay. 19 Awut a Esay ŋɔ akakɔ, kɔ abɛ aŋan. Esay nwɛ aŋc-we sɔ «Edɔm» mɔ.

20 Awut a Sehir wəHori ŋɔ akaŋɛ: Lotaŋ, Sobal, Cibehɔŋ, Ana, 21 Disɔŋ, Esɛr, kɔ Disaŋ. Abɛ aHori ŋɔ akakɔ, awut a Sehir nde atɔf ŋa Edɔm. 22 Awut a Lotaŋ ŋanayɔnɛ Hori kɔ Hemam. Wəkirɛ ka Lotaŋ ɛnayɔnɛ Timna. 23 Awut a Sobal ŋanayɔnɛ Alwaŋ, Manahat, Ebal, Sefo, kɔ Onam. 24 Awut a Cibehɔŋ ŋanayɔnɛ Awa kɔ Ana. Ana wəkakɔ ɛnafir kələmp nde dətɛgbɛrɛ, pəkɔ dəŋkɛk sɔfale sa papa kɔn Cibehɔŋ. 25 Awut a Ana ŋanayɔnɛ Disɔŋ kɔ Oholibama, wan ka Ana wəran. 26 Awut a Disaŋ ŋanayɔnɛ: Hemdaŋ, Esbaŋ, Yitran, kɔ Keran. 27 Awut a Etsɛr ŋanayɔnɛ: Bilaŋ, Sawaŋ, kɔ Akaŋ. 28 Awut a Disaŋ ŋanayɔnɛ Huc kɔ Araŋ. 29 Abɛ a Hori ŋɔ akaŋɛ: Wəbɛ Lotaŋ, wəbɛ Sobal, wəbɛ Cibehɔŋ, wəbɛ Ana, 30 wəbɛ Disɔŋ, wəbɛ Ecɛr, wəbɛ Disaŋ. Abɛ a Hori ŋa akakɔ, abɛ aŋan atɔf ŋa Sehir. 31 Tɛm tatɔkɔ abɛ ŋanatɔmpər fɛ kərɛsna dɛbɛ nde atɔf ŋa Yisrayel. Mewe ma abɛ aŋɛ ŋanacepər atɔf ŋa Edɔm mɔ, mɔ mamɛ: 32 Bela, wan ka Behor, ɛnayɔnɛ wəbɛ Edɔm, tewe ta dare dɔn tɛnayɔnɛ Dinaba. 33 Kɔ Bela efi. Kɔ Yobabu wan ka Serah wəka Bɔcəra ɛlɛk dɛbɛ dɔn. 34 Kɔ Yobabu efi. Kɔ Hucam wəka atɔf ŋa Temani ɛlɛk dɛbɛ dɔn. 35 Kɔ Hucam efi. Kɔ Hadadu wan ka Bedadu ɛlɛk dɛbɛ dɔn. Nkɔn ɛnacəmbər Madiyaŋ nde kulum ka Mohabu. Tewe ta dare dɔn tɛnayɔnɛ Awit. 36 Kɔ Hadadu efi. Kɔ Samla wəka Masreka ɛlɛk dɛbɛ dɔn. 37 Kɔ Samla efi. Kɔ Sawul wəka dare da Rehobɔt Dəŋgbɔkɔ ɛlɛk dɛbɛ dɔn. 38 Kɔ Sawul efi. Kɔ Bahal-Hanan, wan ka Akbɔr, ɛlɛk dɛbɛ dɔn. 39 Kɔ Bahal-Hanan wan ka Akbɔr efi. Kɔ Hadar ɛlɛk dɛbɛ dɔn. Tewe ta dare dɔn tɛnayɔnɛ Pawu, kɔ tewe ta wəran kɔn tɛnayɔnɛ Mehetabɛl, wan ka Matrɛdu wəran, wan ka Mesahabu wəran. 40 Mewe ma abɛ a Esay mɔ mamɔkɔ, dəcor dəcor, dətɔf tɔf. Pəmɔ tatɔkɔ mewe maŋan moloku ti mɔ: Wəbɛ Timna, wəbɛ Alwa, wəbɛ Yetet, 41 wəbɛ Oholibama, wəbɛ Ela, wəbɛ Pinɔŋ, 42 wəbɛ Kenas, wəbɛ Teman, wəbɛ Mibcar, 43 wəbɛ Makdiyɛl, wəbɛ Iram. Akaŋɛ ŋanayɔnɛ abɛ a Edɔm, kɔ dəkəndɛ daŋan atɔf ŋɔkɔ ŋanayɔnɛ abɛ mɔ. Esay ɛnayɔnɛ wətem ka aka Edɔm.