49
Kətolanɛ ka Yakuba awut ɔn wəco kɔ mɛrəŋ
Kɔ Yakuba ewe awut ɔn, k'oloku:
«Nəloŋkanɛ iloku nu tɔkɔ tendeder nu kiriŋ mɔ.
Nəloŋkanɛ, nəcəŋkəl im Awut a Yakuba!
Nəcəŋkəl Yisrayel* Məmɔmən 32:29; 35:10 papa konu!
Ruben, məna coco cem,
məna nwɛ inakom
tɛm ntɛ inayɔ fənɔntər mɔ:
Məŋcepər awɛŋc əm aŋa
tokom, kɔ fənɔntər.
Məyeŋk pəmɔ domun ndɛ dɛŋyɛksɛ dəkəŋgbɔkɔ mɔ,
mba məfɔdesɔyɔnɛ wəkiriŋ,
Bawo mənapɛsɛ dəkəfəntərɛ da papa kam,
Mənayikyikəs kəfəŋc kem kəpɛsɛ ka ki, kɔ wəran kem wəkin. 35:22
 
Simɔŋ kɔ Lewy dɛwɛŋca dɔ ŋayɔ:
Ŋa ŋantəŋnɛ, ŋasek kəkɔ-yɔ pəlɛc.
Ta amera ŋem ŋosol kəmɛŋkəs kəŋan pəlɛc,
Ta mɛcɛm-cɛmnɛ mem mɛtəŋnɛ nde ŋantəŋnɛ kəbəpɛnɛ mɔ.
Bawo mɛtɛlɛ maŋan disrɛ, ŋandif fum.
Kəcuca kəŋan disrɛ, kɔ ŋaŋcopu-copu mura bənta. 34:25
Intolanɛ mɛtɛlɛ maŋan pəlɛc, bawo mɛmbɛk pɛləsər.
Intolanɛ pəlɛc deyeŋki bəkəc daŋan, bawo dɔfɔyɔnɛ nɔnɔfɔr.
Indeyerəs ŋa atɔf ŋa Yakuba,
Indesaməsər ŋa atɔf ŋa Yisrayel.
 
Yuda, məna, awɛŋc əm aŋa ŋandeyekyekəs əm.
Məndesumpər aterɛnɛ am cərɔbɔ.
Kɔ awɛŋc əm aŋa ŋandecəp am səbomp fɔr yam kiriŋ.
Yuda, kusunuŋku kəwut kɔ məyɔnɛ.
Dəkəwatəri-watəri wɛsɛm wam məyɛfɛ, wan kem!
Nkɔn oŋnut wɛcək, pəfəntərɛ pəmɔ kusunuŋku.
Pəmɔ kusunuŋku kəran: An' ɛntam ki kəyekti ta kəfaŋ-ɛ?
10 Kəgbo ka dɛbɛ kəfɔde kəc-bɔlɛ Yuda,
kəgbo ka dɛbɛ kəndeyi yuruya yɔn dəwaca,
haŋ tɛm ntɛ wəka kəgbo kaŋkɔ yati endeder mɔ,
wəkɔ afum fəp ŋandeyi dəntɔf mɔ.
11 Nkɔn (Yuda) ende pəc-kot sɔfale sɔn dəwiŋ,
pəkot wan ka si nde kətɔk ka wiŋ,
Ende pəc-yak yamos yɔn dəmember,
kɔ bərumus bɔn, dəməŋcɔŋcɔ ma rɛsɛŋ.
12 Member mendesɔŋɛ kɔ fɔr kəyimbərɛ,
Mɛsɛ ma wana mendefertər əm sek.
 
13 Kɔ məna Sabulon, kəba kəsək məndendɛ,
nde cibil cəndeyɔ kətənta mɔ.
Cələŋcər ca atɔf ŋaŋɔkɔ cəndewɔkəl haŋ Sidoŋ.
14 Isakar, məna sɔfale səpɔŋ sɔ məyɔnɛ,
nsɛ səŋfəntərɛ gbɔrɛ mɛrəŋ dacɔ mɔ.
15 Pənəŋk fɔ kəfo kaŋkɔ eyi kəŋesəm mɔ kəntesɛ,
k'atɔf ŋɔmbɔt.
Pətirmi kumunt padəndəsər kɔ pɛsarɛ,
Yɛbəc ya dacar y' endeyi.
 
16 Dan, endeyɔnɛ afum ɔn wəbɛ.
Pəmɔ kusuŋka kəlɔma cusuŋka cələpəs ca Yisrayel cəkɔ.
17 Dan, endeyi pəmɔ abok nŋɛ ŋeyi dɔpɔ mɔ,
aŋkisin nŋɛ ŋeyi dɔpɔ kəsək mɔ.
Abok nŋɛ ŋɛŋaŋ bənta ya afəlɛs,
a tɔsɔŋɛ wəyɛksɛnɛ ka ŋi kətɛmpɛnɛ mɔ.
 
18 Iŋgbɛkər əm amera Kanu Kəpɔŋ, a məndeyac im!
 
19 Kadu, kənay kənare kəndepaŋnɛ kɔ
pəyɛfɛ pəcəmɛ ŋa darəŋ kəbɛləs.
20 Ndena Aser, yeri yoboŋu yendela di.
Antɔf ŋam ŋende ŋɔc-sɔŋ yeri nyɛ pəmar yɔyɔnɛ yeri y' abɛ mɔ.
 
21 Naftali, were w' ɔyɔnɛ nwɛ weyi kiyi ka wi, ta tes o tes tonkotərnɛ wi mɔ.
Ende pəc-koməs awut atɔt pəc-loku moloku mɔtɔt.
 
22 Isifu, popoŋ pa kətɔk kəkom pɔyɔnɛ,
Popoŋ pa kətɔk kəkom nkɛ kəcəmɛ kəŋgbɔkɔ kəsək mɔ,
wara waki wetilsərnɛ damba.
23 Ŋandəkətər kɔ, kɔ ŋampɛn.
Apɛnɛ mbəŋcəran ŋanayɔnɛ ayɛfərɛnɛ am.
24 Mba ambəŋcəran ŋɔn ŋende ŋɛtəŋnɛnɛ kɔ nkɔn sərka.
Anacaŋəs waca wɔn
kətam ka Kanu ka fənɔntər ka Yakuba dəntɔf.
Ɔyɔnɛ wəkɛk kɔ togbu pa aka Yisrayel§ H. = «tasar pa aka Yisrayel» .
25 Tewe ta Kanu ka papa kam, nkɛ kəyɔnɛ wəmar kam mɔ,
tewe ta Kanu nkɛ kəntam mes fəp ma doru mɔ, nkɛ kəndepoc' am mɔ:
Kəpocɛ pətɔt nkɛ kəndeyɛfɛ dareŋc mɔ,
kəpocɛ pətɔt nkɛ kəŋyɛfɛ dəntɔf mɔ,
kəpocɛ pətɔt ka awut alarəm kɔ yɔcɔl yɛlarəm.
26 Kətolanɛ nkɛ papa kam ontolan' am mɔ,
kəŋcepər kətolanɛ pətɔt ka aŋɛ ŋaŋkom im mɔ,
haŋ dəkələpsər da mɔrɔ ma doru o doru.
Kətolanɛ pətɔt kaŋkɔ kəyi Isifu dəromp,
dəndo domp dacɔ da Isifu
nwɛ ɔyɔnɛ wəbɛ ka awɛŋc aŋa mɔ!
 
27 Beŋyamin, kalma k'ɔyɔnɛ nkɛ kəŋwatəri-watəri mɔ.
Bət-bət kəwatəri-watəri wɛsəm wa ki,
dɔfɔy, pəyerəs yɔsɔtɔ ya ki.»
28 Awut akaŋɛ ŋayɔnɛ cusuŋka wəco kɔ mɛrəŋ ca Yisrayel. Moloku mamɛ mɔ kas kəŋan ɛnaloku ŋa, ntɛ oŋctolanɛ ŋa mɔ. Yakuba ɛnatolanɛ ŋa nwɛ o nwɛ kɔ kətolanɛ kɔn taciŋa.
Defi da Yakuba
29 Ntɛ Yakuba elip kətolanɛ awut ɔn mɔ, k'osom ŋa: «Intas kəbəp atem em aŋɛ ŋafi mɔ. Nəwup im kɔ papa kem aŋa, nde kufu kəŋkɔ kəyi nde dalɛ da Hɛfəroŋ wəHewy mɔ, 30 nde kufu nkɛ kəyi dalɛ da Makpela, Mamre kəsək, nde atɔf ŋa Kanahan. Dalɛ dadɔkɔ dɔ Abraham ɛnaway nnɔ Hɛfəroŋ eyi mɔ, pəyɔnɛ di dəkəwupɛnɛ da afum ɔn. 31 Difɔ anawup Abraham kɔ wəran kɔn Sara, difɔ anawup Isiyaka kɔ wəran kɔn Rebeka, difɔ inawup sɔ Leya wəran kem. 32 Dalɛ kɔ kufu nkɛ kəyi di mɔ, Abraham ɛnaway di aHewy dəwaca.» 33 Ntɛ Yakuba elip kəsom awut ɔn mɔ, k'ɛfəntərɛ dəkəfəŋc. K'eŋgbin kifir k'ɔnɔŋkəlɛnɛ atem ɔn aŋɛ ŋanafi mɔ.

*49:2 Məmɔmən 32:29; 35:10

49:4 35:22

49:6 34:25

49:19 kənare

49:21 pəc-loku moloku mɔtɔt

§49:24 H. = «tasar pa aka Yisrayel»