1 Aku anelose adiseveni nauwa adiseveni iwaidi, ani seyana wagaidiya gielai wagaikuya ada givona, “Unaela gana vewaleni vematavuloga-nai Yaubada gina velena vavine sedasedadana valeyana lakaina,**Buki Tabu anatoalamana tufona moyaidi ivetumagana vaita taidei mine-nai sedasedadana ananuwanuwa, ani velemoena melala-nai lakaina anayegana Babiloni, ada Babiloni ani vonaluvefosa melala-nai lakaina Loma. banae givetovetoga gufa moyaidi lilivadiya.**Vona-nai ‘gufa moyaidi’ ananuwanuwa faina ani una itana 17:15. 2 Bana mine-nai sedasedadana wagaine babi anakiniyavo iela nodi vovodi iawaege-kavokavovodi.**Taide vetokiluma-nai Ivemogatala wagaine, vona-nai ‘nodi vovodi iawaege-kavokavovodi’ ani ivonaluvefosau kaliva taudiyavo nuwainagediya ioduodu-mowa gaitoma tulina tulina wagaidiya aku Yaubada ani keke. Taidei dewa-nai ani Yaubada yana vona wagaine givonaluvefosena ‘udo’, faina yana yoo adilauboda ani taudiyavo ida awaegedi Banae wagaine, aku aiyada yaubada fwayafwaya wagaidiya ioduodu. (Iyel 3:8-9, 5:7, 9:2, 13:27, Isik 16:1-63, 23:37) Kaduwe vavine tauna vovona iawaege-kavokavovona wagaine, babi anakalivayavo moyaidi nuwadi givaina e ada vaita waini wagaine idayuga kwavakwava.”

3 Aku Aluwaluwa Tabuna wa yana toyogina gielai wagaikuya aku anelose-nai giabiku ginauweku fafali kavovona wagaine. Wadedeku gaitana vavine seyana givetogana kevakeva lakai-moena yabeyabelina wagaine. Kevakeva-nai kuluwana adiseveni ada ebafwaiki teni, ada yegana vetovetokilumidi vovona matatabuna ikiwafina, yegana-dina koyodi Yaubada ivonavona awadamanena. 4 Vavine ananuya ani adiita iwakadi velemoena, adikala ani vaita kiniyavo adinuya anafaiweya, pepolo ada yabeyabelina. Ada gaitoma lunamanamalidi wagaidiya tauna giveiveigavuna, gola wagaine, kabala adikala tulina tulina adiita vewaga velemoena, ada ododo fatadi lakaidi. Ada vei ibubuna gola wagaine giabina, aku vei-nai ani gimaga mine-nai tauna yana dewa koyo-moedi moyaidi, kadu vovona anaawaege-kavokavovo anabwanene ani wagaidiya. 5 Ada debafoune yegana seyana vetovetokilumina gimiyamiya, ananuwanuwa vitana vaita isewavuyena anafaiweya. Taide anafaiweya givona,

9 “Tubuiyakuweyavo, kai nuwanuwami wana alamanena taidei vona-nai ananuwanuwa, aga gilubodami yami nuwauya nodi wana nuwanuwayena. Kuluwana adiseveni anaalamana ani oya adiseveni tabodiya vavine givetovetoga. 10 Aku kadu ananuwanuwa seyana, ani kuluwana seveni-dina taine kini adiseveni. Ada kini-dina wagaidiya ani adifaifi bademowa adiivi-nai giavaina, bana anavesikisi malinai giveiveimeya, ada bana anaveseveni aimo keke gida vekini. Aku aimo tova gielaelai wagaine banae anaveseveni gina vekini, aku tova maufona analauboda wagaine ginamiya. 11 Aku bana kevakeva koyo-moena tuwaina wayawaina gimiyamiya aku malinai keke, ani au kini-dina adiveseveni adiyoo anakaliva, aku gina vekini anaveeita. Aku anaagolaufofola gina nuwagana. 12 Aku ebafwaiki teni uitadi ani badi kiniyavo teni aimo keke vekini anaveimeya ida nuwaga. Aku aimo badiyavo ani kevakeva-nai koyo-moena nodi vekini anaveimeya ina nuwagana, aku keke tova manamanawena, au kauwana anabai seya-moena gaga wagaine. 13 Kini teni matatabudi yadi nuwanuwa seyana wagaine, ani yadi toyogina kadu yadi veimeya ina atuegena kevakeva koyo-moena wagaine. 14 Biyavo-dina Bana Lami ina lugaviyana aku Banae gina toyogisegedi, faina Banae kauveyayavo yadi Kauveya ada kiniyavo yadi Kini. Ada yoo-dina Banae nodi ani Tauna yana kalivayavo givenuwadadanedi ke gidouwedi, ada badi tova moyaina wa yadi idibumwaiga imulimuliyena.”

15 Kaduwe anelose givoneku, givona, “Gufa moyaina uitadi ani wagaidiya vavine sedasedadana givetovetoga, wada kaliva moyaidi imiyamiya yoo tulina tulina wagaidiya, babi anafafali tulina tulina wagaidiya, kadu meyadi tulina tulina. 16 Kevakeva-nai koyo-moena yabeyabelina ada ebafwaiki teni uitadi ani vavine sedasedadana ina agougena, ada gaitoma matatabuna vovona wagaine ina veyalilidi aku ina nuyabuyabuna. E ada au anakaibe konekonena ginamiya. Aku muline vidona ina kanina, ada gavana ginatufo ani aiyabeyabela wagaine inakabu-yabuna. 17 Tainei dewa-nai kiniyavo ina dewayena, faina Yaubada yana nuwanuwa gisena aseasediya e ada ina gugaiyena. Matatabudi yadi nuwanuwa seyana wagaine Yaubada yana nuwanuwa imuliyena, ada ina awaegau ke vekini anaveimeya taudi wagaidiya ani ina atuegena kevakeva-nai koyo-moena wagaine, e ada banae gina veiveimeya analaba Yaubada yana vona givonaye-vagaidi ina yegemona velemoena. 18 Ada bana vavine-nai uitana, wada melala lakaina wa anayegana giveiveimeya babi matatabuna anakiniyavo wagaidiya.”