23
Laga Dudulaina Deiwidi Lisina yai.
Delamaiya 23:1-6
1 Guyau ya liba iyen,
Heyaheyaya laꞌilaꞌina haba ya lau egu tau foyafoya lisidi, paꞌana iti doha sipi tau ita watandi salumadi edi yosiyosi sa ita wata faheyayadi be sa faidabalalaidi.
2 Debana yai Guyau, Isalaela eda Yaubada, ya libalau dodoga tau ita watanidi lisidi, iyen,
Egoba egu dodoga ami ita wata komakomanidi. In moho ami abi faheyayadi yo ami fagegedi.
Haba kamkamna E fatalu ai hewamiu paꞌana heyaheyaya ami laulau ginauli.
3 Yau ibogu haba egu dodoga otaꞌota fahidi tanoꞌubu mahudoꞌina yai E auledima be E foya fafuyodima edi nuꞌu, Isalaela, egu gana ai ganahewana. Aiteꞌi haba sa talu fanafanatu be sa tadada.
4 Guyau ya liba boda iyen,
Sipi tau ita watandi haba E faꞌobiyodi be sipi sa ita wata komakomainidi. Ibege sipi ni ti ꞌwasabu fuyo e ti tiletilele, e laꞌi i asina.
5 Guyau ya liba iyen,
Lahaidi sa laolaoma,
Yau haba doga hesa E fasinabo.
Deiwidi Laulauwewena Dudulaina
haba ya famala tanuwaga.
Laulau dudulai yo sibasiba yai haba ya tanuwaga.*Deiwidi laulauwewena dudulaina mate oyagi lagana dudulaina buka hahaisa yai sa ulidi.
6 Itete mate tau fasinabo hesana:
“Guyau Eda Dudulai.”
Fuyana yai ni haba Diuda dodogadi sa mwahuli,
na Isalaela haba sa miya gwaugwau.
29 Guyau iyen,
Egu liba doha oyagi balebalelemna ya ala. Na doha hama umeꞌehu ya oi ifiꞌifi.