31
Isalaela Dodogadi Haba sa Fuyo Edi Nuꞌu
Delamaiya 31:7-9
7 Itete Yaubada ya liba, iyebom,
Ma kwademiu au wana Isalaela enehena,
Hesana ya laꞌi wananaha, nuꞌu hahaisa ganahewadi yai.
Emi fadebasae lilina haba ami wanai, auwen,
“Yaubada, em dodoga, salumadi sa lau afuledi, mate u fofofahidi.”
8 Ai tefa lidilidi haba E auledima,
yo tanoꞌubu ana ai sigasiga E faꞌoigogodima.
Tau mata toutou, tau laulau gesa,
tau bogaboga, yo salumadi edi labalaba sa hanahanau,
haba mahudoꞌidi sa laoma.
Be haba sa talu fanafanatu fuyo.
9 Egu dodoga ma tandi haba sa fuyoma. (Samsi 126:5-6)
Na ma laulauꞌuꞌuladi haba E foyahidima.
Haba E foya lawedi hoꞌowa sadaina yai,
ai eda dudulaidi, be ibege ti faꞌalu betibeti.
Paꞌana Yau, Isalaela tamana.
Na natugu tau tuwaha mate Efalaim.
Guyau ena Yali Fwaufwauna
Delamaiya 31:31-34
31 Guyau iyen,
Lahaina ya laolaoma,
haba yali falifalihuna E ginauli,
ma afa haidagu Isalaela yo Diuda dodogadi.
32 Guyau ya liba doha ite, iyen,
Yalina ibege doha yali afa wahawahadi ma afa haidagu ai ginauli.
Fuyana Idipi yai E abi nimaidi na E foyahi lawedi mulimuli, yali ni sa utusi.
In moho, E gadosisiyedi doha taumoho lahuna ya gadosisiyen.
33 Guyau iyen,
Yali falifalihuna maidagu Isalaela dodogadi ꞌe ginauli, logena itete.
Ai muli Yau haba egu laugagayo ai ganahewadi E tole,
yo ai nuwadi E ulidi.
Yau haba edi Yaubada,
na iti haba egu dodoga.
34 Guyau ya liba iyen,
Ibege sai hesa falena tau miya wasagu ena i liba,
o haba hidana i fatalaha be iyen “Guyau u sibai!”
Paꞌana mahudoꞌidi haba sa sibaigu,
kikiꞌina yo lalaꞌi.
Yau haba edi heyaya E liba afulen yo haba E nuwatuhu afulen.