Matiu
Wasa Loholohona Matiu ya Uli
1
Yesu Keliso ana Ulutubu
Matiu 1:1-17
(Luka 3:23-38)
1 Yesu Mesaiya ana ulutubu mate logedi itete: Abelaham yo Kin Deiwidi.
2-6a Abelaham yai ya fatubu na ya lau be Kin Deiwidi yai, wahawahana mate:
Abelaham natuna Isako, Isako, natuna Iyakobo, Iyakobo nanatuna Diuda ma haidana. Diuda ma lahuna Tama, nanatudi mate Pelesi yo Sela. Pelesi natuna mate Heselan. Heselan natuna Lam, Lam natuna, Aminadabi, na Abinadabi natuna Nason, Nason natuna mate Salamon. Salamon ma lahuna Lahaba natudi mate Bowasi. Na Bowasi ma lahuna Luta natudi mate Obedi. Obedi natuna Desi, na Desi natuna Kin Deiwidi.
6b-11 Deiwidi yai ya fatubu na ya lau be Babilon sa lawedi, Yesu wahawahana mate:
Deiwidi natuna Solomon. Solomon tinana Ulaiya, lahuna Betesiba,*1:6b-11Betesiba mate Ulaiya lahuna na Deiwidi ya eli faboga be natuna logena Solomon. Solomon natuna Lehebowam, Lehebowam natuna Abaidiya, Abaidiya natuna Asa, Asa natuna Diyosafata, Diyosafata natuna Diyeholam, Diyeholam natuna Usaiya, Usaiya natuna Dotan, Dotan natuna Ahasi, Ahasi natuna Hesekaiya, Hesekaiya natuna Manase, Manase natuna Amon, Amon natuna Diyosaiya, na Diyosaiya natuna Diyowakin†1:6b-11<<Diyowakin>> hesana hesa mate <<Diyekonaiya>> na lausoisoi 12 yai hinaga doha. yo haidana, logedi sa tohaidi be sa lawedi Babilon.
12-16 Fuyanna Babilon sa lau afulen, mulina yai na ya lau be Yesu sa yosi, wahawahana hitina itete:
Dekonaiya nanatuna Seyatiyeli, Seyatiyeli natuna Selubabeli, Selubabeli natuna Abiudi, Abiudi, natuna Eliyakim, Eliyakim natuna Asoli, Asoli natuna Sadoka, Sadoka natuna Akim; Akim natuna Eliuda, Eliuda natuna Elisala, Elisala natuna Matan, Matan natuna Iyakobo, Iyakobo natuna Diyosepa, Diyosepa lahuna Maliya. In logena, Yesu ya yosi, sa atahi Keliso.‡1:12-16 Au italau Matiu 22:42, somo yai ti uli, <<Keliso mate sai?>>
17 Yesu ana ulutubu ya fatubu Abelaham yai, ya lau ee–, Deiwidi, mate 14.
Na Deiwidi yai na ya lau ee–, sa tohaidi sa lawedi Babilon mate 14 hinaga,
Sa lawedi Babilon yai na ya lau ee–, Keliso ena fuya yai, mate wahawaha oulina 14 hinaga.
Yesu ya Tubu
Matiu 1:18-25
18 Itete sidohana haꞌa Yesu Keliso ya tubu. Tinana Maliya Diyosepa sa fasinabo. Na hola hige ti miya esega, be tineꞌeu wa ya siba fuyoi mate Yaubada Yaluwana debana yai ya boga. 19 Na in mate taumoho dudulaina. Hige i fanuha bena Maliya i fataumayamaya, yofede, simosimo yai bena ya lau afulen. 20 Nuwatuhuna fuyanna hola ya fadofadosi, na Guyau ena anelu,§1:20 <<Anelu>> aniyona mate <<Yaubada ena wasa tau leyama.>> eno suwai yai ya fataumahata lisina yai, iyen,
Diyosepa, Deiwidi ana hiti mulita, tabu u ꞌwasabu na Maliya u fai. Paꞌana ya fasiu mate Yaubada Yaluwana ena nuwatuhu yai. 21 In haba natuna taumoho ya yosi, na hesana haba wa tole, Yesu,*1:21Hebelu alinadi yai, <<Yesu>> aniyona mate, <<Tau laulau famwahulida>> o <<Tau laulau fofofahida.>> paꞌana ena dodoga edi heyaya debadi yai haba ya fofofahidi.
22 Ginauli mahudoꞌidi sa tubu te bena Guyau ena liba haba ya fawananaha, doha, haꞌa Peloweta Isaiya†1:22 Peloweta edi paisowa luwaga: bwaꞌibwaꞌina mate, Yaubada ena wasa tau faliba, yo fafaluwagana mate, ena tau faꞌona wasa haba somo - somo matada yai ya tubu. iyen,
23 Haga au nuwatuhui! Waihin hudoꞌi, hola hige i eno lau, haba ya boga, na haba natuna taumoho ya yosi, na haba hesana sa tole, <<Imanuwela.>> (Isaiya 7:14)
Mate aniyona, <<Yaubada maꞌeda.>>
24 Diyosepa ya eno tauhiti, yofede anelu ena liba ya lau watan, be Maliya ya fai. 25 Na inmoho, hola hige maꞌena ti eno bili, ya lau ee–, natuna ya yosi. Na Diyosepa hesana ya tole, <<Yesu.>>
*1:6b-11 1:6b-11Betesiba mate Ulaiya lahuna na Deiwidi ya eli faboga be natuna logena Solomon.
†1:6b-11 1:6b-11<<Diyowakin>> hesana hesa mate <<Diyekonaiya>> na lausoisoi 12 yai hinaga doha.
‡1:12-16 1:12-16 Au italau Matiu 22:42, somo yai ti uli, <<Keliso mate sai?>>
§1:20 1:20 <<Anelu>> aniyona mate <<Yaubada ena wasa tau leyama.>>
*1:21 1:21Hebelu alinadi yai, <<Yesu>> aniyona mate, <<Tau laulau famwahulida>> o <<Tau laulau fofofahida.>>
†1:22 1:22 Peloweta edi paisowa luwaga: bwaꞌibwaꞌina mate, Yaubada ena wasa tau faliba, yo fafaluwagana mate, ena tau faꞌona wasa haba somo - somo matada yai ya tubu.