1 Pues entonces tunor lo que war inwareox era war inche cocha inteꞌ ajcꞌubꞌesiaj tama e Cristo y machi war inmajresox. Pues Unawalir e Dios war ubꞌijres niwalma, y tamar era innata que erach tunor lo que war inwareox. 2 Pues nen era intzꞌintzꞌa tama niwalma y acꞌuxun niwalma ubꞌan 3 umen que war unsre meyra tuaꞌ acorpesnobꞌ tunor nipiarobꞌ tama e wer xeꞌ jax tin e tuobꞌ e Israel. Pues nen turix tuaꞌ inquetpa bꞌaxbꞌir ani y tuaꞌ inquetpa najtir ani tut e Cristo jay umen era erer uchꞌamiobꞌ ani e corpesiaj. 4 Pues tunor nipiarobꞌ tama e wer xeꞌ turobꞌ tara tor e rum maxtacobꞌ tuaꞌ inteꞌ winic xeꞌ ucꞌabꞌa Israel xeꞌ turuan tama e onian tiempo. Y tunor tin e tuobꞌ e Israel xeꞌ turuanobꞌ tama e onian tiempo chꞌajmobꞌ umen e Dios tuaꞌ aquetpobꞌ umaxtacobꞌ. Pues quetpa utawarer e Dios tacarobꞌ, y e Dios uche cora pacto tacarobꞌ, y ajcꞌunobꞌ uley e Moisés, y ajcꞌunobꞌ cocha tuaꞌ uyujtzꞌiobꞌ ut e Dios tama e templo, y arobꞌnobꞌ lo que e Dios cꞌani uche tuaꞌ utacrion. 5 Pues tunor nipiarobꞌ tama e wer xeꞌ turobꞌ tor e rum coner jax umaxtacobꞌ e Israel, y tuobꞌ uchꞌajnarir e nuquir winicobꞌ xeꞌ turuanobꞌ tama e onian tiempo. Y tamar e chꞌajnarir era jax tiaꞌ cuxpa e Cristo xeꞌ jax Cadiosir xeꞌ aquetpa tujor tunor lo que ayan y xeꞌ war catattzꞌi iraj iraj. Amén.

6 Pues machi cꞌani caware que e Dios machi cꞌapa uche tunor lo que uyare tin e tuobꞌ e Israel que bꞌan tuaꞌ uche, cocha majax tunor tin e locꞌoyobꞌ tama uchꞌajnarir e Israel war acꞌubꞌseyanobꞌ tama e Dios coner bꞌan cocha cay uchiobꞌ tin e tuobꞌ e Israel xeꞌ turuanobꞌ tama e onian tiempo. 7 Y machi quetpobꞌ tama uchꞌajnarir e Abraham tunor e maxtac xeꞌ cuxpobꞌ tamar, cocha e Dios ojron y che: “Jax taca tin e alocꞌoy tama uchꞌajnarir e Isaac tuaꞌ aquetpobꞌ sicbꞌabꞌirobꞌ umen e Dios”, che e Dios. 8 Pues e ojroner era uwirsion que conda acuxpa inteꞌ uyunen tama e Abraham machi war che que jaxir tuaꞌ aquetpa inteꞌ umaxtac e Dios, sino que jax taca tin e acuxpa umen ucꞌotorer e Dios tuaꞌ aquetpa tama uchꞌajnarir e Abraham. 9 Porque lo que arobꞌna e Abraham umen e Dios* Pues atajwina e versículo era tama e Génesis 18:10 jax era: “Cꞌani inyopa otronyajr y cꞌani acuxpa incojt uyar e Sara”, che e Dios.

10 Y ayanto más. Porque tama e onian tiempo e Rebeca ucuxi uyar xeꞌ cuach taca intera taca winic xeꞌ jax catata viejo Isaac. 11-13 Pero conda merato acuxpobꞌ e chateꞌ maxtac era, y conda merato uchiobꞌ lo que imbꞌutz y nien lo que mabꞌambꞌan, e Dios uyare e Rebeca y che: “E sacumbꞌir aquetpa tuaꞌ uche lo que arobꞌna umen e ijtzꞌimbꞌir”, che e Dios. Y bꞌan che ubꞌan tama inteꞌ ojroner tiaꞌ chꞌar tzꞌijbꞌabꞌir que: “Inyajta ut e Jacob, pero e Esaú machi incꞌani”, che e Dios. Y tamar era aquetpa chequer que e Dios erer usicbꞌa tin e ucꞌani bꞌan cocha ubꞌijnu uche. Y e Dios upejca tin e ucꞌani y machi ubꞌijnu jay imbꞌutz o jay majax imbꞌutz lo que war uchiobꞌ.

14 Entonces ¿tucꞌa tuaꞌ caware tamar era? O ¿mabꞌambꞌan ca lo que ubꞌijnu uche Cadiosir? Machi. 15 Porque e Dios uyare e Moisés† Pues atajwina e versículo era tama e Éxodo 33:19. y che: “Cꞌani inchectes nicꞌunersiaj tut xeꞌ incꞌani, y cꞌani inyajta ut xeꞌ incꞌani ubꞌan”, che e Dios. 16 Entonces machi tuaꞌ asicbꞌana inteꞌ winic umen taca que bꞌan war ucꞌani, y nien umen que uturbꞌa ubꞌa tuaꞌ achꞌajma, sino que cꞌani asicbꞌana inteꞌ jay yajtambꞌir ut umen e Dios. 17 Pues chꞌar tzꞌijbꞌabꞌir tama uyojroner e Dios lo que e Dios cay uyare e rey tuaꞌ e Egipto que: “Nen inchiet iquetpa rey tujor e Egipto tuaꞌ inchecsu tamaret tunor nicꞌotorer y tuaꞌ acꞌotoy unatobꞌ nicꞌabꞌa tunor tin e turobꞌ tara tor e rum”, che e Dios. 18 Y tamar era erer cawira que e Dios erer uyajta ut tin taca xeꞌ ucꞌani, pero que erer uqꞌuecꞌojse uyalma tin e cꞌani uqꞌuecꞌojse ubꞌan.

19 Pues erer ani awaren y che: “Y jay bꞌan quetpa ¿tucꞌa tuaꞌ que e Dios warto uyari ticajor que non war cache e mabꞌambꞌanir? Porque ¿chi uyubꞌi uquete uwabꞌu lo que cꞌani uche e Dios?” 20 Pero net xeꞌ winiquet, ¿chiet net tuaꞌ aware e Dios que majax imbꞌutz lo que war uche? Pues jay erer ani oꞌjron inteꞌ bꞌejt bꞌajcꞌat axin uyare e ajpacbꞌejt y che: “¿Tucꞌa tuaꞌ achien inquetpa ingojr bꞌejt cocha era?” che ani inteꞌ bꞌejt uyare e ajpacbꞌejt. Pero bꞌajcꞌat asutpa oꞌjron e ajpacbꞌejt otronyajr taca e bꞌejt y che: “¿Tuqꞌuet net tuaꞌ más cꞌani anata?” che ani e ajpacbꞌejt. 21 Pues tin e ajpacbꞌejt erer uche lo que ucꞌani taca e tzꞌijc rum. Porque jaxir erer ani uche inteꞌ bꞌejt xeꞌ más galan tuaꞌ uchꞌujbꞌa o erer uche ingojr bꞌejt tuaꞌ axin ucꞌampes iraj iraj.

22 Pues bꞌan cocha turu e ajpacbꞌejt era y bꞌan e Dios ubꞌan, cocha jaxir erer uche lo que ucꞌani taca e gente tara tor e rum. Y jay cꞌani uchectes uqꞌuijnar taca ucꞌotorer tut e gente xeꞌ satrem tara tor e rum, pues erer uche. Pues e Dios cay uquete ubꞌa tuaꞌ ucojco e día conda aquetpa tuaꞌ ujatzꞌi tin e tawar tuaꞌ asatpobꞌ. 23 Pero Cadiosir cꞌani uchectes ubꞌa ticoit ubꞌan que nojta utawarer, y bꞌan war uchectes ticoit non coner xeꞌ sicbꞌabꞌiron umener desde ucajyesnibꞌir tunor era tuaꞌ caxin cachꞌami ucꞌunersiaj y tuaꞌ axejra utawarer tacaron. 24 Porque tinon xeꞌ pejcbꞌiron umen e Dios majax jax taca xeꞌ tuon e Israel, sino que ayanon ubꞌan xeꞌ majax tuon e Israel. 25 Bꞌan cocha chꞌar tzꞌijbꞌabꞌir umen e Oseas‡ Pues atajwina e versículo era tama e Oseas 2:23. tama e onian tiempo tamar e gente xeꞌ majax tuobꞌ e Israel y che:

30 Pues entonces ¿tucꞌa tuaꞌ caware tama tunor era? Pues cꞌani caware que tin e majax tuobꞌ e Israel y xeꞌ machi ani war usicbꞌobꞌ cocha tuaꞌ aquetpobꞌ erach taca e Dios§§ Pues atajwina e versículo era tama e Isaías 65:1., jax jaxirobꞌ xeꞌ cꞌotoy quetpobꞌ erach taca e Dios umen que war acꞌubꞌseyanobꞌ tamar. 31 Pero tin e tuobꞌ e Israel xeꞌ cay uche ubꞌobꞌ tuaꞌ acꞌubꞌseyanobꞌ tut uley e Moisés tuaꞌ aquetpobꞌ erach taca e Dios, machi cꞌotoy uchiobꞌ umen que machi ubꞌna ubꞌianobꞌ tut e ley era. 32 Y ¿tucꞌa tuaꞌ que machi cꞌotoy quetpobꞌ erach taca e Dios? Porque tin e tuobꞌ e Israel machi ubꞌijnuobꞌ tuaꞌ acꞌubꞌseyanobꞌ tama e Dios tuaꞌ atacarnobꞌ, sino que cꞌani ani aquetpobꞌ erach taca e Dios tamar taca lo que cay uchiobꞌ. Y tamar era cucremobꞌ umen que machi uyubꞌi acꞌubꞌseyanobꞌ tama e Jesucristo. Bꞌanobꞌ cocha inteꞌ xeꞌ uyobꞌi uyoc tama ingojr tun y acucrema, y tamar era war unumse ubꞌobꞌ coner. 33 Bꞌan cocha chꞌar tzꞌijbꞌabꞌir tama uyojroner e Dios*** Pues atajwina e versículo era tama e Isaías 8:14. y che: