1 Ri vuj re nintz'ibaj-e chive, nich'o pa ruvi' ri Jun ri can c'o-vi-pe.*Mi. 5:2; Jn. 1:1. Roj riq'uin kaxiquin kac'axan rija', riq'uin kavech katz'eton, katz'eton rakale'n ri ruc'aslen, y xkak'etej riq'uin kak'a'.*Lc. 24:39; 2 P. 1:16. Ja rija' ri Jun ri niyo'on c'aslen ri achok riq'uin niketemaj-vi ri c'o pa ránima ri Dios.*Ap. 19:13. 2 Ri niyo'on c'aslen*Jn. 1:4. xuk'alajin chikacojol, roj xkatz'et riq'uin kavech, y nikatzijoj chi can kitzij vi ri xkatz'et, y nikatzijoj chive ri c'aslen ri richin jumul ri xk'alajrises chikavech y can c'o-vi-pe riq'uin ri Katata' Dios.*1 Ti. 3:16. 3 Roj ja ri katz'eton y kac'axan, jari' ri nikatzijoj chive,*Jn. 19:35. richin quiri' rix junan ivánima ni'en kiq'uin roj ri xa jun kánima kabanon riq'uin ri Katata' Dios*Jn. 17:21. y riq'uin ri Jesucristo ri Ruc'ajol. 4 Nikatz'ibaj c'a ronojel re' chive,*1 Jn. 2:1. richin chi tz'akat niquicot ri kánima ivoma.*Jn. 15:11.

5 Ri kac'axan can riq'uin ri Jesucristo, jari' ri nikatzijoj chive, chi ri Dios can sakil vi,*Jn. 1:9; 8:12; 9:5. y man jun k'eku'n nilitaj riq'uin. 6 Si nika'ij chi xa jun kánima kabanon riq'uin ri Dios, y xa c'o k'eku'n nilitaj pa kac'aslen,*Jn. 12:35. xa roj tz'ucuy tzij, y man kac'uan ta kac'aslen chupan ri kitzij.*1 Jn. 2:4, 11. 7 Pero si kac'uan kac'aslen chupan ri sakil, achel ri Dios pa sakil c'o-vi,*Is. 2:5; 1 Ti. 6:16. ri' nu'on chike chi junan kánima nika'an chikavech, y ri ruquiq'uel ri Jesucristo ri Ruc'ajol nkuruch'aj chuvech ronojel kamac.*Ap. 7:14.

8 Si nika'ij chi manak kamac,*1 R. 8:46; Ec. 7:20; Stg. 3:2. kayon nikasetz-ka kano'oj, chiri' nik'alajin-vi chi man roj uc'uan ta roma ri kitzij. 9 Si nikak'alajrisaj ri kamac,*Lv. 26:40-42. ri Dios can nu'on-vi ri nu'ij, y pa ruchojmil nu'on chi nu'on perdonar ri kamac y nkuruch'ajch'ojij chuvech ronojel ruvech itzel tak no'oj kabanalo'n. 10 Si nika'ij chi manak mac*Job 15:14. kabanon, nika'an che ri Dios chi xa jun tz'ucuy tzij,*1 Jn. 5:10. y man roj uc'uan ta roma ri ruch'abel.