3
Xtuka na vi ri k'ij tok xtipe ri Ajaf
Rix ri can yixinjo', jare' ri ruca'n vuj ri nintz'ibaj-e yin chive. Y chupan ri ca'i' vuj re', rix nupaxa'an-e chi man quixmestaj* 2 P. 1:13-15. pa ruvi' ri utzulaj tak no'oj c'o iviq'uin. Richin quiri' rix nic'uxlaj* Jud. 17. ri ch'abel ri quik'alajrisan can ri lok'olaj tak ru-profetas ri Dios ojer, y nic'uxlaj ri katzijon can roj chive ri roj apóstoles pan ivi', y ri' ja ri ru-mandamiento ri Ajaf Colonel.
Nic'atzin nivetemaj na'ey chi chupan ri ruq'uisbel tak tiempo,* 1 Ti. 4:1. xquepe vinak ri xquetze'en chirij ruch'abel ri Dios, y xaxe ri man utz ta ri niquirayij ri yequibanala'. Ri vinak re' xtiquibila': ¿Can kitzij cami chi nipe chic jun bey ri Jesucristo achel ri bin can?* Jer. 17:15; Ez. 12:22. Roma ja jun ri kate-katata' xquic'axaj-e re', pero ja ruchi-ruvech ronojel xe tok x-an ri roch'ulef, xquecha'. Ri vinak re' quiyon niqui'en-ka chi man niquic'uxlaj ta chi ja ri ch'abel ri xel pa ruchi'* Sal. 33:6. ri Dios, jari' xbano ri caj, y xu'on chi xel-pe ri roch'ulef pa ya',* Sal. 24:1, 2. y mismo ya' uc'uayon richin. Y ja ri ch'abel ri xeru'ij ri Dios ri xbano chi xmukutaj pa ya' ri roch'ulef richin ri tiempo ri' y xq'uis ruk'ij.* Gn. 7:11, 21-23; 2 P. 2:5. Y vacami, ja mismo ch'abel ri' eyacayon-apu ri roch'ulef y ri caj richin yec'at pa k'ak',* Mt. 25:41; 2 Ts. 1:8. chupan ri k'ij richin castigo, tok xti'an chi manak chic che'el yecolotaj ri vinak manak Dios pa quivech.
Pero rix ri can yixinjo', man timestaj chi chuvech ri Dios, jun k'ij achel mil juna', y mil juna' achel jun k'ij.* Sal. 90:4. Quiri' nin-ij chive, roma ec'o vinak niqui'ij chi man jun bey* Hab. 2:3; He. 10:37. nibanataj ri ru'in can ri Ajaf, pero man quiri' ta. Rija' layoj roj royo'en, roma man nrojo' ta* Ez. 18:23. chi c'o jun ri man ta nicolotaj, can nurayij chi conojel niquijal quino'oj y niquiya' can ri mac.* Ro. 2:4.
10 Pero achel jun elek'on* Mt. 24:43. man jun rutzijol ntoc pa jun jay chak'a', quiri' man jun rutzijol xtuka ri k'ij tok ri Ajaf xtu'on ri ru'in can. Ri k'ij ri', ri caj xquejinin xqueq'uis, y ronojel ri achique cusan richin ebanon, xtiq'uis quik'ij pa k'ak'. Xtic'at ri roch'ulef y ronojel ri ec'o chuvech.
11 Y roma ronojel re' xa yeq'uis riq'uin k'ak', romari' rix nic'atzin chi nic'uaj jun c'aslen lok'olaj* 1 P. 1:15. ri niyo'on ruk'ij ri Dios, 12 chupan ivoyo'en-apu ri k'ij ri ru'in can ri Dios, y nitij ik'ij yixto'on chi cha'anin nuka ri k'ij ri', tok* Sal. 50:3. xquetzijtzo' ri caj, y xtiq'uis quik'ij, y ronojel ri achique cusan richin ebanon, xqueya'ar-ka* Mi. 1:4. pa ruk'a' ruk'ak'al ri k'ak'. 13 Pero roj koyo'en jun c'ac'ac' caj y jun c'ac'ac' roch'ulef* Is. 65:17. achel rusujun can ri Dios. Chiri' ja ri choj chuvech rija' ri xtibanataj.
14 Roma c'a ri', rix ri can yixinjo', riq'uin ri ivoyo'en ronojel re', titija' ik'ij chi tok yixurila-ka ri Ajaf, can ta ch'ajch'oj ri ivánima, can ta (ic'uan, ivuc'a'n) ivi' chuvi' uxlanen, y man ta manak roma ni'an tzij chivij.* Fil. 1:10. 15 Tivetemaj c'a chi ri Ajaf c'a man jani titzolij-pe,* Ro. 2:4; 1 Ti. 1:16; 1 P. 3:20. xa roma nrojo' chi conojel yecolotaj. Y ri Pablo ri can nikajo' y junan roj rusamajinel ri Jesucristo riq'uin, quiri' mismo rutz'iban chive riq'uin ri no'oj ri yo'on che roma ri Dios. 16 Chupan ronojel ri vuj ri erutz'iban rija', nich'o pa ruvi' re nutz'iban-e yin chive. Ri rutz'iban rija' c'o ch'abel c'ayef chi (nik'ax, nino') chavech, y ri man etijon ta utz pa ruvi' ruch'abel ri Dios y ri man can ta cof ec'o, niquisuk' rubixic, achel niqui'en riq'uin ri más chic ruch'abel ri Dios. Y riq'uin ri quiri' niqui'en, xa quiyon niquinim-ka-qui' chupan quibey ri manak chic che'el yecolotaj.
17 Roma c'a ri', rix ri can yixinjo', riq'uin ri iveteman chic ronojel re', tibana' cuenta ivi'.* Mt. 7:15; 16:6; Fil. 3:2; Col. 2:8; 2 Ti. 4:15. Man xa quixch'acataj roma ri satzoj no'oj niqui'en ri quic'uan jun itzel c'aslen, y romari' xa yixyamayo-ka chi cof rixc'o chirakan ri Dios. 18 Pa ruq'uexel chi quiri' ni'en, más quixq'uiy* Ef. 4:15; 1 P. 2:2. chupan ru-favor ri Kajaf y Kacolonel Jesucristo y más tivetemaj ri utzulaj runo'oj. Ja ta c'a rija' xtiyo'ox ruk'ij vacami, y richin jumul. Amén.* Ro. 11:36.

*3:1 2 P. 1:13-15.

*3:2 Jud. 17.

*3:3 1 Ti. 4:1.

*3:4 Jer. 17:15; Ez. 12:22.

*3:5 Sal. 33:6.

*3:5 Sal. 24:1, 2.

*3:6 Gn. 7:11, 21-23; 2 P. 2:5.

*3:7 Mt. 25:41; 2 Ts. 1:8.

*3:8 Sal. 90:4.

*3:9 Hab. 2:3; He. 10:37.

*3:9 Ez. 18:23.

*3:9 Ro. 2:4.

*3:10 Mt. 24:43.

*3:11 1 P. 1:15.

*3:12 Sal. 50:3.

*3:12 Mi. 1:4.

*3:13 Is. 65:17.

*3:14 Fil. 1:10.

*3:15 Ro. 2:4; 1 Ti. 1:16; 1 P. 3:20.

*3:17 Mt. 7:15; 16:6; Fil. 3:2; Col. 2:8; 2 Ti. 4:15.

*3:18 Ef. 4:15; 1 P. 2:2.

*3:18 Ro. 11:36.