5
Tic'uaj ri c'aslen richin sakil
Vacami c'a, rix, roma rix ralc'ua'l chic ri Dios ri can yixrojo', titzekle'ej rij ruc'aslen rija'. Can ta ja ri nijo-ivi'* 1 Ts. 4:8. ri uc'uayon ri ic'aslen, achel xojrojo'* Jn. 13:34. ri Jesucristo riq'uin ri xuya-ri' pa camic koma; xoc achel jun sipanic ri nijubub ruxla' y achel ri chicop ri yecamises, y ri Dios xka chuvech chi quiri' xu'on.
Pero ri niqui'en ri vinak chi niquicusaj ri qui-cuerpo richin yec'uje' xa achok riq'uin na, quiri' mismo ronojel ruvech man ch'ajch'oj ta, y ri ni'e ivánima pa ruvi' méra, ronojel re'* Col. 3:5, 6. man utz ta nis-ta richin nisilos rubixic chi'icojol rix ri rix richin ri lok'olaj rutinamit ri Dios. Quiri' mismo ri tzij ri nuq'uen-pe q'uix, ri tzij man jun yec'atzin-vi,* Ro. 1:28. y ri mololen tak tzij. Pa ruq'uexel ronojel ri', rix tel pan ichi' ch'abel ri nic'atzin chi matioxinic che ri Dios. Roma rix iveteman chi chiquicojol ri ye'an gobernar roma ri Jesucristo ri can Dios vi, man xtic'uje' ta apu jun ri nucusaj ri ru-cuerpo richin nic'uje' xa achok riq'uin na, nis-ta ri nibano ri man ch'ajch'oj ta, nis-ta ri benak ránima pa ruvi' méra, roma ri ni'e ivánima pa ruvi' méra, junan riq'uin ri niya' quik'ij tiox. Rix tibana' cuenta ivi', man jun tisatzo ino'oj* Mt. 24:4. riq'uin bochinic tak tzij ri niqui'ij chi man jun nu'on masque ni'en jun mac achel ri xin-ij yan ka chive, roma ja ronojel ri mac ri' nibano chi nika royoval ri Dios pa quivi' ri man yeniman ta rutzij. Man ta ja jun rix chupan apu ri yetajin rije'. Roma ri ic'aslen rubanon can, xa pa k'eku'n c'o-vi. Jac'a ri vacami, c'o chic pa sakil roma xa jun ibanon riq'uin ri Ajaf. Roma c'a ri', tic'uaj ri c'aslen ri richin sakil,* Is. 9:2; Jn. 8:12; 1 Jn. 2:9. roma ri sakil ri ruyo'on ri Lok'olaj Espíritu pan ivánima nu'on chive chi ruyon utz ino'oj ni'en, chi rix choj riq'uin ronojel, y chi ja ri kitzij nitzekle'ej.* Gá. 5:22. 10 Titijoj-ivi' pa ruvi' ri achique nika chuvech ri Ajaf, y jari' ri tibana' jumul.* Ro. 12:2; Fil. 1:10. 11 Man c'a tijula-apu-ivi' chupan ri man jun yec'atzin-vi ri yequibanala' ri erichin ri k'eku'n,* Lv. 19:17; Ro. 6:21; 1 Co. 5:11. xa tik'alajrisaj chi man utz ta jun c'aslen quiri'. 12 Roma ri mac ri yequibanala' che'elek'el ri man yeniman ta rutzij ri Dios, hasta nuya' q'uix chave natzijoj. 13 Y ronojel ri nibanataj, nek'alajin-pe tok nisakarises-pe roma ri sakil. Roma ronojel ri nisakarises, nic'uje' chosakil.* He. 4:13. 14 Romari' ruch'abel ri Dios nu'ij:
Rat ri yaver, tuna' avech,
Cacataj chiquicojol ri ecaminak chupan ri mac,
Y ri Jesucristo xtuya' sakil pan ac'aslen.* Jn. 5:25.
Quiri' nu'ij ri tz'iban can.
15 Tina' utz-utz achique chi c'aslen (ic'uan, ivuc'a'n); man ta achel ruc'aslen jun ri manak runo'oj, xa tic'utu' chi jabel yixnojin. 16 Utz rucusasic tibana' ri tiempo,* Col. 4:5. roma vacami jani na itzel tak mac najin pa ruvi' ri roch'ulef. 17 Romari', man ti'en achel man ta jun utz ninojij, rix tivetemaj ri achique nurayij ri Ajaf chive.* Ro. 12:2; 1 Ts. 4:3. 18 Man tiya-ivi' pa ruk'a' ri vino ri nu'on chive chi man nik'at ta chic ivi'.* Pr. 20:1; Ro. 13:13, 14. Más utz tiya' lugar chi ninoj ri Lok'olaj Espíritu pan ivánima. 19 Tiyala' ruchuk'a' ri ivánima chivech riq'uin salmos, himnos, y bix ri yeruya-pe ri Lok'olaj Espíritu chive. Quixbixan y tiyala' ruk'ij ri Ajaf pan ivánima,* Hch. 16:25; Col. 3:16. 20 y pa rubi' ri Kajaf Jesucristo jumul tiya' matiox* Sal. 34:1; He. 13:15. che ri Katata' Dios riq'uin ronojel ri yebanataj.
Tinimaj-ivi' chivech pa tak ivacho
21 Tinimaj-ivi' chivech roma rix yixniman chuvech ri Dios. 22 Ri ixoki', tiquinimaj quitzij ri cachijil,* Gn. 3:16; Col. 3:18. roma riq'uin ri quiri' niqui'en, ja jun chuvech ri Ajaf yeniman-vi. 23 Roma ja ri achi ri c'o pa ruvi' ri rixayil, achel ri Jesucristo c'o pa kavi'* 1 Co. 11:3. roj ri kaniman ri ni'ix iglesia* Ef. 1:22, 23; Col. 1:18. chike, y ja rija' Colonel kichin ri roj ru-cuerpo. 24 Roma c'a ri', achel roj ri kaniman ri Jesucristo rojc'o chuxe' rutzij, quiri' mismo rix ixoki', chupan ronojel tinimaj-vi quitzij ri ivachijil.
25 Rix achi'a'* Col. 3:19. que'ijo' ri ivixayil, achel ri Jesucristo xrojo' ri iglesia y man xupokonaj ta xuya-ri' pa camic roma. 26 Quiri' xu'on roma, richin xu'on lok'olaj che tok ruch'ajch'ojrisan chic riq'uin ya' roma ri ruch'abel. 27 Quiri' xu'on, richin nik'alajin ruk'ij ri iglesia, tok nuc'ut-ka chuvech rija' mismo. Rija' nrojo' chi ch'ajch'oj y lok'olaj,* Col. 1:10. y man ta manak retal mac chirij ri ru-iglesia, man ta yuchuyic nik'alajin, y man ta jun achel ri' ri netzelan richin. 28 Ja ejemplo re' nic'atzin chique ri achi'a', chi achel nicajo-ka ri qui-cuerpo rije', quiri' mismo quecajo' ri quixayil chiquijununal. Ri achi ri nrojo' ri rixayil, (chuka', ka) nrojo-ka-ri' rija'. 29 Roma man jun ri man ta nupokonaj ri ru-cuerpo, konojel jabel nikatzuk y nika'an cuenta, achel nu'on ri Jesucristo kiq'uin ri roj ru-iglesia. 30 Roma roj, roj ocunak ruk'a-rakan ri ru-cuerpo* Ro. 12:5; 1 Co. 6:15. ri Cristo, roj ocunak rutiojil y rubakil. 31 Y jare' ri nuc'uxlaj ruch'abel ri Dios ri tz'iban can ri nu'ij: Ri ala' man xtic'uje' ta chic quiq'uin ri rute-rutata', xa xtiquic'uaj-qui' riq'uin ri rixayil, y xe jun xtiqui'en ri eca'i'.* Gn. 2:24; Mt. 19:5. Quiri' ri tz'iban can. 32 Re' nimalaj rakale'n, y man can ta k'alajrisan ruchojmil rubanon can, pero jun ejemplo pa ruvi' ri achique runo'oj ri Jesucristo kiq'uin roj ri roj ru-iglesia. 33 Roma c'a ri', chi'ijununal tijo' ri ivixayil, achel nijo-ka-ivi' rix. Jac'a ri ixok tuna' ri ránima chi ri rachijil can c'o ruk'ij.

*5:2 1 Ts. 4:8.

*5:2 Jn. 13:34.

*5:3 Col. 3:5, 6.

*5:4 Ro. 1:28.

*5:6 Mt. 24:4.

*5:8 Is. 9:2; Jn. 8:12; 1 Jn. 2:9.

*5:9 Gá. 5:22.

*5:10 Ro. 12:2; Fil. 1:10.

*5:11 Lv. 19:17; Ro. 6:21; 1 Co. 5:11.

*5:13 He. 4:13.

*5:14 Jn. 5:25.

*5:16 Col. 4:5.

*5:17 Ro. 12:2; 1 Ts. 4:3.

*5:18 Pr. 20:1; Ro. 13:13, 14.

*5:19 Hch. 16:25; Col. 3:16.

*5:20 Sal. 34:1; He. 13:15.

*5:22 Gn. 3:16; Col. 3:18.

*5:23 1 Co. 11:3.

*5:23 Ef. 1:22, 23; Col. 1:18.

*5:25 Col. 3:19.

*5:27 Col. 1:10.

*5:30 Ro. 12:5; 1 Co. 6:15.

*5:31 Gn. 2:24; Mt. 19:5.