Ri carta ri tz'iban chique ri quiniman ri Jesucristo chiquicojol ri vinak hebreos
1
Ri Dios ja ri Ruc'ajol rucusan richin nich'o chike
1 Ri ojer can, ri Dios jalajoj tak tiempo y jalajoj rubanic xucusaj richin xch'o chique ri te'ej-tata'aj richin ri rutinamit, y ja ri profetas xerucusaj richin xek'alajrisan ri ruch'abel*Nm. 12:6. chiquivech. 2 Jac'a chupan ri ruq'uisbel tak tiempo*Gá. 4:4. ri rojc'o-vi, ri Dios ja ri Ruc'ajol rucusan richin nich'o chike, ri achok pa ruk'a' xuya-vi richin ntoc rajaf ronojel.*Sal. 2:8. Y mismo ri Ruc'ajol xucusaj richin rubanon ronojel ri xrojo' chi xec'uje'. 3 Riq'uin ri Ruc'ajol nitz'intz'ot-vi ri nimalaj ruk'ij ri Tata'aj, y tzak achel-achel ri Tata'aj, quiri' mismo ri Ruc'ajol,*2 Co. 4:4. ri uc'uayon ronojel riq'uin ri rutzij ri c'o ruchuk'a'. Romari', tok ch'ajch'oj chic rubanon chike chuvech ri kamac, xtz'uye-apu chicaj pa rutz'uyubal pa ru-derecha ri nimalaj Rey*Mr. 16:19. ri can c'o ruk'ij. 4 Y achel x-an chi más c'o ruk'ij que chiquivech ri ángeles, quiri' mismo ri rubi'*Fil. 2:9. ri xyo'ox, más c'o rakale'n*Ef. 1:20-21. que chuvech quibi' ri ángeles.
Ri Ruc'ajol ri Dios más c'o ruk'ij que chiquivech ri ángeles
5 Roma ri Dios man jun bey quire' ru'in che jun ángel:
Rat, rat Nuc'ajol.
Vacami xatinc'ut chiquivech chi ja yin ri yin yayon ac'aslen.*Sal. 2:7.
Y pa ruvi' jun ángel man jun bey quire' ru'in:
Yin, yin Tata'aj pa ruvi',
Y rija' Nuc'ajol.*2 S. 7:14.
Man jun bey ru'in quiri'.
6 Y jun bey chic ri Dios quire' nu'ij tok nutak choch'ulef*He. 10:5. ri Ruc'ajol ri más c'o ruk'ij que chiquivech conojel:
Conojel ri nu-ángeles tiquiya' ruk'ij ri Nuc'ajol.*Dt. 32:43.
Quiri' ri tz'iban can.
7 Jac'a pa quivi' ri ángeles, ri ruch'abel ri Dios quire' nu'ij:
Ri ru-ángeles erusamajela' y nu'on chique achel cak'ik',
Y achel ruxak-k'ak'.*Sal. 104:4.
8 Pero che ri Ruc'ajol, quire' nu'ij:
Jumul-jumul xta'an gobernar, rat Dios,
Y ri ruc'u'x ri a-gobierno ja chi pa ruchojmil na'an gobernar.
9 Nika chavech ri choj, y itzel natz'et ri man choj ta.
Romari' ri Dios, ri a-Dios rat, (xuk'ej, xuk'ij) aceite*Ri ojer can tiempo (xk'ej, xk'ij) aceite pa ruvi' ri cha'on roma ri Dios richin ntoc rey. pan avi'.*Is. 61:1.
Xu'on chave chi más xaquicot que chiquivech ri más chic (avachbil, avach'il).*Sal. 45:6, 7.
10 Y jun chic ri xu'ij che ri Ruc'ajol, jare':
Rat Ajaf, pa na'ey xa'an ri roch'ulef,
Y riq'uin ak'a' xa'an-vi ronojel ri c'o chicaj.
11 Pero c'o na jun k'ij xqueq'uis, jac'a rat jumul ratc'o.
Ri caj y ri roch'ulef xa yerijix,*Is. 51:6. achel nitziakir jun tziek.
12 Xque'abus-e*Is. 34:4. y xquejal-e achel ni'an che jun tziek.
Jac'a rat, ja' achi-avech richin jumul,
Man jun bey xcarijix.*Sal. 102:25-27.
Quiri' xu'ij ri Dios.
13 Y ri Dios man jun bey quire' ru'in che jun ángel:
Catz'uye-pe pa nu-derecha,
C'a ja tok xquenya' chuxe' avakan ri itzel yatquitz'et.*Sal. 110:1.
Man jun bey ru'in quiri' che jun ángel.
14 Roma ri ángeles e-espíritu, y erusamajela'*Sal. 103:20, 21; Lc. 1:19, 26; 2:9, 13; Hch. 12:7. ri Dios ri yetak richin yequito' ri xquecolotaj.
*1:1 Nm. 12:6.
*1:2 Gá. 4:4.
*1:2 Sal. 2:8.
*1:3 2 Co. 4:4.
*1:3 Mr. 16:19.
*1:4 Fil. 2:9.
*1:4 Ef. 1:20-21.
*1:5 Sal. 2:7.
*1:5 2 S. 7:14.
*1:6 He. 10:5.
*1:6 Dt. 32:43.
*1:7 Sal. 104:4.
*1:9 Ri ojer can tiempo (xk'ej, xk'ij) aceite pa ruvi' ri cha'on roma ri Dios richin ntoc rey.
*1:9 Is. 61:1.
*1:9 Sal. 45:6, 7.
*1:11 Is. 51:6.
*1:12 Is. 34:4.
*1:12 Sal. 102:25-27.
*1:13 Sal. 110:1.
*1:14 Sal. 103:20, 21; Lc. 1:19, 26; 2:9, 13; Hch. 12:7.