4
Y chuva Dios* 1 Ti. 5:21. y ri Ajaf Jesucristo ri xtipe chic jun bey, ri xtik'alajin chi can Rey vi, y xtoruk'ata-ka tzij pa quivi' ri e q'ues, y pa quivi' chuka' ri e caminek chic el, ninbij c'a chave rat Timoteo, chi tatzijoj ri ruch'abel ri Dios jantape', chique ri ye'ajovan nicac'axaj y chique ri man nicajo' ta chuka'. Tabij chique 1 Ti. 4:13; Tit. 1:13. ri vinek ri cojkan jun tijonic ri xa man kitzij ta, chi tiquiya' can. Tabij chique ri quic'uan jun c'aslen itzel, chi tiquijala' quic'aslen. Y chique conojel tabij chi jantape' tiquibana' ri utz. Y can riq'uin ronojel avánima que'atijoj conojel, pero riq'uin ronojel coch'onic. Roma xtoka' na vi ri k'ij tok ri vinek xa man chic xticajo' ta xticac'axaj ri utz tak tijonic. 1 Ti. 1:10. Xa can xtibe cánima chirij ri tijonic ri man e kitzij ta, y xquequicanola' c'a achique ri yetijon quichin chire ri tijonic ri yequirayij rije'. Xa man chic c'a xticac'axaj ta ri ruch'abel ri Dios, richin chi yecac'axaj ri tijonic ri xa man jun quejkalen.§ 1 Ti. 1:6. Jac'a rat tach'obo' jebel ronojel ri naben. Tacoch'o' ri tijoj-pokonal ri nipe chavij. Man catane' chutzijoxic ri utzilej ch'abel richin colotajic.* Hch. 21:8. Tabana' c'a ronojel ri samaj ri yo'on chave roma ri Dios.
Roma yin xa can xe chic c'a voyoben ri k'ij chi yicamisex. Fil: 2:17. Ri k'ij richin yibe Fil. 1:23. y ninya' can re ruvach'ulef, xa nakaj chic c'o-vi. Janíla nutijon nuk'ij chubanic ri rurayibel ri Dios, y nubanon ronojel ri samaj ri yo'on chuve roma ri Dios.§ Hch. 20:24. Man nuyo'on ta can ri utz tak tijonic ri kaniman.* 1 Ti. 6:12. Y c'o c'a jun lok'olej sipanic Ap. 2:10. ri xtiquic'ul conojel ri quic'uan jun c'aslen choj. Y vetaman chi yin chuka' xtinc'ul ri'. Ja ri Ajaf ri utzilej K'atoy-Tzij xtiyo'on ri lok'olej sipanic chupan ri k'ij tok xtipe chic jun bey. Y man xe ta chuve yin xtuya-vi ri lok'olej sipanic ri'. Xa can xtuya' chuka' chique conojel ri benek cánima chiroyobexic Sal. 31:19. ri k'ij tok xtipe chic jun bey rija'.
Ri rurayibel ri Pablo
Rat Timoteo, tatija' c'a ak'ij yape viq'uin chanin, richin yino'atz'eta' can. 10 Roma ri Demas§ Col. 4:14; Flm. 24. xa xbe pa tinamit Tesalónica. Xiruya' can, roma xa xbe ránima* 1 Jn. 2:15. chirij ri nusuj re ruvach'ulef. Ri kach'alal Crescente benek ri pa tak tinamit ri ec'o pa Galacia. Y ri kach'alal Tito chuka' benek pa tak tinamit ri ec'o pa Dalmacia. 11 Re vacami xa can xe ri kach'alal Lucas ri c'o can viq'uin. Tac'ama' c'a pe ri kach'alal Marcos Hch. 12:25; 15:37; Col. 4:10. tok xcape, roma rija' nic'atzin chuve richin yiruto'. 12 Ri kach'alal Tíquico Hch. 20:4. xintek-el pa tinamit 'Efeso. 13 Tok xcape, tac'ama' chuka' pe ri nuk'u' ri xinya' can riq'uin ri kach'alal Carpo pa tinamit Troas. Y chuka' que'ac'ama-pe ri nu-libros. Ri yalan nic'atzin chuve, ja ri e banon riq'uin tz'un.
14 Ri Alejandro§ 1 Ti. 1:20. ri samajiy-ch'ich', q'uiy c'a itzel* Hch. 19:33. ri rubanon chuve. Ri Ajaf can xtuya-vi c'a ri rutojbalil 2 S. 3:39; Sal. 28:4. chire, can achi'el ri rubanobal. 15 Romari' rat, can tachajij c'a avi' jebel chuvech, roma rija' janíla nretzelaj ri ruch'abel ri Dios ri nikatzijoj roj.
16 Ri pa nabey tok xinuc'uex chuvech ri k'atoy-tzij, man jun xto'on vichin. Pero man ninvajo' ta Hch. 7:60. c'a chi ri Dios xtuya' ta ruq'uexel chique ri xa man xinquito' ta y xinquiya' can nuyon. 17 Ri Ajaf xa can xiruto-vi yin. Xuya' vuchuk'a' y xirucol-pe§ Sal. 22:21; 109:31; Mt. 10:19; 2 P. 2:9. chupan ri nimalej ruc'ayeval. Y romari' xitiquir xinq'uis ronojel ri samaj ri yo'on chuve roma ri Dios. Samaj richin rutzijoxic ri ruch'abel ri Dios chique conojel ri vinek ri man e israelitas ta. 18 Y yin vetaman chi ri Ajaf xticolon vichin chupan ronojel etzelal. Vetaman chi xquiruchajij* Sal. 121:7. richin queri' xquinoc chupan ri ruk'atbel-tzij chila' chicaj. Rija' can xtuc'ul-vi ruk'ij-ruc'ojlen richin jantape'. Que ta c'a ri'.
Ri ruq'uisibel tak ch'abel
19 Taya' rutzil-quivech ri kach'alal Prisca y Aquila, Hch. 18:2. y chuka' conojel ri ec'o pa rachoch ri kach'alal Onesíforo. 2 Ti. 1:16. 20 Ri kach'alal Erasto§ Hch. 19:22. xc'oje' can pa tinamit Corinto, y ri kach'alal Trófimo* Hch. 20:4. xinya' can pa tinamit Mileto roma yava'. 21 Y rat Timoteo, 2 Ti. 4:9. tatija' c'a ak'ij yape viq'uin tok c'a man jani tiempo ta richin tef. Ri kach'alal Eubulo nutek-el rutzil-avech. Y chuka' ri kach'alal Pudente, ri Lino, ri Claudia, y conojel ri kach'alal vave' niquitek-el rutzil-avech.
22 Ri Ajaf Jesucristo xtic'oje' ta c'a pan avánima rat. Y chi'ivonojel ri ixc'o chiri' xtic'oje' ta c'a ri rutzil ri Dios iviq'uin. Ga. 6:18. Que ta c'a ri'.

*4:1 1 Ti. 5:21.

4:2 1 Ti. 4:13; Tit. 1:13.

4:3 1 Ti. 1:10.

§4:4 1 Ti. 1:6.

*4:5 Hch. 21:8.

4:6 Fil: 2:17.

4:6 Fil. 1:23.

§4:7 Hch. 20:24.

*4:7 1 Ti. 6:12.

4:8 Ap. 2:10.

4:8 Sal. 31:19.

§4:10 Col. 4:14; Flm. 24.

*4:10 1 Jn. 2:15.

4:11 Hch. 12:25; 15:37; Col. 4:10.

4:12 Hch. 20:4.

§4:14 1 Ti. 1:20.

*4:14 Hch. 19:33.

4:14 2 S. 3:39; Sal. 28:4.

4:16 Hch. 7:60.

§4:17 Sal. 22:21; 109:31; Mt. 10:19; 2 P. 2:9.

*4:18 Sal. 121:7.

4:19 Hch. 18:2.

4:19 2 Ti. 1:16.

§4:20 Hch. 19:22.

*4:20 Hch. 20:4.

4:21 2 Ti. 4:9.

4:22 Ga. 6:18.