Vuj chirij ri xquibanala' ri apóstoles
1
Ri Lok'olej Espíritu can xtipe-vi
Nimalej Teófilo,* Lc. 1:3. chupan c'a ri jun vuj ri xinben-el chave nabey, nutz'iban c'a el ri samaj ri xutiquiriba' can rubanic ri Jesús, y ri xutiquiriba' chuka' can ruc'utic chiquivech ri vinek. Y xutanaba' can chupan ri k'ij tok rija' xbe chila' chicaj. 1 Ti. 3:16. Pero tok rija' c'a man jani nibe chila' chicaj, riq'uin ri ruchuk'a' ri Lok'olej Espíritu xubij c'a chique ri ru-apóstoles ri e rucha'on, ri nic'atzin chi niquiben Mt. 28:19; Mr. 16:15; Jn. 20:21. can, tok rija' xtibe. Y rija' can xutej pokon, y xcamisex. Pero tok rija' c'astajinek chic pe, xuc'utula' c'a ri' chiquivech.§ 1 Co. 15:5. Cavinek k'ij ri xubanala' queri'. Y c'o ch'aka' chic ri xubanala' richin tetamex chi can q'ues vi. Y c'o c'a chuka' xubila' chique chirij tok ri vinek ye'oc pa rajavaren o pa ruk'a' ri Dios.
Y jun bey tok ri Jesús y ri e ru-apóstoles quimolon-qui', ri Jesús xubij chique: Quixc'oje' c'a re vave' pa tinamit Jerusalem,* Lc. 24:49. y tivoyobej ri nubin chive; tivoyobej c'a ri rusujun-pe ri Dios chi can nuya'. Jn. 14:16, 26; 15:26; 16:7. Roma rix ivetaman chi ri Juan riq'uin ya' xeruben bautizar ri vinek. Jac'a rix, pa ca'i-oxi' k'ij apo, riq'uin ri Lok'olej Espíritu xquixban bautizar, Mt. 3:11; Hch. 11:16. xcha' ri Jesús.
Tok ri Jesús xtzolin-el chila' chicaj
Y ri quimolon c'a qui' xquic'utuj chire ri Jesús: Ajaf, ¿man cami ja ta k'ij re' tok yojacol roj israelitas y nic'oje' chic ri k'atbel-tzij pa kak'a'?§ Is. 1:26; Dn. 7:27; Am. 9:11; Lc. 17:20. xecha' chire.
Pero ri Jesús xubij chique: C'a ja na ri Dios nibin jampe' xtibanatej ri', y man nic'atzin ta chi nivetamaj rix.* Dt. 29:29; 1 Ts. 5:1. Xaxe c'a tivetamaj, chi tok ri Lok'olej Espíritu xtika-pe pan ivi', xtic'ul c'a uchuk'a', y xquinik'alajirisaj chique ri vinek pa tinamit Jerusalem, y chique ri vinek ri ec'o pa ch'aka' chic tinamit vave' pa Judea y ri pa Samaria, y chique chuka' conojel vinek pa ch'aka' chic ruvach'ulef chi nej chi nakaj, xcha' ri Jesús.
Y can xe chic c'a ri ch'abel ri' ri xubij can. Roma ri ec'o riq'uin ri Jesús ri chiri', can quitzuliben c'a tok xyacatej-el chiquivech pa cak'ik', y xoc-el pa jun sutz', y man chic xquitz'et ta. Jn. 6:62. 10 Y ri apóstoles can c'a quitzuliben na c'a el ri xbe chicaj. Tok c'a xquina' xebec'ulun e ca'i' achi'el achi'a' quiq'uin, ri quicusalon sek tak tziek. 11 Y ri ca'i' achi'el achi'a' ri' xquibij c'a chique ri e ru-apóstoles can ri Jesús: Achi'a' ri yixpe pa Galilea, ¿achique roma tok yixtzu'un chicaj? Re Jesús re xitz'et chi xbe chicaj re vacami, can xtipe chic c'a jun bey. Y can achi'el re xuben-el re xbe, can que chuka' ri' xtuben ri pa ruca'n bey tok xtika-pe chila' chicaj, Dn. 7:13; Jn. 14:3; 1 Ts. 1:10; Ap. 1:7. xecha' chique.
Ri Matías xoc apóstol pa ruq'uexel ri Judas
12 Y ri apóstoles xe'el c'a pe ri chiri' pa ruvi' ri juyu' rubini'an Olivos, y xetzolin ri pa tinamit Jerusalem. Ri Olivos man nej ta c'o-vi chire ri Jerusalem, xa pa jun la'ek kilómetro.§ Ri Nuevo Testamento griego niquibij: Ri bey ri yatiquir nabinbej pa jun k'ij sábado. Quere' niquibij roma ri israelitas yetiquir c'a yebiyin vuku' estadios pa jun sábado, romari' yojtiquir nikabij chi ri juyu' Olivos nakaj c'o-vi chire ri tinamit Jerusalem, xa pa jun la'ek kilómetro. Jun estadio jubama 200 metros, y 7 bey 200 junan riq'uin 1,400 metros, y ri' jubama junan riq'uin jun kilómetro riq'uin nic'aj. 13 Y tok xe'apon c'a, xejote-el ri pa ruca'n vik jay* Mr. 14:15; Lc. 22:12. (cavek jay) ri acuchi can ec'o-vi-pe: Ri Pedro, ri Jacobo, ri Juan, ri Andrés, ri Felipe, ri Tomás, ri Bartolomé, ri Mateo, ri Jacobo ri ruc'ajol ri jun achin rubini'an Alfeo, ri Simón Mt. 10:4. ri c'o quiq'uin ri achi'a' ri nibix celadores Lc. 6:15. chique, y ri Judas§ Jud. 1. ri rach'alal ri Jacobo. 14 Y conojel rije' can jantape' c'a niquiben orar, junan quivech conojel, e cachibilan ri ixoki',* Lc. 23:49. y chuka' ri María ri rute' ri Jesús, y ri e rach'alal Mt. 13:55. ri Jesús.
15 Y jun k'ij tok quimolon c'a qui' jun la'ek ciento veinte kach'alal, ri Pedro xbepa'e-pe chiquivech, y xubij c'a chique: 16 Vach'alal, ri jun ka-rey ri xc'oje' ojer can y xubini'aj David, rutz'iban c'a can ri ch'abel ri xeruya' ri Lok'olej Espíritu 2 S. 23:2; He. 3:7; 1 P. 1:11. pa ránima. Chupan c'a ri vuj ri rutz'iban can rija', c'o c'a ri nich'on chirij ri Judas§ Jn. 18:3. ri xuc'uan quibey ri vinek ri xebe chuchapic ri Jesús. Can c'o-vi c'a chi xbanatej ri'.* Sal. 41:9. 17 Y ri Judas Lc. 6:16; Hch. 1:25. ri' can xoc-vi kachibil, y c'o c'a samaj ri xuben chuka'. 18 Y riq'uin ri ru-mero 2 P. 2:15. rija' xlok' jun ulef. Ja mero ri' ri xuc'ul roma xujech-el ri Jesús. Ri Judas xucamisaj-ri'.§ Mt. 27:5, 7. Rija' xcubucu', y ronojel ri rupan c'a quela' xeka-vi, tok xka' pan ulef. 19 Y tok xbanatej re', conojel c'a ri vinek aj-Jerusalem xe'etaman, y romari' tok Acéldama xbix chire ri ulef ri'. Y jari' ri bi'aj ri niquiya' rije' chire jun ulef richin quic'.* Mt. 27:8. 20 Romari' bin can chupan ri vuj rubini'an Salmos:
Man jun c'a tic'oje' chupan ri rachoch,
xa timalix can. Sal. 69:25.
Y chuka' nubij:
Toc chic jun ruq'uexel richin nipa'e' can chuvech ri rusamaj, Sal. 109:8. nicha'.
21 Roma c'a ri', can nic'atzin c'a chi nikacanoj jun ruq'uexel, pero can ja ri chiquicojol ri achi'a' ri can ronojel tiempo ec'o-pe kiq'uin, y ri can e benek-vi kiq'uin tok xc'oje' ri Ajaf Jesús. 22 Jun chique ri can ec'o-pe kiq'uin tok xban bautizar ri Jesús roma ri Juan, c'a tok xbe chila' chicaj,§ Hch. 1:2. y xel-el chikacojol. Can nic'atzin c'a chi nuk'alajirisaj* Hch. 1:8. junan kiq'uin roj achique rubanic tok ri Jesús xbec'astej-pe chiquicojol caminaki', Hch. 4:33. xcha' ri Pedro.
23 Y jac'ari' xquiya' quibi' e ca'i'. Xquiya-apo ri rubi' ri José ri rubini'an Barsabás y niquibij chuka' Justo chire, y ri rubi' ri Matías. 24 Y xquiben c'a orar, quere': Ajaf, rat ri natz'et ri cánima Jn. 2:24; He. 4:13; Ap. 2:23. conojel, tac'utu' c'a chikavech achique c'a chique re ca'i' achi'a' re' ri acha'on, 25 richin noc can apóstol§ Ro. 1:5. pa ruq'uexel ri Judas, y nipa'e' chuvech ri samaj. Roma ri Judas xa xuya' can ri samaj, roma ri itzel xerubanala'. Y vacami rija' xapon yan chupan ri lugar ri ruc'amon chi napon-vi, xecha'.
26 Y ri achin c'a ri xc'oje' can pa ruq'uexel ri Judas richin noc cachibil ri julajuj apóstoles, ja ri rubini'an Matías, roma pa ruvi' rija' xka-vi* Lv. 16:8; 1 S. 14:41, 42. can ri samaj ri'.

*1:1 Lc. 1:3.

1:2 1 Ti. 3:16.

1:2 Mt. 28:19; Mr. 16:15; Jn. 20:21.

§1:3 1 Co. 15:5.

*1:4 Lc. 24:49.

1:4 Jn. 14:16, 26; 15:26; 16:7.

1:5 Mt. 3:11; Hch. 11:16.

§1:6 Is. 1:26; Dn. 7:27; Am. 9:11; Lc. 17:20.

*1:7 Dt. 29:29; 1 Ts. 5:1.

1:9 Jn. 6:62.

1:11 Dn. 7:13; Jn. 14:3; 1 Ts. 1:10; Ap. 1:7.

§1:12 Ri Nuevo Testamento griego niquibij: Ri bey ri yatiquir nabinbej pa jun k'ij sábado. Quere' niquibij roma ri israelitas yetiquir c'a yebiyin vuku' estadios pa jun sábado, romari' yojtiquir nikabij chi ri juyu' Olivos nakaj c'o-vi chire ri tinamit Jerusalem, xa pa jun la'ek kilómetro. Jun estadio jubama 200 metros, y 7 bey 200 junan riq'uin 1,400 metros, y ri' jubama junan riq'uin jun kilómetro riq'uin nic'aj.

*1:13 Mr. 14:15; Lc. 22:12.

1:13 Mt. 10:4.

1:13 Lc. 6:15.

§1:13 Jud. 1.

*1:14 Lc. 23:49.

1:14 Mt. 13:55.

1:16 2 S. 23:2; He. 3:7; 1 P. 1:11.

§1:16 Jn. 18:3.

*1:16 Sal. 41:9.

1:17 Lc. 6:16; Hch. 1:25.

1:18 2 P. 2:15.

§1:18 Mt. 27:5, 7.

*1:19 Mt. 27:8.

1:20 Sal. 69:25.

1:20 Sal. 109:8.

§1:22 Hch. 1:2.

*1:22 Hch. 1:8.

1:22 Hch. 4:33.

1:24 Jn. 2:24; He. 4:13; Ap. 2:23.

§1:25 Ro. 1:5.

*1:26 Lv. 16:8; 1 S. 14:41, 42.