4
Ri Dios nuc'ul c'a ruk'ij-ruc'ojlen
1 Y c'ari' yin Juan, xintz'et yan chic chi ri chicaj jakel jun puerta, y xinvac'axaj c'a jun ch'abel. Jari' ri nabey ch'abel ri xinvac'axaj, y ri rubaniquil ri ch'abel ri' can achi'el c'a ri nik'ajan jun trompeta.* Ap. 1:10. Y xubij c'a pe chuve: Cajote-pe; y xtinc'ut c'a chavech ri xquebanatej ri xtibe-apo.† Ap. 1:1, 19.
2 Y can jac'ari' tok xinna' chi ja ri Lok'olej Espíritu‡ Ez. 3:12; Ap. 1:10; 17:3; 21:10. ri uc'uayon vichin. Xintz'et c'a chi ri chicaj c'o Jun tz'uyul pa lok'olej ruch'acat.§ Is. 6:1; Jer. 17:12; Ez. 10:1; Dn. 7:9. 3 Y ri tz'uyul pa ruvi' ri lok'olej ch'aquet ri c'o chicaj, ja ri Dios. Rija' can achi'el c'a ri abej ri nibix jaspe y cornalina chique, queri' ri nitzu'un. Y can janíla c'a niyic'lun. Ri lok'olej ch'aquet ri' surin c'a pe rij roma jun arco iris.* Ez. 1:28. Y re arco iris re' rex c'a nitzu'un, achi'el ri abej ri nibix esmeralda chire. 4 Ri Jun ri tz'uyul pa lok'olej ruch'acat surin c'a rij riq'uin juvinek-caji' chic ch'aquet.† Ap. 11:16. Y ri juvinek-caji'‡ Ap. 5:6, 8, 14. rijita'k tak achi'a' ri e tz'uyul chiri' e quicusalon c'a sek tak tziek§ Ap. 3:4. y e quicusalon chuka' coronas ri e banon riq'uin k'anapuek. 5 Jac'a ri pa nic'aj acuchi c'o-vi ri Jun ri tz'uyul pa lok'olej ruch'acat, yec'ulun c'a pe coyopa',* Ez. 1:13. cokolojay y ch'abel. Y ri chuvech apo yec'at c'a vuku' k'ak'.† Ex. 37:23; 2 Cr. 4:20; Zac. 4:2. Y re k'ak' re', jare' ri vuku' espíritu richin ri Dios. 6 Ri chiri' chuvech chuka' apo ri Jun ri tz'uyul pa lok'olej ruch'acat, c'o c'a jun achi'el nimalej ya', achi'el ri nibix mar‡ 1 R. 7:23; Ap. 15:2. chire y achi'el vidrio nitzu'un.
Pa nic'aj c'o-vi ri Jun ri tz'uyul pa lok'olej ruch'acat, y surin-apo rij (sutin-apo rij) coma e caji'§ Ez. 1:5. ri can janíla q'uiy runak' tak quivech c'o. Can nojinek c'a quij roma ri runak' tak quivech. 7 Ri nabey c'a chique ri e caji' ri' can achi'el c'a rubanic jun coj. Ri ruca'n achi'el c'a jun alaj váquix. Ri rox achi'el c'a nitzu'un jun vinek. Y jac'a ri rucaj, can achi'el c'a jun xic (aj-ch'ac) ri ruric'on ruxic' benek chicaj.* Ez. 10:14. 8 Y rije' ox-ox c'a c'ulaj quixic' c'o,† Is. 6:2. y can nojinek-vi c'a ri quij y ri xe' tak quixic' riq'uin ri runak' tak quivech. Y man jun bey c'a ri man ta niquiya' ruk'ij ri Dios. Chi pak'ij chi chak'a' niquibij:
Lok'olej, lok'olej, lok'olej Ajaf.
Ajaf Dios ri can c'o-vi ronojel uchuk'a' aviq'uin.
Rat ri can atc'o-vi-pe pa rutiquiribel, ri atc'o vacami, y ri xcac'oje' chuka' re xtibe-apo, yecha' c'a.
9 Y queri' niquiben c'a ri e caji' ri can janíla q'uiy runak' tak quivech c'o, richin niquiya' ruk'ij-ruc'ojlen ri tz'uyul pa lok'olej ruch'acat. Can yematioxin c'a chire ri jantape' c'o. 10 Y tok queri' niquiben, ri juvinek-caji' rijita'k achi'a' yexuque' c'a chuvech ri tz'uyul pa lok'olej ruch'acat. Can niquiya' c'a ruk'ij ri can jantape' c'o. Y ri rijita'k achi'a' niquelesala' c'a ri qui-coronas y yequiya-apo chuvech ri tz'uyul pa lok'olej ruch'acat, y niquibij c'a chuka':
11 Kajaf Dios,
can ruc'amon c'a chi nac'ul ak'ij-ac'ojlen y chuka' ri uchuk'a',
roma xaxe rat ri can c'o ak'ij-ac'ojlen y c'o chuka' avuchuk'a'.‡ Ap. 5:9, 12.
Ja rat ri xabanon ronojel ri c'o y xe'aq'uiytisaj,
roma can jari' ri arayibel.§ Ap. 10:6; 14:7.
*4:1 Ap. 1:10.
†4:1 Ap. 1:1, 19.
‡4:2 Ez. 3:12; Ap. 1:10; 17:3; 21:10.
§4:2 Is. 6:1; Jer. 17:12; Ez. 10:1; Dn. 7:9.
*4:3 Ez. 1:28.
†4:4 Ap. 11:16.
‡4:4 Ap. 5:6, 8, 14.
§4:4 Ap. 3:4.
*4:5 Ez. 1:13.
†4:5 Ex. 37:23; 2 Cr. 4:20; Zac. 4:2.
‡4:6 1 R. 7:23; Ap. 15:2.
§4:6 Ez. 1:5.
*4:7 Ez. 10:14.
†4:8 Is. 6:2.
‡4:11 Ap. 5:9, 12.
§4:11 Ap. 10:6; 14:7.