5
Ri Jesucristo ri achi'el Alaj Carne'l can ruc'amon-vi chi nujek ri vuj
1 Y xintz'et c'a chi ri Jun ri tz'uyul pa lok'olej ruch'acat, c'o jun vuj*Is. 29:11; 34:16; Ez. 2:9; Ap. 6:1. boton ri ruc'uan pa rajquik'a'. Ri vuj ri', c'o tz'ibatel chuvech y chirij, y tz'apen riq'uin vuku' tz'apebel.†Is. 8:16; Dn. 12:4. 2 Y can jac'ari' tok xintz'et jun ángel ri janíla ruchuk'a', y riq'uin ri janíla ruchuk'a' nuc'utuj c'a: ¿C'o ta cami jun ri can ruc'amon richin nrelesaj ri vuku' tz'apebel richin ri vuj y nujek?
3 Pero man jun. Xa can man jun c'a ri ruc'amon ta richin nujek-ka ri vuj. Man jun chupan ri caj, ni ri pa ruvi' ri ruvach'ulef y ni ri chuxe' ka ri ruvach'ulef. Stape' ta xaxe richin nutzu' juba'. 4 Y yin can janíla c'a yinok', roma can man jun ri ruc'amon ta richin nujek ri vuj y nusiq'uij. Can man jun c'o, stape' ta xaxe richin nutzu' juba'. 5 Y jun chique ri rijita'k tak achi'a' xubij chuve: Man chic c'a catok', roma ri vuj can c'o c'a Jun ri ruc'amon richin nrelesaj ri vuku' tz'apebel richin y nujek, roma ja rija' ri ch'acovinek y junan c'a riq'uin jun coj.‡Gn. 49:9. Rija' can riy-rumam can ri Judá§He. 7:14. y riy-rumam can chuka' ri rey David, xcha' chuve.
6 Y c'ari' xintz'et chi ri Jun ri', jari' ri achi'el Alaj Carne'l ri xk'ax yan chuvech ri camic.*Is. 53:7; Jn. 1:29. Rija' pa'el c'a chiri' pa quinic'ajal ri Jun ri tz'uyul pa lok'olej ruch'acat, ri e caji' ri janíla q'uiy runak' tak quivech c'o, y ri rijita'k tak achi'a'. Y ri achi'el Carne'l ri' c'o vuku' ruc'a' y vuku' chuka' runak' tak ruvech.†Zac. 3:9. Y ri vuku' runak' tak ruvech ri', ja ri vuku' espíritu richin ri Dios ri e takon chuvech ri ruvach'ulef richin yesamej.‡Zac. 4:10; Ap. 4:5. 7 Xpe c'a ri achi'el Alaj Carne'l ri k'axinek chic chuvech ri camic, xberuc'ama-pe ri boton vuj pa rajquik'a' ri tz'uyul ri pa lok'olej ruch'acat. 8 Y jac'a tok xberuc'ama-pe ri boton vuj ri', ri e caji' ri can janíla q'uiy runak' tak quivech y e cachibilan ri juvinek-caji' rijita'k tak achi'a', xexuque-ka chuvech ri achi'el Alaj Carne'l ri ic'ovinek chic chuvech ri camic. Y ri rijita'k tak achi'a' ri' cuc'ualon c'a ri jun ruvech k'ojon rubini'an arpa§Ap. 14:2; 15:2. y cuc'ualon chuka' lek ri e banon riq'uin k'anapuek ri c'o-el jubulej tak ak'on chupan. Y jac'ari' ri qui-oraciones*Sal. 141:2; Ap. 8:3, 4. ri lok'olej tak ralc'ual ri Dios. 9 Y ri rijita'k tak achi'a' ri' c'o c'a jun c'ac'a' bix niquibixaj,†Sal. 40:3. y ri bix ri' nubij c'a:
Rat ri can achi'el jun Alaj Carne'l, can ruc'amon-vi‡Ap. 4:11. richin xbe'ac'ama-pe ri vuj, y can ruc'amon-vi chuka' richin ye'avelesaj ri e tz'apeben-vi can;
roma rat can xacamisex, y riq'uin ri aquiq'uel§Mt. 26:28; Hch. 20:28; Ro. 3:24-26; He. 9:12; 2 P. 2:1; 1 Jn. 1:7. xojacol konojel richin xojoc richin ri Dios;
xabachique ta c'a ri e kati't-kamama' y kach'abel, y xabachique ta c'a chuka' katinamit y ri karuvach'ulef.*Dn. 4:1; 6:25.
10 Xaben c'a chuka' chike chi xojoc reyes y sacerdotes†Ex. 19:6. richin ri Katata' Dios,
y junan xkojk'aton tzij pa ruvi' ri ruvach'ulef.
11 Tok xitzu'un yan chic, xintz'et chi e janíla q'uiy ángeles ri quisurin rij (quisutin rij) ri Jun ri tz'uyul pa lok'olej ruch'acat y ri e caji' ri janíla q'uiy runak' tak quivech y ri rijita'k tak achi'a'. Y ri ángeles ri ec'o chiri', can pa millones c'a,‡Dt. 33:2; Sal. 68:17; Dn. 7:10; He. 12:22. y xinvac'axaj c'a 12 chi riq'uin ronojel cuchuk'a' niquibij:
Ri Jesucristo ri achi'el Alaj Carne'l ri xcamisex,§Ap. 5:6.
can ruc'amon-vi chi c'o ruchuk'a',*Ap. 7:12. c'o rubeyomel y c'o etamabel riq'uin.
Rija' ronojel nitiquir nuben.
Y chuka' ruc'amon chi nuc'ul ruk'ij-ruc'ojlen, y ruc'amon chi nic'oje' ri rubi' pa nabey.
13 Y xenvac'axaj c'a chuka' conojel ri e ruq'uiytisan ri Dios ri ec'o chupan ri caj, ri ec'o chuvech ri ruvach'ulef, ri ec'o chuxe' ka ri ruvach'ulef, y ri ec'o chupan ri nimalej ya' rubini'an mar, niquibij c'a:
Ri tz'uyul chupan ri lok'olej ruch'acat y que chuka' ri' ri achi'el Alaj Carne'l ri ic'ovinek chic chuvech ri camic,
jari' ri c'o rubi' pa nabey, c'o ruk'ij, c'o ruc'ojlen,†1 Cr. 29:11; Jn. 5:23; Ef. 3:21; Fil. 2:10. y c'o ruchuk'a' richin jantape', xecha'.
14 Y ri e caji' ri janíla q'uiy runak' tak quivech c'o, xquibij c'a: Que c'a ri'.
Y ri juvinek-caji' rijita'k achi'a' can jac'ari' xexuque-ka richin xquiya' ruk'ij‡1 Cr. 16:36; Ap. 19:4. ri can benek-ruvech c'o ruc'aslen.
*5:1 Is. 29:11; 34:16; Ez. 2:9; Ap. 6:1.
†5:1 Is. 8:16; Dn. 12:4.
‡5:5 Gn. 49:9.
§5:5 He. 7:14.
*5:6 Is. 53:7; Jn. 1:29.
†5:6 Zac. 3:9.
‡5:6 Zac. 4:10; Ap. 4:5.
§5:8 Ap. 14:2; 15:2.
*5:8 Sal. 141:2; Ap. 8:3, 4.
†5:9 Sal. 40:3.
‡5:9 Ap. 4:11.
§5:9 Mt. 26:28; Hch. 20:28; Ro. 3:24-26; He. 9:12; 2 P. 2:1; 1 Jn. 1:7.
*5:9 Dn. 4:1; 6:25.
†5:10 Ex. 19:6.
‡5:11 Dt. 33:2; Sal. 68:17; Dn. 7:10; He. 12:22.
§5:12 Ap. 5:6.
*5:12 Ap. 7:12.
†5:13 1 Cr. 29:11; Jn. 5:23; Ef. 3:21; Fil. 2:10.
‡5:14 1 Cr. 16:36; Ap. 19:4.