2
Tak xalax re Jesús
1 Ja tiempo re' tak re ache rubini'an Augusto César✡Hch 17.7. xulisaj jun orden chin niban jun tz'iban be'aj re nibex censo cha. 2 Man jun bey banon quire'. Pero tak xban re nabey censo,✡Hch 5.37. ja re jun ache rubini'an Cirenio jare' re gobernador, chire' chupan re nación rubini'an Siria. Re Siria c'o pa ruk'a' re Augusto César. 3 Y re vinak re jec'o chupan re nación Israel tiene que ne'quitz'ibaj quibe' c'a pa tak quitenemit. 4 Y chire' pa Galilea c'o jun tenemit rubini'an Nazaret. Y chire' pa Nazaret c'o jun ache rubini'an José. Y re José tiene que no'rtz'ibaj rube' c'a pa tenemit Belén,✡1 S 16.1; Mi 5.2; Jn 7.42. roma re rate't-rumoma' je aj-chire'. Re Belén c'a pa Judea c'o-va. Chire' c'a pa Belén xalax-va re Rey David, y re José rey-rumam can re Rey David.✡Mt 1.16; Lc 1.27. 5 Y re José y chibil re María re ruxayil chic,✡Lc 1.27. xe'ba pa Belén chin ne'quitz'ibaj quibe'. Y re María xa niyavaj chic. 6 Y chire' pa Belén jec'o-va tak xtz'akater ru-tiempo re María chin nic'ue' ral.✡Mt 2.1. 7 Y re nabey ac'ual xc'ue' riq'uin,✡Is 53.2; Mt 1.25; 2 Co 4.4; Ga 4.4. ch'et ala'. Re María jabal xubolk'otij re ac'ual pa tziak, y xuliba' anche' ye'va-va re chicop re nibex establo cha. Chire' xe'c'ue-va roma chupan re jay re anche' niya-va posada manak chic lugar anche' ye'c'ue-va.
Tak xquic'ut-qui' re ángeles chiquivach re achi'a' re yc'chajin ovejas
8 Y chupan re ak'a' re' jec'o achi'a' re niquichajij qui-ovejas pa tak k'os chunakaj-apo re tenemit Belén. 9 Jare' tak xuc'ut-ri' jun ángel chiquivach, pitinak chila' chicaj riq'uin re Ajaf. Y reje' camas xquixibij-qui' roma re ángel,✡Lc 1.12. y roma chuka' re namalaj sakil chin re Ajaf re xtzu'un pa quive'. 10 Y re ángel xubij chique: Man tixibij-ivi'. Tic'axaj re xtinya' rutzijol chiva, can xtuban chiva che camas xquixqui'cot. Y man xe-ta yex quire' xtina', xa can quire' chuka' xtiquina' conojel vinak.✡Gn 12.3; Col 1.23. 11 Chire' pa Belén, re rutenemit can re Rey David, vocame xalax re nicola quichin re vinak✡Is 9.6; Mt 1.21; Ga 4.4; 2 Ti 1.9; 1 Jn 4.14. chach re quimac, y re' ja re Cristo re Ajaf.✡Fil 2.11. 12 Y chin che nitamaj che vo xa ja reja', k'alaj xtivel re ch'et ac'ual bolk'otin pa tziak y cotz'oban anche' ye'va-va re chicop re nibex establo cha, xcha' re ángel.
13 Can jare' tak más je q'uiy ángeles xe'bec'ulum-pa je'pitinak chila' chicaj.✡Gn 28.12; Sal 103.20. Y reje' niquiya' c'a ruk'ij re Dios, y niquibij:
14 ¡Vocame, camas ruk'ij nuc'ul re Dios chila' chicaj!
¡Y vova' chach re ruch'ulef re vinak otz xtuna' re cánma roma xka-pa re utzil re rutakom-pa re Dios!✡Is 57.19; Lc 19.38; Ef 2.14, 17.
15 Can xe xquibij can quire' re ángeles, can jare' xe'tzolaj-a chila' chicaj. Y can xe xe'ba re ángeles, re ye'chajin ovejas can jare' xquibila-ka chiquivach: Jo-apo pa Belén. Takatz'eta'✡Ex 3.3; Sal 111.2; Mt 2.1; 12.42; Jn 20.1-10. re andex xbanataj. Roma re Ajaf can xutak-pa rutzijol chaka.
16 Y can cha'nin xe'ba c'a pa tenemit. Y tak xe'bapon, can xe'quivel-va re María y re José, y jac'a re ac'ual cotz'oban anche' ye'va-va re chicop. 17 Y tak reje' xquitz'at re ac'ual, xquitz'am rutzijosic re xbex chique roma re ángel, chij re ac'ual re'. 18 Y conojel re vinak re ye'c'axan re niquitzijoj re ye'chajin re ovejas man niquivel-ta andex niquinojij, roma re nitzijos chiquivach. 19 Y re María can xe'ruyac pa ránma ronojel re xtzijos chach, y nunojij andex ndel-va che tzij.✡Gn 37.11; 1 S 21.12; Pr 4.4; Os 14.9. 20 Re ye'chajin ovejas, tak xe'tzolaj camas c'a niquiya' ruk'ij re Dios y chuka' niquibixaj rube'. Roma ronojel re xbanataj y xquitz'at, can ancha'l re xuya' rutzijol re ángel chique.
Re ac'ual Jesús niban presentar pa rachoch re Dios
21 C'amaje-na rutzijol nic'ue' re ac'ual riq'uin re María, tak jare' jun ángel xubij cha che re ac'ual re xtic'ue' riq'uin xtubini'aj Jesús.✡Mt 1.21; Fil 2.8. Y can ja-va quire' xubini'aj can re ac'ual tak c'aja vakxaki' k'ij talax-va. Y ja mismo k'ij re' tak xban re circuncisión cha,✡Gn 17.12; Lv 12.3. ancha'l nubij re ley chin re Dios che tiene que niban.
22 Y tak xtz'akater re k'ij ancha'l nubij re ley chin re Dios re yi'on cha re Moisés, che re ixoki' re xc'ue' ac'ual quiq'uin tiene que niquijosk'ij-qui', re María tiene que xuban quire'.✡Lv 12.2. Y tak re María xba chin no'rjosk'ij-ri' pa rachoch re Dios chire' pa Jerusalén, re María y re José xquic'uaj-a chuka' re Jesús chin niquiban presentar pa rachoch re Dios. 23 Quire' xquiban roma re ley chin re Ajaf Dios nubij: Vo xa ala' re nabey ac'ual nalax riq'uin jun ixok, can richin-va re Dios.✡Ex 13.2; 22.29; Nm 3.13. 24 Y re María can xuya-va chuka' re ofrenda chin re najosk'ij-avi' ancha'l nubij chupan re ley chin re Ajaf Dios. Re ofrenda re xuya' reja' chach re Dios, je ca'e' palomas,✡Lv 12.8. roma re ley nubij: Re je meba' c'o modo niquiya' je ca'e' palomas je nima'k o je ca'e' cocoj.
25 Y chire' pa tenemit Jerusalén re tiempo re', c'o jun ache rubini'an Simeón. Re jun ache re', choj ruc'aslen y can nuya-va ruk'ij re Dios. Re Simeón, can c'o-va chuka' re Espíritu Santo riq'uin y chuka' reja' ruyaben re Cristo tak xtipa chin no'rcola-ka chupan re rumac y chiquicolic chuka' re nic'aj chic israelitas.✡Is 40.1; Mr 15.43. 26 Y re Espíritu Santo rubin chic cha re Simeón, che c'aja tak rutz'eton chic can re Cristo, re xtutak-pa re Ajaf Dios, c'ajare' xticom.✡Sal 89.48; He 11.5. 27 Y chupan re k'ij tak re te'ej-tata'aj xquic'uaj re ac'ual pa rachoch re Dios chin niquiban ancha'l nubij re ley, ja chuka' k'ij re' tak xapon re Simeón pa rachoch re Dios, roma quire' xrajo' re Espíritu Santo.✡Hch 8.29; 10.19; 16.7; Ap 1.10; 17.3. 28 Re Simeón xuli'ej re ac'ual, y chin xuya' ruk'ij re Dios, xubij:
29 Ajaf, vocame xa can otz chic che yincom,✡Gn 46.30; 1 Co 15.54; Fil 1.23; Ap 14.13. roma re vánma otz nuna',
roma can ancha'l re abin chua, can quire' xbanataj.
30 Vocame can xintz'at-yan re Jun re pitinak aviq'uin rat✡Is 52.10; Hch 4.12. re ne'cola-ka kachin chach re kamac,
31 re xaya-pa chin ye'rucol conojel re vinak✡Sal 98.2. chupan re quimac.
32 Ja reja' chuka' re sakil quichin re vinak re man je israelitas-ta, roma ja reja' re xte'sekresan re abey chiquivach.✡Is 9.2; Hch 13.47.
Y yoj re yoj atenemit Israel, can chakacojol xalax-va reja', mare' q'uiy utzil xtakac'ul y xtic'ue' kak'ij, xcha' re Simeón.
33 Y re José y re María, can anchique-la xquina' tak xquic'axaj re xubila' re Simeón chij re ac'ual. 34 Y jare' tak re Simeón xuya' ru-bendición pa quive' re José y re María. Tak re Simeón rubanon chic-ka quire', xubij cha re María: Tac'axaj re xtimbij chava, re ac'ual re', jun namalaj samaj yi'om-pa cha roma re Dios. Y roma reja', je q'uiy chique re kavinak israelitas xque'colotaj chach re quimac. Y je q'uiy chuka' re man xque'colotaj-ta, roma itzel xtiquitz'at.✡Is 8.14; Os 14.9; Ro 9.32; 1 Co 1.23; 2 Co 2.16; 1 P 2.7, 8.
35 Y riq'uin re quire' xtiquiban cha reja', xtik'alajin andex che cosas re c'o pa tak cánma.
Y re Simeón xubij chuka' cha re María: Y tak xtatz'at ronojel re xtiban cha re Jesús, re avánma camas xtik'axo✡Sal 42.10; Mt 11.19; Jn 19.25; Hch 28.22; 1 Co 11.19; 1 P 2.12; 4.14. y can ancha'l jun espada re xtinim riq'uin re avánma xtana', xcho'x re María.
36 Chire' pa rachoch re Dios c'o c'a jun ixok rubini'an Ana, re nutzijoj re nibex cha roma re Dios.✡Ex 15.20. Reja' rumi'al re jun ache xc'ue' ajuer can re xubini'aj Fanuel, y rey-rumam can re jun ache xubini'aj Aser re xc'ue' ajuer can. Re Ana c'a ba-oc rujuna' tak xc'ule'. Y xaxe vuku' juna' xquic'uaj-qui' riq'uin re ruchijil, roma xcom-a y vocame re Ana jun ixok malca'n y re'j chic, 37 y man chic xc'ule-ta. Ochenta y cuatro chic rujuna', y nojel tiempo nic'ue' pa rachoch re Dios, che pak'ij che chak'a'✡Hch 26.7; 1 Ti 5.5. nuya' ruk'ij re Dios chin nuban orar y chuka' nuban ayuno. 38 Tak re Ana xutz'at re ac'ual Jesús, reja' xba-apo riq'uin.✡Lm 3.25, 26; Mr 15.43; Lc 24.21. Y camas xutioxij cha re Dios roma re ac'ual re'. Y c'are' xutz'am c'a rutzijosic chij re ac'ual re' chique re vinak re je'yabeyon chin re nicola kachin chupan re kamac chire' pa Jerusalén.
Tak re José y re María xe'tzolaj pa tenemit Nazaret
39 Re José y re María xquiban ronojel re nubij chupan re ru-ley re Ajaf Dios, re tiene que niquiban tak c'a ba' talax jun ac'ual. C'are' xe'tzolaj pa Nazaret✡Lc 4.23. anche' c'o-va cachoch. Re tenemit re' chin re Galilea.✡Mt 2.22. 40 Y re ac'ual niq'uiy y nic'ue' más ruchuk'a'. Reja' niq'uiy y nic'ue' más runa'oj, y re utzil re pitinak riq'uin re Dios c'o pa rue'.
Re ac'ual Jesús pa rachoch re Dios xbelitaj-va
41 Re María y re José re je rute-rutota' re Jesús, ronojel juna' ye'ba pa tenemit Jerusalén chin ne'quik'asaj re namak'ij rubini'an pascua.✡Ex 12.14; 23.14-17; 34.23; Lv 23.5; Dt 12.5, 7, 11; 16.1; 1 S 1.3, 21. 42 Y tak xtz'akater-yan doce rujuna' re Jesús, jare' tak xe'ba-a pa Jerusalén chin ne'quik'asaj re namak'ij. Reje' xe'ba roma can quire-va qui-costumbre re quivinak israelitas. 43 Tak k'axnak chic re namak'ij, re María y re José xe'tzolaj chacachoch. Pero reje' man c'a xquiya-ta cuenta cha che re ac'ual Jesús xc'ue' can chire' pa tenemit Jerusalén. 44 Reje' xquinojij che re ac'ual binak chiquicojol re vinak, y quire' xe'biyin jun k'ij. Pero tak xquinabej che re ac'ual manak, c'ajare' tak xquic'utula' rutzijol chique re je quich'alal y chique re vinak re quitaman quivach. 45 Pero tak man xquivel-ta re ac'ual chiquicojol re vinak, xe'tzolaj chic jun bey pa Jerusalén chin ne'quicanoj.
46 Y oxe' k'ij c'a tisatz-va can re ac'ual, c'ajare' tak xquivel. Y re anche' xquivel-va re ac'ual, ja pa rachoch re Dios chire' pa Jerusalén, tz'uyul pa quinic'ajal re achi'a' re je'atamayon re ley quichin re israelitas nuc'axaj-apo re niquibij y c'o preguntas chuka' re ye'rubanala' chique.✡Is 49.1, 2; 50.4. 47 Y conojel re ye'c'axan-apo re nubij re ac'ual xsatz quic'o'x,✡Mt 7.28; Mr 1.22; Jn 7.15. roma ronojel re nic'utux-apo cha coma re achi'a' re je'atamayon re ley, re ac'ual can jabal nuban contestar chique. Re ac'ual can k'alaj che c'o na'oj riq'uin. 48 Y tak re María y re José xquivel re ac'ual chire', can anchique-la xquiban xquina' tak xquitz'at anche' c'o-va y camas xe'qui'cot roma xquivel. Y jare' tak re rute' xubij cha: Val, ¿anchique roma tak xac'ue' can y man jun tzij xabij chaka? Re arta' y yen yatkacanoj y nik'axo re kánma roma man yatkavel-ta.
49 Y jare' tak reja' xubij chique: ¿Anchique roma xitz'am pena chin yinicanoj? Pa nutzij yen che yex itaman che ja re nrajo' re Nata' Dios jare' re tiene que nimban.✡Mt 21.12; Jn 2.16; 4.34; 8.29.
50 Jac'a re xubij re ac'ual chique re José y re María, man xk'ax-ta pa quive'.✡Lc 9.45; 18.34.
51 Y c'are' re ac'ual xba chiquij chin xe'tzolaj chacachoch, c'a pa tenemit Nazaret. Roma re ac'ual can nunimaj-va quitzij re rute-rutota'. Y ronojel re xbanataj pa Jerusalén riq'uin re ac'ual, re María can xe'ruyac-ka pa ránma.✡Gn 37.11; Dn 7.28. 52 Y re tiempo binak, re Jesús niq'uiy, y quire' chuka' re na'oj re c'o riq'uin niq'uiy. Y re Dios camas otz nutz'at y quire' chuka' re vinak.✡1 S 2.26.
✡2:1 Hch 17.7.
✡2:2 Hch 5.37.
✡2:4 1 S 16.1; Mi 5.2; Jn 7.42.
✡2:4 Mt 1.16; Lc 1.27.
✡2:5 Lc 1.27.
✡2:6 Mt 2.1.
✡2:7 Is 53.2; Mt 1.25; 2 Co 4.4; Ga 4.4.
✡2:9 Lc 1.12.
✡2:10 Gn 12.3; Col 1.23.
✡2:11 Is 9.6; Mt 1.21; Ga 4.4; 2 Ti 1.9; 1 Jn 4.14.
✡2:11 Fil 2.11.
✡2:13 Gn 28.12; Sal 103.20.
✡2:14 Is 57.19; Lc 19.38; Ef 2.14, 17.
✡2:15 Ex 3.3; Sal 111.2; Mt 2.1; 12.42; Jn 20.1-10.
✡2:19 Gn 37.11; 1 S 21.12; Pr 4.4; Os 14.9.
✡2:21 Mt 1.21; Fil 2.8.
✡2:21 Gn 17.12; Lv 12.3.
✡2:22 Lv 12.2.
✡2:23 Ex 13.2; 22.29; Nm 3.13.
✡2:24 Lv 12.8.
✡2:25 Is 40.1; Mr 15.43.
✡2:26 Sal 89.48; He 11.5.
✡2:27 Hch 8.29; 10.19; 16.7; Ap 1.10; 17.3.
✡2:29 Gn 46.30; 1 Co 15.54; Fil 1.23; Ap 14.13.
✡2:30 Is 52.10; Hch 4.12.
✡2:31 Sal 98.2.
✡2:32 Is 9.2; Hch 13.47.
✡2:34 Is 8.14; Os 14.9; Ro 9.32; 1 Co 1.23; 2 Co 2.16; 1 P 2.7, 8.
✡2:35 Sal 42.10; Mt 11.19; Jn 19.25; Hch 28.22; 1 Co 11.19; 1 P 2.12; 4.14.
✡2:36 Ex 15.20.
✡2:37 Hch 26.7; 1 Ti 5.5.
✡2:38 Lm 3.25, 26; Mr 15.43; Lc 24.21.
✡2:39 Lc 4.23.
✡2:39 Mt 2.22.
✡2:41 Ex 12.14; 23.14-17; 34.23; Lv 23.5; Dt 12.5, 7, 11; 16.1; 1 S 1.3, 21.
✡2:46 Is 49.1, 2; 50.4.
✡2:47 Mt 7.28; Mr 1.22; Jn 7.15.
✡2:49 Mt 21.12; Jn 2.16; 4.34; 8.29.
✡2:50 Lc 9.45; 18.34.
✡2:51 Gn 37.11; Dn 7.28.
✡2:52 1 S 2.26.