3
Re Juan Bautista nutzijoj re ruch'abal re Dios
1 Quince juna' tutz'am-va rubanic gobernar re ache rubini'an Tiberio César.✡Mt 22.17. Y pa ruk'a' c'a re Tiberio César xe'c'ue-va je caje' achi'a' re niquiban gobernar. Jun chique reje' rubini'an Poncio Pilato, y reja' chire' pa Judea nuban-va gobernar. Re jun chic, ja re Herodes re nuban gobernar chire' pa Galilea. Re jun chic, ja re Felipe re ruch'alal re Herodes,✡Mt 14.1, 3. y reja' nuban gobernar pan Iturea y pa Traconite. Jac'a re jun chic nibano gobernar, ja re Lisanias, y reja' nuban gobernar pan Abilinia. 2 Y ja chuka' tiempo re' tak re Anás y re Caifás je namalaj tak sacerdotes pa rachoch re Dios,✡Jn 11.49; 18.13; Hch 4.6. chire' pan Israel. Jare' tak xch'o re Dios cha re Juan re ruc'ajol re Zacarías chire' chupan re jun lugar anche' manak vinak re nibex desierto cha. 3 Y tak reja' xuc'axaj quire', xba chupan re lugares re jec'o chunakaj re rakan-ya' rubini'an Jordán. Reja' nubij chique re vinak re ye'bapon riq'uin che tijalataj quic'aslen chach re Dios✡Mal 4.6; Mt 3.1; Mr 1.4; Hch 13.24; 19.4. y tiquibana' bautizar-qui', chin quire' re Dios nucuy quimac.✡Lc 1.77. 4 Y re Dios can xuban-va re rubin can cha re Isaías, re rusamajel re Dios re xc'ue' ajuer can, re xbex profeta cha, y re rutz'iban can reja' nubij quire':
Xtic'ue' c'a jun ache chupan jun lugar re anche' manak vinak re nibex desierto cha,
y ja reja' re xtitzijon re ruch'abal re Dios chiquivach re vinak re xque'bapon riq'uin.
Y xtubila' chique: Tichojmersaj rubey re ic'aslen,
roma re Ajaf✡Is 40.3; Mt 3.3; Mr 1.3; Jn 1.23. xa can nipa-yan.
5 Y tak nichojmersas jun bey, nic'atzin che ye'muk re sivan,
ye'kasas re lomas, re ruyalon vuelta nic'atzin che choj niban cha,
y re tinitak li'on niban cha.
6 Y conojel vinak xtiquitamaj che c'o Jun re xtitiquir yojrucol chach re kamac,
y re Jun re' riq'uin re Dios✡Sal 98.2; Is 52.10. pitinak-va,
quire' nubij chupan re libro re rutz'iban can re profeta Isaías re rusamajel re Dios.
7 Y quire' c'a nubij re Juan chique re vinak re ye'bapon riq'uin chin che ye'ban-a bautizar: Yex can yix ancha'l itzel tak cumatz re yixnumaj chach re ruyoval re Dios re nika pan ive', roma nijo' yixcolotaj chach re namalaj castigo re xtutak-pa re Dios re tiempo pitinak. ¿Anchique xbin chiva che quire' tibana'?✡Mt 3.7. 8 Yex tiene que nic'ut che katzij xjalataj re ic'aslen chach re Dios.✡Is 1.16; Ez 18.27; Hch 26.20; 2 Co 7.10; He 6.7. Y man tinojij-ka che xaxe roma yex can yix rey-rumam can re Abraham mare' xquixcolotaj, man quire-ta. Roma xe-ta re Dios nrajo', hasta re aboj re ye'tz'etela' vova' nuban chique che can-ta ye'oc rey-rumam re Abraham. 9 Re castigo re nuya' re Dios nipa-yan. Reja' xtuban ancha'l nuban jun ache re ruc'uan chic ricaj chin che ye'rukasaj re che' re xa manak otz quivach niquiya'. Y ronojel re che' re xque'rukasaj xtunem quik'ak'al,✡Mt 1.19; Jn 15.2, 6. xcha' re Juan.
10 Y re vinak re ye'c'axan-apo chin re Juan, xquic'utuj cha: ¿Andex como ruc'amon che nakaban?✡Hch 2.37. xe'cha'.
11 Y re Juan xubij chique: Anchique chiva yex re c'o ca'e' rutziak, tuya' jun cha re manak rutziak. Y xabanchique chiva yex re c'o vay riq'uin, tuya' chuka' cha re manak ruay,✡2 Co 8.14; 1 Ti 6.18; Stg 2.15; 1 Jn 3.17. xcha' chique.
12 Y jec'o-apo chuka' re achi'a' re je molay tak impuestos.✡Mt 21.32. Re achi'a' re' xe'bapon chin ye'ban bautizar, y xquic'utuj cha re Juan: Maestro, y yoj ¿andex re ruc'amon che nakaban?
13 Re Juan xubij chique: Xaxe re impuestos re bin chiva coma re autoridad, xaxe re' tic'utuj, y man tic'utuj más chique.✡Mi 6.8; Lc 19.8.
14 Y chuka' je'aponak je ca'e-oxe' soldados, y xquic'utuj-apo cha re Juan: Y yoj ¿andex ruc'amon che nakaban?
Re Juan xubij chique: Man tilisaj qui-cosas re vinak, ya porque c'o autoridad pan ik'a'. Chuka' man titz'ucula' tzij chiquij.✡Ex 23.1; Lv 19.11. Xa quixc'ue' conforme riq'uin re mero re nich'ac.
15 Y re vinak re jec'o-apo riq'uin re Juan, can quiyaben c'a che nubij-ta-pa anchique reja', roma niquinojij pa tak cánma che q'uiba' re Juan jare' re Cristo,✡Jn 1.19, 20. pero xa mana-ta reja' re Cristo re bin che nitak-pa roma re Dios. 16 Mare' re Juan xubij chique re vinak re jec'o-apo riq'uin: Yex nitz'at che yen yiximban bautizar riq'uin ya'. Pero c'o Jun re xtipa re tiempo pitinak xquixruban bautizar riq'uin re Espíritu Santo y riq'uin k'ak'. Re Jun re xtipa, c'o más ruk'ij y c'o más ru-poder✡Mt 3.11; 1 Co 12.13. que chinoch yen. Roma hasta xaxe chin che yen ninsol re ximibal-rach re ruxajab, can man ruc'amon-ta. 17 Y can ancha'l nuban jun ache cha re ru-trigo tak nuban trillar, y tak xuban-yan trillar nuxipuj rach chin quire' rion re runak' re trigo nic'ue' can y nuyac y re rij nuparoj. Y ja quire' xtuban re Jun re xtipa, xcha' re Juan. Re Jun re xtipa c'o autoridad pa ruk'a', chin nuban juzgar pa quive' re vinak re jec'o chach re ruch'ulef. Re vinak re ye'niman richin, xque'ruc'uaj chila' chicaj. Jac'a re vinak re man ye'niman-ta richin, xque'rutak chupan re k'ak' re man nichup-ta.✡Mi 4.12.
18 Q'uiy tzij quire' xe'rucusaj re Juan chin xe'rupaxabaj tak xutzijoj re utzulaj ch'abal chin re Dios chique re vinak. 19 Re Juan xubij cha re gobernador rubini'an Herodes: Man otz-ta re atz'amon rubanic, roma aconak-ka avxayil re ixok rubini'an Herodías re ruxayil re avch'alal rubini'an Felipe. Re Juan xunataj re' cha re Herodes, y xe'runataj chuka' nic'aj chic rumac re je'rubanalon.✡Pr 28.15, 16; Mt 11.2; 14.3; Mr 6.17. 20 Y re Herodes c'o más rumac xuban, roma xutz'apij re Juan pa cárcel.
Tak re Jesús xban bautizar
21 Y tak ntajin re bautismo quichin re vinak, xban chuka' bautizar re Jesús.✡Mt 3.13; Jn 1.32. Tak re Jesús ntajin che oración, jare' tak xjakataj re rocaj. 22 Y re Espíritu Santo xka-pa pa rue' re Jesús ancha'l pa rubanic jun paloma. Y xc'axataj chuka' che nibex-pa cha chila' chicaj: Ja rat re Nuc'ajol, y yen camas yatinjo', y yinqui'cot aviq'uin.✡2 P 1.17.
Re Jesús can Ruc'ajol-va re Dios
23 Chupan re tiempo re', re Jesús c'o la'k treinta rujuna',✡Nm 4.3, 35, 39, 47. jare' tak xutz'am re rusamaj. Y chiquivach re vinak, re Jesús can ruc'ajol-va re José.✡Mt 13.55; Jn 6.42. Re José ruc'ajol can re Elí. 24 Y re Elí ruc'ajol can re Matat, y re Matat ruc'ajol can re Leví, y re Leví ruc'ajol can re Melqui, y re Melqui ruc'ajol can re Jana, y re Jana ruc'ajol can jun chic ache rubini'an José. 25 Y re José ruc'ajol can re Matatías, y re Matatías ruc'ajol can re Amós, y re Amós ruc'ajol can re Nahum, y re Nahum ruc'ajol can re Esli, y re Esli ruc'ajol can re Nagai. 26 Y re Nagai ruc'ajol can re Maat, y re Maat ruc'ajol can jun ache rubini'an Matatías, y re Matatías, ruc'ajol can re Semei, y re Semei ruc'ajol can jun ache rubini'an José, y re José, ruc'ajol can re Judá. 27 Y re Judá ruc'ajol can re Joana, y re Joana ruc'ajol can re Resa, y re Resa ruc'ajol can re Zorobabel, y re Zorobabel ruc'ajol can re Salatiel, y re Salatiel ruc'ajol can re Neri. 28 Y re Neri ruc'ajol can jun ache rubini'an Melqui, y re Melqui ruc'ajol can re Adi, y re Adi ruc'ajol can re Cosam, y re Cosam ruc'ajol can re Elmodam, y re Elmodam ruc'ajol can re Er. 29 Y re Er ruc'ajol can re Josué, y re Josué ruc'ajol can re Eliezer, y re Eliezer ruc'ajol can re Jorim, y re Jorim ruc'ajol can jun ache rubini'an Matat. 30 Y re Matat ruc'ajol can jun ache rubini'an Leví, y re Leví ruc'ajol can re Simeón, y re Simeón ruc'ajol can jun ache rubini'an Judá, y re Judá ruc'ajol can jun ache rubini'an José, y re José ruc'ajol can re Jonán, y re Jonán ruc'ajol can re Eliaquim. 31 Y re Eliaquim ruc'ajol can re Melea, y re Melea ruc'ajol can re Mainán, y re Mainán ruc'ajol can re Matata, y re Matata ruc'ajol can re Natán.✡2 S 5.14; 1 Cr 3.5; Zac 12.12. 32 Y re Natán ruc'ajol can re David, y re David ruc'ajol can re Isaí, y re Isaí ruc'ajol can re Obed, y re Obed ruc'ajol can re Booz, y re Booz ruc'ajol can re Salmón, y re Salmón ruc'ajol can re Naasón.✡Rt 4.18; 1 S 17.58; 1 Cr 2.10; Sal 72.20; Is 11.1, 2; Mt 1.3-6; Hch 13.22, 23. 33 Y re Naasón ruc'ajol can re Aminadab, y re Aminadab ruc'ajol can re Aram, y re Aram ruc'ajol can re Esrom, y re Esrom ruc'ajol can re Fares, y re Fares ruc'ajol can jun ache rubini'an Judá. 34 Y re Judá ruc'ajol can re Jacob, y re Jacob ruc'ajol can re Isaac, y re Isaac ruc'ajol can re Abraham, y re Abraham ruc'ajol can re Taré, y re Taré ruc'ajol can re Nacor.✡Gn 11.24, 26. 35 Y re Nacor ruc'ajol can re Serug, y re Serug ruc'ajol can re Ragau, y re Ragau ruc'ajol can re Peleg, y re Peleg ruc'ajol can re Heber, y re Heber ruc'ajol can re Sala. 36 Y re Sala ruc'ajol can re Cainán, y re Cainán ruc'ajol can re Arfaxad, y re Arfaxad ruc'ajol can re Sem, y re Sem ruc'ajol can re Noé, y re Noé ruc'ajol can re Lamec.✡Gn 11.10, 12. 37 Y re Lamec ruc'ajol can re Matusalén, y re Matusalén ruc'ajol can re Enoc, y re Enoc ruc'ajol can re Jared, y re Jared ruc'ajol can re Mahalaleel, y re Mahalaleel ruc'ajol can jun ache rubini'an Cainán. 38 Y re Cainán ruc'ajol can re Enós, y re Enós ruc'ajol can jun ache rubini'an Set, y re Set ruc'ajol can re Adán, y re Adán rajc'ual re Dios.✡Gn 1.26, 27; 2.7; 5.1, 2; Is 64.8.
✡3:1 Mt 22.17.
✡3:1 Mt 14.1, 3.
✡3:2 Jn 11.49; 18.13; Hch 4.6.
✡3:3 Mal 4.6; Mt 3.1; Mr 1.4; Hch 13.24; 19.4.
✡3:3 Lc 1.77.
✡3:4 Is 40.3; Mt 3.3; Mr 1.3; Jn 1.23.
✡3:6 Sal 98.2; Is 52.10.
✡3:7 Mt 3.7.
✡3:8 Is 1.16; Ez 18.27; Hch 26.20; 2 Co 7.10; He 6.7.
✡3:9 Mt 1.19; Jn 15.2, 6.
✡3:10 Hch 2.37.
✡3:11 2 Co 8.14; 1 Ti 6.18; Stg 2.15; 1 Jn 3.17.
✡3:12 Mt 21.32.
✡3:13 Mi 6.8; Lc 19.8.
✡3:14 Ex 23.1; Lv 19.11.
✡3:15 Jn 1.19, 20.
✡3:16 Mt 3.11; 1 Co 12.13.
✡3:17 Mi 4.12.
✡3:19 Pr 28.15, 16; Mt 11.2; 14.3; Mr 6.17.
✡3:21 Mt 3.13; Jn 1.32.
✡3:22 2 P 1.17.
✡3:23 Nm 4.3, 35, 39, 47.
✡3:23 Mt 13.55; Jn 6.42.
✡3:31 2 S 5.14; 1 Cr 3.5; Zac 12.12.
✡3:32 Rt 4.18; 1 S 17.58; 1 Cr 2.10; Sal 72.20; Is 11.1, 2; Mt 1.3-6; Hch 13.22, 23.
✡3:34 Gn 11.24, 26.
✡3:36 Gn 11.10, 12.
✡3:38 Gn 1.26, 27; 2.7; 5.1, 2; Is 64.8.