11
Re je ca'e' re xque'tzijon re xtubij re Dios chique
1 Y xbeya-pa jun aj✡Ez 40.3. chua, re ancha'l jun vara chin nivitax.✡Zac 2.1. Y chuka' xbex chua: Cabiyin y tavitaj re rachoch re Dios, tavitaj re altar, y ca'vejelaj-pa re jenipa' re ye'yi'o ruk'ij re Dios chire'. 2 Jac'a re rojay✡Ez 40.17. chin re rachoch re Dios, man tavitaj roma can jachon chic pa quik'a' re vinak re man je israelitas-ta. Cuarenta y dos ic'✡Ap 13.5. c'a xtiquixak' y xtiquipilbej✡Dn 8.10; Lc 21.24. re lok'olaj tenemit. 3 Y yen xtinya-a poder chique re je ca'e' rusamajela' re Dios✡Ap 19.10. chin che xtiquitzijoj re xtubij re Dios chique. Y re je ca'e' re' can xtiquitzijoj-va re xtubij re Dios chique mil doscientos sesenta k'ij,✡Ap 12.6. y xtiquicusaj chuka' tziak chin bis.
4 Y re je ca'e' rusamajela' re Dios re' ancha'l re je ca'e' che' olivos✡Sal 52.8; Zac 4.3. y ancha'l chuka' re je ca'e' candeleros re jec'o-apo chach re Dios, re Rajaf re ruch'ulef. 5 Y vo xa c'o jun vinak re nrajo' nuban jun etzelal chique re je ca'e' rusamajela' re Dios, man xtitiquir-ta. Roma re je ca'e' re', can ndel k'ak'✡Jer 5.14. pa quichi' chin niquiq'uis. Y re jun re c'o etzelal nrajo' nuban chique, can xtiq'uis riq'uin re k'ak' re ndel pa quichi' re je ca'e' re'. 6 Can yi'on chuka' poder pa quik'a' re je ca'e' re', chin che manak job nuban✡1 R 17.1; Stg 5.16, 17. re jenipa' tiempo xtiquitzijoj re xtubij re Dios chique. Can ye'tiquir chuka' niquiban cha re ya' che nuban quic'.✡Ex 7.19. Ye'tiquir chuka' niquiya' xabandex re nuc'am-pa tijoj-pokonal pa quive' re vinak re jec'o chach re ruch'ulef, re je ca'e' re' ye'tiquir quire' xtiquiban re jenipa' bey niquijo' che quire' nibanataj. 7 Y tak re je ca'e' re' quiq'uison chic rutzijosic re xubij re Dios chique, re moma' itzel chicop re nipa chupan re moma' sivan rion k'oko'm rupan, xtuban ayoval quiq'uin re je ca'e' re', y can xque'ruch'ac✡Dn 7.21; Zac 14.2. y pa ruq'uisibal xque'ruquimisaj. 8 Y re qui-cuerpo xtic'ue' can pa calle chin re namalaj tenemit Jerusalén. Re anche' chuka' xquimisas-va re Kajaf Jesucristo✡He 13.12. cho cruz, y re tenemit re' nibex chuka' Sodoma y Egipto cha, roma re vinak re jec'o chire' camas itzel re quibanabal. Can je ancha'l re vinak re xe'c'ue' pa Sodoma y re pan Egipto. 9 Y oxe' k'ij y nic'aj xtic'ue' re qui-cuerpo chiquivach re vinak re man junan-ta quitenemit, man junan-ta qui-raza, man junan-ta quich'abal y man junan-ta naciones que'po-va.✡Ap 17.15. Y can man xtiquiya-ta k'ij che re cuerpos re' ye'bemuk can.✡Sal 79.2, 3. 10 Y re vinak re' camas xque'qui'cot roma re je ca'e' xe'com-yan. Y roma camas ye'qui'cot, can xque'quiyala' regalos chiquivach-ka reje', roma can c'ayef xquina' pa quik'a' re je ca'e' re xe'tzijon re xubij re Dios chique.✡Ap 11.3. 11 Jac'a tak k'axnak chic re oxe' k'ij y nic'aj, re Dios xuban chique re je ca'e' re' che xc'ue' chic-a quic'aslen.✡Gn 2.7; Ez 37.5, 14. Mare' reje' can xe'pa'e' chic-a jun bey. Y re vinak re xe'tz'eto quichin, camas xquixibij-qui'. 12 Y re je ca'e' re xe'tzijon re ruch'abal re Dios re xc'ue' chic-a quic'aslen jun bey, xquic'axaj che c'o jun nich'o-pa chique riq'uin poder c'a chila' chicaj,✡2 R 2.1; Is 14.13. y nubij-pa chique: Quixampa vova' chicaj.
Y re je ca'e' re' can xe'bo-va chicaj chupan jun nube.✡Is 60.8; Hch 1.9. Y re vinak re xe'tzelan quichin, can xe'quitz'at-a tak xe'ba chila' chicaj. 13 Y can jare' tak xpa jun namalaj sananel✡Ap 16.19. pa rue' re ruch'ulef, y jun chique re lajuj partes chin re tenemit Jerusalén xuban destruir-ri'. Y je vuku' mil vinak xe'com roma re sananel xuban. Jac'a re nic'aj chic vinak re jec'o chupan re tenemit re' man xe'com-ta, y camas xquixibij-qui'. Y xquiya' ruk'ij re Dios re c'o chila' chicaj.
14 Y ja quire' xuban can re ruca'n tijoj-pokonal re xka pa rue' re ruch'ulef. Y can cha'nin chic pitinak re rox tijoj-pokonal.✡Ap 8.13.
Tak re ruvuk ángel xuxipuj re ru-trompeta
15 Y tak re ruvuk ángel xuxipuj re ru-trompeta,✡Is 27.13. jec'o re jun pa quichi' xe'ch'o-pa chila' chicaj, y niquibila':
Re naciones re jec'o chach re ruch'ulef,
vocame je richin chic re Kajaf Dios y je richin chic chuka' re Cristo re rucha'on.
Y reja' can xtuban gobernar chin nojel tiempo,✡Dn 2.44; 4.3, 34; Mi 4.7; Lc 1.33. xe'cha'.
16 Y che je veinticuatro✡Ap 4.4. rejeta'k tak achi'a' re je'tz'uyul-apo chach re Dios, can jare' xe'xuque-ka chach, y re nic'aj-quivach xquikasaj-ka c'a pan ulef chin niquiya' ruk'ij. 17 Y tak ye'tajin chuyi'ic ruk'ij re Dios, niquibij:
Kajaf Dios, nakatioxij chava.
Rat re c'o ronojel poder pan ak'a',
y rat re can yatc'o tak xtz'ucutaj-pa ronojel, re yatc'o vocame, y xcac'ue' chuka' re tiempo-apo.✡Ap 1.4.
Nakatioxij chava roma vocame xk'alajin re namalaj poder re c'o pan ak'a',
y ja rat re yabano gobernar.
18 Re naciones re jec'o chach re ruch'ulef yacatajnak quiyoval chavij,
pero can jac'a k'ij re' re xbeka chin che rat naya' re castigo pa quive'.
Y can ja chuka' k'ij re' re xbeka chin che rat naban juzgar✡Dn 7.9; Hch 10.42; 2 Ti 4.1; 1 P 4.5; Ap 6.10. pa quive' re anama'i'.
Pero chique re asamajela' re ye'tzijon re ach'abal,
y chique re je avajc'ual chic, y chuka' chique re ye'yi'o ak'ij,
can xtaya' rajal-ruq'uixel chique, che cocoj che nima'k.
Y can xbeka chuka' re k'ij che rat ya'q'uis re vinak re ye'bano cha re ruch'ulef che niquiq'uis, xe'cha' re je veinticuatro rejeta'k tak achi'a'.
19 Y jare' tak re rachoch re Dios re c'o chila' chicaj, xjakataj ruchi'. Y can nik'alajim-pa re cofre✡Ex 25.21, 22; Nm 4.5; He 9.4-8. chin re ru-trato re Dios. Y xe'pa relámpagos, tempestades, ruidos, jun sananel y xpa jun sakboch can chin camic.
✡11:1 Ez 40.3.
✡11:1 Zac 2.1.
✡11:2 Ez 40.17.
✡11:2 Ap 13.5.
✡11:2 Dn 8.10; Lc 21.24.
✡11:3 Ap 19.10.
✡11:3 Ap 12.6.
✡11:4 Sal 52.8; Zac 4.3.
✡11:5 Jer 5.14.
✡11:6 1 R 17.1; Stg 5.16, 17.
✡11:6 Ex 7.19.
✡11:7 Dn 7.21; Zac 14.2.
✡11:8 He 13.12.
✡11:9 Ap 17.15.
✡11:9 Sal 79.2, 3.
✡11:10 Ap 11.3.
✡11:11 Gn 2.7; Ez 37.5, 14.
✡11:12 2 R 2.1; Is 14.13.
✡11:12 Is 60.8; Hch 1.9.
✡11:13 Ap 16.19.
✡11:14 Ap 8.13.
✡11:15 Is 27.13.
✡11:15 Dn 2.44; 4.3, 34; Mi 4.7; Lc 1.33.
✡11:16 Ap 4.4.
✡11:17 Ap 1.4.
✡11:18 Dn 7.9; Hch 10.42; 2 Ti 4.1; 1 P 4.5; Ap 6.10.
✡11:19 Ex 25.21, 22; Nm 4.5; He 9.4-8.