4
1 4.1 Éféso 6.9Wogewé lépwo caa te lépwo *apenem tice ja kon, ke wâé heme geé pwopweehi ne kolé. Ke geé nemwo pineuhi pie, wogewé mwo, ke te pwo pa apihuô tewé na e jeda he miiden.
Bénebwéne pwooti
2 4.2 Éféso 6.18; Filipi 4.6Geé te cuwo ko pwoiitihi. Ke geé ûmiê ne ko ni pwopwoiitihi tewé, ke geé te cuwo ko pwo-olé te Padué. 3 4.3 Roma 15.30; Éféso 6.19Ke geé pwoiitihi mwo me deme, beme e bo ne teme ace bwopwonen me geme pii beetihi a pwooti ten. A pwooti ko *a bwo niimihinaado ten na e ha aduwo, [ke caa pacuwohi jenaa ne] ko Kériso. [Geé pwoiitihi me dong mwo] be é ko mu éni he karépu, mu ko a bwo patemehi nen dong a pwooti naa. 4 Ke geé pwoiitihi, beme o pwaale ne telé ni pwooti na é pii. Be weengaa a penem na e ne tong.
5 4.5 Éféso 5.15−16Ke geé engen ha a pitemang ne pele lépwona time uce lépwo acéihi, ke geé penem ehi he ni benaamwon na e mwo ko ne tewé wo Padué. 6 4.6 Éféso 4.29; 1 Pétéru 3.15Geé pacihelé ehi, beme o nimelé me lé te tabemikewé* 4.6 1re phrase—Wo Paulo, ke e pwo-ocine he pwo grek, be e pii pie, a bwo cihe tenye na wâé, ke pwohewii a wiinaado na pwo jié ne hen, ke wâé a nemen.. Ke wâé heme geé temehi me geé hegi ehi ne te ni apulie ni naado na lé tahimwokewé kon.
Adéikewé
7-9 4.7−8 Éféso 6.21−22 4.9 Filémon 1.10−12 É pahede Tichike, pa bééng ko penem, me e âdé céiikewé, woilu me Onésime, pana e âbé mu pelewé. Lupwo ju béénye, ke lupwo eabwé na lu te junihe piténede Padaame. É pahedelu lé céiikewé, beme lu piuti tewé a jepule kong, ke me lu pamwoiukewé.
10-11 4.10 Apostolo 12.12, 13.13, 15.37−39Lé ne lé a bwocu tewé mwo wo Maréko† 4.10−11 Maréko—A céiu niin mwo, ke Ioane, ai Ioane-Maréko. Omehi Apostolo 12.12. Wo panaa, ke weeng pa apwo Tii te Maréko. Omehi mwo 2 Timoté 4.11; Filémon 1.24; 1 Pétéru 5.13., pa béé Barnabas; me Iésu‡ 4.10−11 Iésu—Time uce wo Padaame Iésu Kériso. Hiwon lépwo apulie na niilé pie Iésu ne pele lépwo Juif, pwohewii lupwo nii apulie na Bwaé me Hiê ne pelenye. na pii kon pie Justus, me Aristarke, na gemu tai mu he karépu.
Hiwon ni Juif na lé caa céihi ne ko Kériso, kehe te icehi lépwonaa mu kolé na lé picani tong. Ke lé pamwoiuéo ne he ni penem ko a *Mwametau te Padué.
Mepwo é ne ko Maréko, ke wieli e bo âdé céiikewé. Ke hemepie wonaa, ke wâé heme geé hegieng ehi, pwohewii ana geme pii tewé ânebun.
12 4.12−14 Kolosé 1.7; 2 Timoté 4.10−11; Filémon 1.23−24Ke e ne mwo a bwocu tewé wo Épafras, pana e âbé mu pelewé, pa eabwé te Kériso Iésu. Be e te pwopa me dewé ne he ni pwopwoiitihi. Ke e te cuwo ko ilehi koja Padué pie, me geé cumang ne he ni céihi tewé, ke me geé temehi ni naado na nime Padué kon, ke me geé piténedeeng. 13 É *pajuujuhi pie, e te junihe mwoiu ko penem me dewé, ke é ne mwo ko ni acéihi na lé mu he lupwo pwomwo ubwo Laodicé, ke é Iérapolis.
14 Ke lu ne a bwocu tewé mwo wo Luka, pa dotéén na te junihe eânimung den, me Démas.
15 Geé pii te ati ni acéihi béénye ne ha a pwomwo ubwo Laodicé pie geme pwobwocu telé. Ke me bwocu mwo te Nimfa, me ni acéihi na lé mu pitapitilé ne pelen.
16 Ke mepie geé caa pine ati a tii ce ne pelewé, ke geé ne te ni acéihi ne Laodicé, beme lé pine mwo. Ke geé pine mwo a tii tong na lé bo ne lé céiikewé.
17 4.17 Filémon 1.2Ke geé paniimihi te Arkipe pie, wâé heme e panebwénihi ehi a penem na e ne ten wo Padaame.
Bépinelé
18 4.18 1 Korénit 16.21Woéo Paulo, ke é pé a bépwotii beme é panebwénihi a tii ce. Ke geé nemwo pineuhi pie, mwo teko woéo éni he karépu.
Ke me e mu kowé a *pipwoééhe tice ja kon de Padué!
Adéikewé!
4:1 4.1 Éféso 6.9
4:2 4.2 Éféso 6.18; Filipi 4.6
4:3 4.3 Roma 15.30; Éféso 6.19
4:5 4.5 Éféso 5.15−16
4:6 4.6 Éféso 4.29; 1 Pétéru 3.15
*4:6 4.6 1re phrase—Wo Paulo, ke e pwo-ocine he pwo grek, be e pii pie, a bwo cihe tenye na wâé, ke pwohewii a wiinaado na pwo jié ne hen, ke wâé a nemen.
4:7-9 4.7−8 Éféso 6.21−22
4:7-9 4.9 Filémon 1.10−12
4:10-11 4.10 Apostolo 12.12, 13.13, 15.37−39
†4:10-11 4.10−11 Maréko—A céiu niin mwo, ke Ioane, ai Ioane-Maréko. Omehi Apostolo 12.12. Wo panaa, ke weeng pa apwo Tii te Maréko. Omehi mwo 2 Timoté 4.11; Filémon 1.24; 1 Pétéru 5.13.
‡4:10-11 4.10−11 Iésu—Time uce wo Padaame Iésu Kériso. Hiwon lépwo apulie na niilé pie Iésu ne pele lépwo Juif, pwohewii lupwo nii apulie na Bwaé me Hiê ne pelenye.
4:12 4.12−14 Kolosé 1.7; 2 Timoté 4.10−11; Filémon 1.23−24
4:17 4.17 Filémon 1.2
4:18 4.18 1 Korénit 16.21