5
Mulie pwohewii ni ju naî Padué
1 5.1 Mataio 5.48Wogewé ni naî Padué, na te junihe eânimen dewé. Ke wâé heme geé pwohewiieng, 2 5.2 Exode 29.18; Ébéru 10.10ke wâé heme geé pipwoééhe ni béén. Be e pipwoééhenye wo Kériso, ke e patupwo a mulihen, ke e mele beme e *âpwailo me denye na te junihe wâé te Padué*5.2 Na te junihe wâé te Padué—Grek: Ke pwohewii a tabe ûde na nihe wâé..
3 Geé nemwo pipule hauli, ke geé nemwo pwo ni naado na mwiihi ne ko ni ééwé. Geé nemwo hane me hiwon dewé ni naado ne éni pwo bwohemwo. Be wogewé, ke ni apulie te Padué. Ke time uce nimung me [é téne pie] lé pii ne ni apulie pie geé wonaa.
4 Geé nemwo pii ni pwooti na ta, ke mwiihi, na time uce wâé me geé pii. [Geé nemwo pii haulihi ni naado na nye paciitihi.] Ke geé nemwo piauhi ni jepule na ta, [pwohewii lépwona tice pwonimelé]. Kehe wâé heme nina geé pii, ke me geé pipwo-olé te Padué kon.
5 5.5 1 Korénit 6.9−10; Kolosé 3.5Wâé heme geé temehi pie: O te tice atebwo ha a *Mwametau te Padué me Kériso te lépwona lé pipule hauli, me lépwona lé pwo ni naado na mwiihi ne ko ni éélé. Te piwien ne ko lépwona lé te cuwo ko hane ni naado ne éni pwo bwohemwo. Be, me nye wonaa, ke pwohewiin heme nye pipaunu ni *déme duéé.
Nye mulie ha a pwéélang
6 5.6 Roma 1.18; Kolosé 2.4,8Lé pii wo lépwo béén pie, te tice ta ko ni huô naa. Kehe icehi ana lé gele, ke geé nemwo nelé me lé pwo me geé pipatieden. Be e okéé wo Padué ne ko lépwona time lé uce piténedeeng, ke e bo tautilé me pwocuhinaado telé†5.6 Grek: Geé nemwo pwo me e pipaupaakewé wo pace céiu apulie ko ni pwooti na te tice ânen. Be te é muko ninaa kuti na a okéé te Padué, ke é mu ko lépwona lé cubwonieng.. 7 Ke geé nemwo pipwohewii‡5.7 Pipwohewii—ai Piengen ibu. lépwo apulie na lé wonaa!
8-9 5.8 Ioane 12.36; Éféso 2.13; Kolosé 1.13; 1 Pétéru 2.9Ânebun, ke wogewé, ke geé mu ha a melepiing. Kehe é jenaa, ke geé caa mu ha a pwéélang, be geé caa mu ko Padaame. Ke wâé heme ni bwopemikewé, ke me ni bwopemi lépwona lé mu ha a pwéélang, ha a mulie na wâé, ke mwomwon, ke juuju. 10 Wâé heme geé tee hane nina wâé te Padaame.
11-12 Geé nemwo pipwohewii lépwona lé penem ha a melepiing, be te tice acehi ni penem delé celi wâé. Me nye te ju niimihi§5.11−12 Niimihi—Grek: Pii. cehi ni bwopemilé, ke nye caa te mwiihilé. Geé téétihi ati ninaa, ke geé pé nge ha a pwéélang ati nina ta. 13-14 5.13 Ioane 3.20−215.14 Ésaïe 26.19, 60.1; Roma 13.11Be a pwéélang, ke e habwii a ju bwopwone ati ni naado, heme wâé, ai heme ta*5.13−14 Heme wâé, ai heme ta—Grek: Be, ana nye alihi ne ha a pwéélang, ke o â pwéélang.. Ke é mu ko anaa, na nye pii pie:
«Go ûmiê wogo pana go ko pule!
Go cuwoda mu ha awieme
ni amele!
Be e bo pwo me pwéélang kom
wo Kériso!»
Nye penem ehi he ni benaamwon na ne tenye
15 5.15−16 Kolosé 4.5Geé pipwocile a mulihewé. Geé pipwohewii lépwona lé pwoiipihi ni bwomu telé, kehe time uce wo lépwona tice pwonimelé. 16 Ke geé penem ehi he ni benaamwon na e mwo ko ne tewé wo Padué [beme geé pwo ana wâé]. Be piubwo ngen a ta ha a benaamwon jenaa. 17 Ke é mu ko anaa, na geé nemwo mulie hauli†5.17 Geé nemwo mulie hauli—ai Geé nemwo pwo me tice pwonimewé., kehe geé hane ana wâé te Padaame.
Nye mulie ha a Jenen Iitihi
18 5.18 Luka 21.34Geé nemwo piolo ko a tabe megele, be koli e bo pwotahi ne kowé‡5.18 E bo pwotahi ne kowé—Grek: [E bo pwo me] geé mulie hauli.. Kehe wâé heme e te tidikewé taaci na a *Jenen Iitihi. 19 5.19 Kolosé 3.16Ke geé pipamwoiukewé ko ni nyebi: ni psaume, me ni cantique, me ni béé nyebi na e ne tewé na a Jenen Iitihi. Ke é heme geé pwonyebi, ke geé pipaunu Padaame he ni ju pwonimewé. 20 5.20 Kolosé 3.17Wâé heme geé te cuwo ko pipwo-olé te Padué Caa ne ko ati ni naado, ne he nii Iésu Kériso, Padaame henye.
Ni pwomwo na lé céihi
21 5.21 1 Pétéru 5.5Geé paciiti Kériso, ke geé pwo me piwahin gewé ne ko lépwo acéihi bééwé.
Lu aadomwin @ —Ê toomwo
22 5.22 Kolosé 3.18; 1 Pétéru 3.1Wo ê toomwo, ke wâé heme e pwo me piwahin nang ne ko pa aiu hen, pwohewii a bwo pwo me piwahin nang ne ko Padaame. 23 5.23 1 Korénit 11.3; Éféso 1.22Be e pihuô ê mwoden wo pa aiu, pwohewii ana wo Kériso, ke e pihuôhi a puapulie ten, a Mwaiitihi, na [e pwohewii] a één. Ke weeng pana e celuimieng.
24 A Mwaiitihi ten, ke e pwo me piwahin nang ne ko Kériso, é mu ko anaa, na wâé heme ê toomwo, ke me e pwo me piwahin nang ne ko pa aiu hen, na ati he ni naado.
Lu aadomwin @ —Pa aiu
25 5.25 Kolosé 3.19; 1 Pétéru 3.7Mepwo é ne ko pa aiu, ke wâé heme eânimen de ê mwoden, pwohewii ana eânime Kériso te a Mwaiitihi ten. Ke e pawie a mulihen [ke e mele] me den. 26 5.26 Tit 3.5Ke e pineeng me de Padué. Ke e puueng ko tabe, me a pwooti§5.26 Ke e puueng ko tabe, me a pwooti—Pipuu apulip. A pwooti naa, ke wieli a Pwooti Wâé, ai ni pwooti na pii heme lé puu apulip wo lépwo acéihi, ai ni pwooti te pa apiaten ne te ê mwoden., beme paciitieng, 27 5.27 2 Korénit 11.2; Kolosé 1.22ke me e cuwo he pwahamiin, ke me oba nang ko *a wâé, ke te tice nyeluhen ke tice ta kon [pwohewii ê ewa toomwo na me lu piaten me weeng].
28 Piwien ne ko pa aiu. Be wâé heme eânimen de ê mwoden pwohewii a bwo eânimen de a één. Be wo pana eânimen de mwoden, ke te pieânimen den mwo. 29 Be te tice pace apulie celi e pitéétihi mwo a één. Be e pawiinaadonieng, ke e wéieng ehi, pwohewii ana e pwo wo Kériso te a Mwaiitihi ten.
30 [Genye temehi anaa] be wogenye, ke genye één. 31 5.31 Mataio 19.5Caa te tii ne he ni tii iitihi pie: E patupwo lu nyaa me caa ten wo pa aiu, beme lu pimu me ê mwoden. Ke me wonaa, ke caa céiu julu.Genèse 2.24
32 5.32 Pii Beetihi 19.7A pwooti naa, ke e bwolu, be é niimihi pie, a ocine ko a bwo [pimu ibu te] Kériso me a Mwaiitihi ten.
33 A bépanebwénihi nen, [ke é pii mwo pie]: Wo pa aiu, ke wâé heme eânimen de ê mwoden, pwohewii a bwo pieânimen den. Ke wo ê toomwo, ke wâé heme e paciiti pa aiu hen.
5:1 5.1 Mataio 5.48
5:2 5.2 Exode 29.18; Ébéru 10.10
*5:2 5.2 Na te junihe wâé te Padué—Grek: Ke pwohewii a tabe ûde na nihe wâé.
5:5 5.5 1 Korénit 6.9−10; Kolosé 3.5
5:6 5.6 Roma 1.18; Kolosé 2.4,8
†5:6 5.6 Grek: Geé nemwo pwo me e pipaupaakewé wo pace céiu apulie ko ni pwooti na te tice ânen. Be te é muko ninaa kuti na a okéé te Padué, ke é mu ko lépwona lé cubwonieng.
‡5:7 5.7 Pipwohewii—ai Piengen ibu.
5:8-9 5.8 Ioane 12.36; Éféso 2.13; Kolosé 1.13; 1 Pétéru 2.9
§5:11-12 5.11−12 Niimihi—Grek: Pii.
5:13-14 5.13 Ioane 3.20−21
5:13-14 5.14 Ésaïe 26.19, 60.1; Roma 13.11
*5:13-14 5.13−14 Heme wâé, ai heme ta—Grek: Be, ana nye alihi ne ha a pwéélang, ke o â pwéélang.
5:15 5.15−16 Kolosé 4.5
†5:17 5.17 Geé nemwo mulie hauli—ai Geé nemwo pwo me tice pwonimewé.
5:18 5.18 Luka 21.34
‡5:18 5.18 E bo pwotahi ne kowé—Grek: [E bo pwo me] geé mulie hauli.
5:19 5.19 Kolosé 3.16
5:20 5.20 Kolosé 3.17
5:21 5.21 1 Pétéru 5.5
5:22 5.22 Kolosé 3.18; 1 Pétéru 3.1
5:23 5.23 1 Korénit 11.3; Éféso 1.22
5:25 5.25 Kolosé 3.19; 1 Pétéru 3.7
5:26 5.26 Tit 3.5
§5:26 5.26 Ke e puueng ko tabe, me a pwooti—Pipuu apulip. A pwooti naa, ke wieli a Pwooti Wâé, ai ni pwooti na pii heme lé puu apulip wo lépwo acéihi, ai ni pwooti te pa apiaten ne te ê mwoden.
5:27 5.27 2 Korénit 11.2; Kolosé 1.22
5:31 5.31 Mataio 19.5
5:32 5.32 Pii Beetihi 19.7