a mulihenye ne ha a pimu ibu tenye
4
(Pwahamii tii: 4―6)
1 4.1 Kolosé 1.10É mu he karépu, be é pipwoeabwé te Padaame. Ke é wâgo kowé, me [geé niimihi ati nina e pwo me dewé wo Padué, ke] me geé mulie ha a mulie na wâé ten. Be e todekewé beme geé apulie ten. 2 4.2 Kolosé 3.12−13Wâé heme geé te cuwo ko pwo me piwahin gewé, me bwala gewé, ke me geé uca. Wâé heme geé te cuwo ko pipwoééhewé, ke me geé picani ne kowé. 3 4.3 Kolosé 3.14−15Be e neibukewé na a Jenen Iitihi. Ke wâé heme geé te cuwo ko mulie ha a péém, beme te céiu gewé.
Céiu a éénye me Kériso
4 Te céiu cehi a éé apulie, ke te céiu a Jenen Iitihi. Ke te céiu a cemenye na nye ucéihi, alecehe a bwo todekenye. 5 Te céiu cehi Padaame henye, ke te céiu cehi a céihi, ke te céiu cehi a pipuu apulip*4.5 Te céiu cehi a pipuu apulip—Hemepie hiwon ni bwopwone a pipuu apulip, kehe te céiu cehi a bwopiinen, be a inenaado beme nye pii beetihi pie, wogenye lépwo apulie te Kériso.. 6 4.6 1 Korénit 12.6Te céiu cehi Padué, pa Caa tenye ati†4.6 Caa tenye ati—ai Caa te ati ni naado.. Weeng pana e pihuôhi ati, weeng pana e pwo ati, ke e mu ati he ni naado. 7 4.7 Roma 12.3,6A juuju pie wo Kériso, ke e muko ne tenye me piticenaado ne kon ni muko pétaapwo âpati. 8 4.8 Psaume 68.19Be caa te tii ne he ni *tii iitihi pie:
E taa ha a duaan na e daaité.
Ke e pé da céin nina lé téétieng,
na e piwéden kojalé.
Ke e ne te ni apulie ten ni âpati.
Psaume 68.19
9 4.9 Ioane 3.13A bwopiinen pie woté ana e pii pie: E taa ha a duaan na e daaité? A bwopiinen pie, ânebuhe a bwo taa ten, ke e mi ole ha a duaan na te junihe ole bwolu ne ha a pule‡4.9 E mi ole… ai E ole jeoté pwo bwohemwo. Lé niimihi wo lépwo Juif pie, wo lépwo amele, ke lé mu ha a pwon na tice anebwén kon, na a niin pie Oolaa. Omehi Pii Beetihi 9. wo Kériso. 10 Wo pana e ole, ke weeng kuti pana e taa ha a duaan na e daaité ne he miiden, beme Padaame he ati ni naado na e tabuhi wo Padué, ke me e tidilé ati§4.10 Ke me e tidilé ati… ai Ke me piubwo ngen ni pihuô ten ne kolé ati. [beme hején jélé].
11 4.11 1 Korénit 12.28[A bwopiinen pie woté ana e pii pie: E ne te ni apulie ten ni âpati?] Wo Kériso, ke e muko pétaapwo pipatihi ne ko ni apulie ten ni penem na me lé pwo*4.11 Ni penem na me lé pwo—ai Ni âpipati.. [Weengi ni béén]:
Lépwo *apostolo (lépwona lé caa alieng, ke lé pipatemehi a pwooti ten);
Lépwo péroféta (lépwona lé hegi ha a jenen ni pwooti te Padué, ke lé bwo pébé céiikenye);
Lépwo évangéliste (lépwona lé pipatemehi ngen a Pwooti Wâé);
Lépwona lé pwoiipihi me pacémuni ni acéihi.
12 E ne telé ni âpati naa, beme lé o bo uce pamwoiu ati ni apulie te Padué, ke me lé pipwoeabwé telé mwo. Ke me wonaa, ke o piubwo da a puapulie ten, a éé Kériso. 13 4.13 Kolosé 1.28Ke o wogenye ibu, ke o céiu ace céihi tenye ne ko pa *Naî Padué, ke ace bwo temehieng denye. Ke genye o tai cumang, pwohewii Kériso, ke o tai piwiekenye me weeng†4.13 Dernière phrase—Grek: Beme genye â ni apulie na ubwo genye, ko a gwomaa Kériso na hején..
Wâé heme nye cumang ne ko Kériso
14 Me wonaa, ke o caa time genye uce pwohewii ni cuwo nahi ewa [ne ha a céihi. Be time lé uce ju téele cumang ne ni béén mu konye. Lé] pwohewii a ong na tice eaong kon, na e te ju titééhi pwo ni jié na a dan. Be lé te junihe tabemi ni pwooti te ni apulie na lé gele, na lé âbé picéidekenye, beme lé pipatiedenikenye.
15 4.15−16 Kolosé 1.18, 2.19Ûhu, genye nemwo wonaa. Wâé heme nye te mulie ha a juuju me a pipwoééhe‡4.15 Mulie ha a juuju me a pipwoééhe—ai Pii ana juuju, ne ha a pipwoééhe.. Ke genye o â pwohewii Kériso, ati ne he nina nye pwo. Weeng Padaame [he a Mwaiitihi ten, na a éé apulie] ke weeng pa punin. 16 Weeng na e pihuô, me piwéihi§4.16 Weeng na e pihuô, me piwéihi…E pwo me lé wiinaado—Grek: É mu kon (par lui)… ati ni piduaan ne ko a één, beme céiu jélé ko ni acipetééhi kon. E pwo me lé wiinaado, ke e pamwoiulé, beme pieânimelé telé, ke me lé muko pétaapwo penem ehi. É ko anaa na piubwo da a één, ke e cumang ne ha a pipwoééhe.
A mulihenye na mwo coho
17 4.17 Roma 1.21; 1 Pétéru 1.14É cuwokowé ne he nii Padaame pie, me geé nemwo mulie pwohewii lépwona time lé uce temehi Padué, lépwona tice pwonimelé. 18 Melepiing he ni bwo temehinaado telé, be mwoiu ni punilé [ke time uce nimelé me lé piténede Padué]. Ke é nelang he na tieden kojalé *a ju mulip na e ne wo Padué. 19 Time lé uce temehi pineitééhi aceli wâé me aceli ta. Ke lé pinelé te a mulie hauli, ke me lé pwo ni muko huô na mwiihi na time uce tanim jélé kon.
20 Time uce wonaa a mulihenye céi Kériso na geé caa picaa. 21 Be geé caa téne ali pwooti ko Kériso li pacémunihi tewé, ke geé temehi pie e kon a juuju. Be wogewé ni apulie ten.
22 4.22 Roma 8.13; Kolosé 3.9É mu ko anaa, na geé nemwo mulie ha a mulie na ta, li geé mulie hen ânebun. Geé necu ati ni huô me ni bwopemikewé na mwiihi.
Be é ânebun, ke geé âcehi nina nimewé kon na lé pwo me geé mele. 23 4.23 Roma 12.2Geé taatééhi ni pwonimewé, me ni bwo niimihinaado tewé, me ni bwopemikewé, 24 4.24 Genèse 1.26; Kolosé 3.10beme wogewé ni apulie na mwo coho ni mulihewé. Ke geé o pwohewii nina lé céi ni epwénelé na tooli, ke lé cuwohe ni epwén na mwo wâé.
Be é he e nekewé wo Padué, ke nimen me geé pwohewiieng, beme geé mulie ha a juuju. Ke wâé heme ni huô tewé, ke me mwomwon ke pipaunuhi*4.24 Grek: Geé cuwohe a apulie na mwo coho na tabuhi mu ko Padué [beme geé] mwomwon ke iitihi ne ha a juuju..
Nye taatééhi ni bwopemikenye na ta
25 4.25 Zakari 8.16; Kolosé 3.8−9Geé nemwo gele, kehe geé pii a juuju te lépwo bééwé acéihi. Be wogenye ati, ke céiu genye pwohewii ni piduaan mu ko a éé apulie na céiu.
Kehe geé pwome necu a okéé tewé ânebuhe a bwo nuule na a téale. 27 Ke geé nemwo ne te *Caatana [me e tacebwénikewé, me geé pwo nina ta].
28 Hemepie wogewé lépwo abune, ke wâé heme geé cuwo! Kehe geé mwoiu me geé penem†4.28 Geé mwoiu me geé penem—Grek: Geé penem ko ni iwé ha a juuju., [beme pwo ce mwani tewé] beme geé pwocuhi celi tice tewé, ke me geé o ne te lépwona tice telé.
29 4.29 Kolosé 4.6Geé nemwo pii ni pwooti na mwiihi [ke geé nemwo pwo nina ta ne ko lépwo béén]. Kehe geé pii ni pwooti na wâé, beme bépicani telé me pamwoiulé.
30 4.30 Ésaïe 63.10; Éféso 1.13−14; 1 Tésalonik 5.19Geé nemwo pwo me piwahin a Jenen Iitihi [ko nina geé pwo]. Be e caa neeng kowé wo Padué, beme [e habwii pie, wogewé, ke ni apulie ten. Ke] a béhabwiinen pie, e bo tuwokewé ati mu he ni ta pwo tewé, ha a Tan den.
31 4.31 Kolosé 3.8Geé nemwo pwotahinaado ne ko ni béén, me pipii me ta jélé. Geé nemwo cile ne he ni pwonimewé nina ta na lé pwo tewé. Geé nemwo pipééle, me piokéé. Ke geé nemwo pijeta kowé.
32 4.32 Mataio 6.14, 18.22−35; Kolosé 3.12−13Wâé heme geé pwopweehi ne ko ni béén. Ke geé habwii telé a pipwoééhe na e he ni pwonimewé. Ke geé pineukewé, pwohewii ana e caa pineukewé wo Padué mu ko Kériso.
4:1 4.1 Kolosé 1.10
4:2 4.2 Kolosé 3.12−13
4:3 4.3 Kolosé 3.14−15
*4:5 4.5 Te céiu cehi a pipuu apulip—Hemepie hiwon ni bwopwone a pipuu apulip, kehe te céiu cehi a bwopiinen, be a inenaado beme nye pii beetihi pie, wogenye lépwo apulie te Kériso.
4:6 4.6 1 Korénit 12.6
†4:6 4.6 Caa tenye ati—ai Caa te ati ni naado.
4:7 4.7 Roma 12.3,6
4:8 4.8 Psaume 68.19
4:9 4.9 Ioane 3.13
‡4:9 4.9 E mi ole… ai E ole jeoté pwo bwohemwo. Lé niimihi wo lépwo Juif pie, wo lépwo amele, ke lé mu ha a pwon na tice anebwén kon, na a niin pie Oolaa. Omehi Pii Beetihi 9.
§4:10 4.10 Ke me e tidilé ati… ai Ke me piubwo ngen ni pihuô ten ne kolé ati.
4:11 4.11 1 Korénit 12.28
*4:11 4.11 Ni penem na me lé pwo—ai Ni âpipati.
4:13 4.13 Kolosé 1.28
†4:13 4.13 Dernière phrase—Grek: Beme genye â ni apulie na ubwo genye, ko a gwomaa Kériso na hején.
4:15 4.15−16 Kolosé 1.18, 2.19
‡4:15 4.15 Mulie ha a juuju me a pipwoééhe—ai Pii ana juuju, ne ha a pipwoééhe.
§4:16 4.16 Weeng na e pihuô, me piwéihi…E pwo me lé wiinaado—Grek: É mu kon (par lui)…
4:17 4.17 Roma 1.21; 1 Pétéru 1.14
4:22 4.22 Roma 8.13; Kolosé 3.9
4:23 4.23 Roma 12.2
4:24 4.24 Genèse 1.26; Kolosé 3.10
*4:24 4.24 Grek: Geé cuwohe a apulie na mwo coho na tabuhi mu ko Padué [beme geé] mwomwon ke iitihi ne ha a juuju.
4:25 4.25 Zakari 8.16; Kolosé 3.8−9
4:26 4.26 Psaume 4.4; Cang 1.19−20
†4:28 4.28 Geé mwoiu me geé penem—Grek: Geé penem ko ni iwé ha a juuju.
4:29 4.29 Kolosé 4.6
4:30 4.30 Ésaïe 63.10; Éféso 1.13−14; 1 Tésalonik 5.19
4:31 4.31 Kolosé 3.8
4:32 4.32 Mataio 6.14, 18.22−35; Kolosé 3.12−13