1 Awit sa pagtungas. Didto sa kinahiladman naghilak ako kanimo, Yahweh. 2 Ginoo, dungga ang akong tingog, paminawa ang akong mga paghangyo sa kaluoy. 3 Kung ikaw Yahweh magtimaan sa kalapasan, Ginoo, kinsa man ang makabarog? 4 Apan adunay kapasayloan diha kanimo, aron nga ikaw pagatahuron. 5 Nagpaabot ako kang Yahweh, nagpaabot ang akong kalag, ug naglaom ako sa iyang mga pulong. 6 Ang akong kalag nagpaabot sa Ginoo labaw pa sa magbalantay nga nagpaabot sa kabuntagon. 7 Israel, laomi si Yahweh. Maluluy-on si Yahweh, ug andam gayod siya nga mopasaylo. 8 Siya ang maglukat sa Israel gikan sa tanan niyang mga sala.