1 Tât ma Yônais say kơt nây nơh păng mâu djăng ôh, păng ji nuih dŭt hô ngăn. 2 Păng mbơh sơm ma Brah Yêhôva: “Ơi Brah Yêhôvabơh a lor nơh ngăn gâp gĭt May mâu tê̆ dôih bunuyh ta ƀon Ninivê dja, bơh nôk hôm gŭ ta ƀon gâp nơm nơh ngăn, kơt ndri dâng gâp gơnh nchuăt du ta ƀon Tasơs, yorlah May brah i geh nau yô̆ nđach, geh nuih n'hâm lŏng, geh nuih n'hâm rŏng răp jăp, mâu ôh gơnh nuih. Jêh ri lah bunuyh nduih tôr ma nau tih i păng lăn jan rgâl bah jan mhĭk, May rgâl lơi bơh nau ŭch lơh hêng, jêh ri bah tê̆ dôih bunuyh đŏng.*4:2: Yôn 1:3; NNg 34:6 3 Ơi Brah Yêhôva dăn May sơm rhuăt lơi n'hâm gâp, ueh ăn gâp ma khât lơi, đah ma hôm rêh jât năp jât”.*4:3, 8: 1KK 19:4; Yôp 7:15-16 4 Brah Yêhôva plơ̆ lah ma Yônais: “Di lĕ lah mâu, may nuih kơt nây?” 5 Jêh ri Yônais dâk đưp bơh nây hăn mpeh bơh lôh nar ma ƀon Ninivê. Tât ta ntŭk nây păng jan du mlŏm nkưp gŭ ta nâm n'hâm, gay ma kŏp uănh moh ntil nau tât ma ƀon i nây.

6 Brah Yêhôvaăn tơm si du tơm hon bơh lơ bôk Yônais ri, gay ăn n'hâm ma păng jât, lơi ir ăn păng rnhăl. Jêh ri Yônais păng maak ngăn geh n'hâm tơm si i nây. 7 Kah ơm ôi ôi tay bri hôm ngo, Kôranh Brah đă du mlŏm ndrŭng hăn chôh sa tơm si i nây, jêh ri ndro ƀrŭng. 8 Tât lôh nar, Kôranh Brah đă sial dôh khôm tă bơh lôh nar, jêh ri nar dôh djreng kalơ bôk kalơ săk Yônais đŏng, păng lêt rgănh hô ngăn, dăn ma Kôranh Brah đă nkhât păng: “Ueh gâp ma khât lơi, đah ma hôm rêh jât năp jât”.

9 Kôranh Brah lah ma păng: “May di lĕ nuih yor ma tơm si i nây?” Yônais ơh ma Kôranh Brah: “Ơ, dŭt hô ngăn*4:9: «Dŭt hô ngăn», mâu lah: «Di hơi nau gâp nuih hô ŭch ma khât kơt nđa!»” 10 Brah Yêhôva lah ma Yônais jât: “Lŏng may mân! May yô̆ ma tơm si i may mâu geh tăm mâu geh rơah mât i nây, hon ta du măng dơm, jêh ri khât ndro ta du măng đŏng. 11 Gâp be yô̆ hô ngăn ma ƀon Ninivê ƀon dŭt kuŏng dja, yorlah ƀon i nây geh ŏk bunuyh 120000 nuyh rlao, khân păng mâu hŏ gĭt năl tih di ôh, jêh ri ndrel ma geh dŭt ŏk đŏng mpômpa (siŭm) khân păng mât ta ƀon i nây”.*4:11: NMƠ 36:7