នាវកោរាញឞ្រាសងើយតានាវងើយឞូន៝ង ១ កោរិនតោ ២

២

នាវឞ្រាសក្រីស ខឹតតាឆីតឹមរាកាង់

១ អើអ៝សនោតានាវញឆីង នោកគ៝ប់ហាន់អាខាន់អៃមៃមឞើសងក៝ចនាវកោរាញឞ្រាសនើស គ៝ប់មោគែសអោសមឞើសងើយទុតឞ្លាវ មោលាសមឞើសងក៝ចនាវខ្លៃកោរាញឞ្រាសអ៝ន់មាខាន់អៃមៃមានាវមឹនគឹតឞ្លាវជ្រូ។ ២ នោកគ៝ប់គុនទ្រែលខាន់អៃមៃនើស គ៝ប់មឞើសងក៝ចមាឞ្រាសយេឆូក្រីស មឞើសងក៝ចមានាវពាង់ខឹតតាឆីតឹមរាកាង់ទើម គ៝ប់មោអោសមឞើសងក៝ចនាវអាបាៈអេង។* ៣ គ៝ប់ហាន់អាខាន់អៃមៃនើសមោអោសគែសនហ៝ម់ឆ្វាន គ៝ប់ញឆ៝រ់ឆាក់ជាន់ក្លាចមោឞ្លាវជានជេសនទើកោរាញឞ្រាសលែៈដាៈមាគ៝ប់។* ៤ ឞ៝រ់មឞូងគ៝ប់មឞើសងើយ នទ្រែលមានាវគ៝ប់នតុមនតីនៃនើសមោអោសទីគែសមានាវមឹនគឹតឞ្លាវអ្វែស យើនមាគែសឆៃនាវខ្លៃតាៈឞើសនាវទើយឞ្រាសហ្វេងអ្វែសនើមអ៝ន់‌* ៥ គៃមានាវញឆីងខាន់អៃមៃលើយអោសតាៈឞើសតាង់នាវមឹនគឹតឞ្លាវឞូនុយ្ស យើនមាតាៈឞើសឆៃនាវទើយកោរាញឞ្រាសនើម។

នាវមឹនគឹតឞ្លាវកោរាញឞ្រាសនើម

៦ យើនមាឞូម៝សអីលែៈគែសនាវញឆីងន៝ប់លែៈតឹមទីកែសជេស ហេននតុមនតីមានាវមឹនគឹតឞ្លាវដ៝ង់ យើនមាមោទីអោសឆ៝ៈនាវមឹនគឹតឞ្លាវតាៈឞើសឞូនុយ្សតានែសនតូអ្យាអីមរារ៝សហេង ក៝ៈមោទីដ៝ង់តាៈឞើសកោរាញម៝ត់អ្វាញ់តានែសនតូអ្យាអីមរារ៝សហេងដ៝ង់។* ៧ ហេនមឞើសងក៝ចមានាវមឹនគឹតឞ្លាវកោរាញឞ្រាសនើមអីឞើសនតើមនើសហោមនទ៝ប់មពោន។ អេល៝រមាញជេងនែសនតូ កោរាញឞ្រាសលែៈអុចជេសនាវមឹនគឹតឞ្លាវអីនៃអ៝ន់ឞ៝ន់គែសនាវច្រេកលើប។ ៨ ផូងកោរាញម៝ត់អ្វាញ់តានែសនតូអ្យាមោគែសអោសទូហ្វេគឹតវ៝ត់នាវមឹនគឹតឞ្លាវកោរាញឞ្រាស។ លាសខាន់ពាង់លែៈគឹតវ៝ត់ ខាន់ពាង់មោអោសងខឹតកោរាញយេឆូ អីគែសនាវច្រេកលើបអីខាន់ពាង់លែៈងខឹតតាឆីតឹមរាកាង់នើស។* ៩ តានាវកោរាញឞ្រាសងើយលែៈគែសញចីស៖

«មោគែសអោសត្រោមមាត់ទូហ្វេឞូនុយ្សអ្វាញ់ឆៃ មោគែសអោសតោរទូហ្វេឞូនុយ្សអ្យាត់តាង់‌

មោគែសអោសនូយ្សនហ៝ម់ទូហ្វេឞូនុយ្សមឹនត៝ត់‌

នាវអីកោរាញឞ្រាសលែៈអើមនទ្រាប់អ៝ន់មាឞូម៝សអីរ៝ង់មាពាង់នើម»†។*

១០ កោរាញឞ្រាសដាៈឞ្រាសហ្វេងអ្វែសអ៝ន់ឞ៝ន់គឹតនាវអីនៃនើស យ៝រលាសឞ្រាសហ្វេងអ្វែសគឹតទឹងលែៈរាងោចនាវ ឞ៝លលាសនាវមឹនអីជ្រូតាកោរាញឞ្រាស ក៝ៈពាង់គឹតដ៝ង់។* ១១ ឞូនុយ្សមោអោសគឹតនាវមឹនឞូនុយ្សអាអេង នូយ្សនហ៝ម់ពាង់នើមទើមគឹតមានាវមឹនពាង់។ កោរាញឞ្រាសតឹមឞានកើតនៃដ៝ង់ ឞូអេងមោអោសគឹតនាវមឹនពាង់ អីឞ្រាសហ្វេងអ្វែសពាង់នើមទើមគឹតមានាវមឹនពាង់។

១២ ឞ៝ន់អីអ្យា កោរាញឞ្រាសមោអោសអ៝ន់ឞ៝ន់គែសនូយ្សនហ៝ម់នាវមឹនអីតឹមឞានមាឞូនុយ្សអីមោញឆីង ឞ៝ន់លែៈឆ៝ៈទើនជេសឞ្រាសហ្វេងអ្វែសអីតាៈឞើសកោរាញឞ្រាស គៃមាគឹតវ៝ត់ទឹងលែៈនាវអីពាង់អ៝ន់មាឞ៝ន់ទើមទាម។* ១៣ ឞ៝ន់មឞើសងក៝ចនាវអីនៃមោទីតាៈឞើសនាវមឹនគឹតឞ្លាវឞូនុយ្សនតុមនតី យើនមាតាៈឞើសឞ្រាសហ្វេងអ្វែសនតុមនតី។ ឞ៝ន់មឞើសងក៝ចនាវអីតាៈឞើសឞ្រាសហ្វេងអ្វែសអ៝ន់មាឞូនុយ្សអីលែៈគែសឞ្រាសហ្វេងអ្វែសគុ។ ១៤ យើនមាឞូម៝សអីមោគែសឞ្រាសហ្វេងអ្វែសគុ ពាង់អីនៃមោអោសទើយឆ៝ៈទើននាវឞើសឞ្រាសហ្វេងអ្វែសកោរាញឞ្រាស។ ពាង់មឹននាវអីនៃជេងនាវរាលូកម៝ល់ទើម ពាង់វ៝ត់មោទើយអោស។ ឞូនុយ្សអីគែសឞ្រាសហ្វេងអ្វែសគុទើម ទើយគឹតវ៝ត់នាវអីនៃ។ ១៥ ឞូនុយ្សលែៈគែសឞ្រាសហ្វេងអ្វែសគុ ឞ្លាវគឹតញជីងទឹងលែៈនាវមឹន។ ជេសរីឞូនុយ្សអីមោអោសគែសឞ្រាសហ្វេងអ្វែសគុ មោអោសឞ្លាវគឹតវ៝ត់ឞូនុយ្សអីគែសឞ្រាសហ្វេងអ្វែសគុ។* ១៦ តានាវកោរាញឞ្រាសងើយលែៈគែសញចីស៖

«អើមគែសឞូនុយ្សគឹតវ៝ត់នាវមឹនកោរាញឞ្រាសនើមលាស?

អើមគែសឞូនុយ្សទើយនតុមនតីអ៝ន់មាពាង់លាស?»†

យើនមាឞ៝ន់ ឞ៝ន់លែៈគែសជេសនាវមឹនតឹមឞានមានាវមឹនឞ្រាសក្រីស នើម។*

*២:២ ២:២៖ ១កោ ១:១៧-១៨; កាល ៦:១៤

*២:៣ ២:៣៖ កាល ៤:១៣-១៤

*២:៤ ២:៤-៥៖ ១កោ ៤:២០; ១តេ ១:៥

*២:៦ ២:៦-៧៖ ១កោ ១:២៤-២៥; មថ ១១:២៥; រម ១៦:២៥; អេផ ១:៤-៥

*២:៨ ២:៨៖ យហ ៧:៤៧-៤៩

†២:៩ ២:៩៖ អេឆា ៦៤:៤

*២:៩ ២:៩៖ អេឆា ៦៥:១៧

*២:១០ ២:១០-១១៖ កោល ១:២៦-២៧

*២:១២ ២:១២៖ យហ ១៦:១៣

*២:១៥ ២:១៥៖ ១កោ ១២:១០; ១៤:២៩; ១តេ ៥:២១

†២:១៦ ២:១៦៖ អេឆា ៤០:១៣

*២:១៦ ២:១៦៖ រម ៨:១៦; ១១:៣៤