នាវកោរាញឞ្រាសងើយតានាវងើយឞូន៝ង ១ តេឆាលោនិក ៤

៤

នាវគុរេសទីតាកោរាញឞ្រាស

១ អើអ៝សនោតានាវញឆីង ខាន់អៃមៃលែៈឆ៝ៈទើនជេសនាវនតុមនតីតាៈឞើសហេនមានាវគុរេសអីកោរាញឞ្រាសអុច ជេសរីនហ៝មាលែៈជានតឹងកើត។ យើនមាទូតឹជឹតហេនទាន់ខាន់អៃមៃហោងាន់ នទ្រែលមានត្រោលខាន់អៃមៃយ៝រមាកោរាញយេឆូ ទាន់អ៝ន់ខាន់អៃមៃជាននទើអីនៃលើមាហោអ្វែសជឹត!* ២ យ៝រលាសខាន់អៃមៃលែៈគឹតជេសម៝សនាវហេនដាៈខាន់អៃមៃមានាវទើយអីតាៈឞើសកោរាញយេឆូ ដាៈនើស។ ៣ កោរាញឞ្រាសអុចខាន់អៃមៃជានតឹងនាវអុចពាង់នើមលែៈឞើសនូយ្សនហ៝ម់ខាន់អៃមៃ។ អ៝ន់ខាន់អៃមៃទែរឞើសនាវតឹមទ៝ង់‌* ៤ ជេសរីអ៝ន់ខាន់អៃមៃទូហ្វេទូហ្វេឞ្លាវម៝ត់ញជ្រាង់ឆាក់ខាន់អៃមៃនើម*អ៝ន់តឹមទីឞើសនាប់មាត់កោរាញឞ្រាសនើម នអ៝ប់មាអ៝ន់គែសនាវឞូរានេហ៝ៈ។* ៥ លើយអោសប៝កគ៝រតឹងនាវខើសក្លែរប៝យរាង្លៃឆាក់អុចកើតផូងអីមោទីផូងអីឆ្រាអែល អីមោគឹតនាល់កោរាញឞ្រាស។* ៦ លើយអោសអ៝ន់ទូហ្វេឞូនុយ្សជានតីសជានអ្យើសនទើអីនៃមាអ៝សនោផូងញឆីងអាអេង យ៝រលាសកោរាញឞ្រាសតេៈទោយ្សមាឞូម៝សអីជានតីសទឹងលែៈនទើអីនៃ កើតហេនលែៈជេសមឞើស លែៈជេសឞ្វៃមាខាន់អៃមៃនើស។* ៧ យ៝រលាសកោរាញឞ្រាសក្វាល់ឞ៝ន់គៃមាក្ល៝សអ្វែស មោអុចអោសអ៝ន់ឞ៝ន់ជេងបឹបើច។ ៨ នទ្រីទឹងឞូម៝សអីមោអុចឆ៝ៈទើននាវនតុមនតីអីនៃ មោអោសទីរាលាច់មាឞូនុយ្សទើម ជេងរាលាច់មាកោរាញឞ្រាសអីអ៝ន់ឞ្រាសហ្វេងអ្វែសអីក្ល៝សអ្វែសពាង់នើមមាខាន់អៃមៃដ៝ង់។

៩ ល៝ង់នាវតឹមរ៝ង់នទ្រាង់អ៝សនោផូងញឆីង ហេនមោអោសខាច់ញចីសមឞើសអ៝ន់មាខាន់អៃមៃ យ៝រលាសលែៈកោរាញឞ្រាសនតុមនតីជេសខាន់អៃមៃអ៝ន់ឞ្លាវតឹមរ៝ង់នទ្រាង់ខាន់អៃមៃនើម‌* ១០ កើតខាន់អៃមៃលែៈរ៝ង់ជេសមាអ៝សនោផូងញឆីងលាមឞ្រីមាឆេដោន ដ៝ង់។ អើអ៝សនោតានាវញឆីង ហេនអុចខាន់អៃមៃអ៝ន់នាវរ៝ង់ខាន់អៃមៃមាឞូលើមាហោអ៝ក់ជឹត។ ១១ អ៝ន់ខាន់អៃមៃញឆ្រោយ្សញឆ្រាមងាន់ គុរេសនទ្រែលឞូតានាវដាប់មពាន់ មឹនជានអីនទើខាន់អៃមៃនើមហ៝ៈ លើយមឹនអីរមានទើឞូ ជេសរីជានការមាឆ្យាម់ឆាក់ខាន់អៃមៃនើម កើតហេនលែៈដាៈជេសមាខាន់អៃមៃនើស។* ១២ លាសជានកើតនៃឞូនុយ្សអីមោញឆីងមាឞ្រាសយេឆូ រានេមាខាន់អៃមៃងាន់ ជេសរីខាន់អៃមៃមោអោសខាច់ទាន់ឞូមាកើលឆ្យាម់ឆាក់ជឹត។*

នាវឞ្រាសយេឆូ ព្លឹវាច់

១៣ អើអ៝សនោតានាវញឆីង ហេនអុចអ៝ន់ខាន់អៃមៃគឹតនហេលមាផូងអីលែៈខឹតជេស គៃមាខាន់អៃមៃលើយហោមរាង៝តអោសតឹមឞានមាផូងអាបាៈអេងអីមោគែសរានើមមានាវរេសនហ៝រ៝យ៝រមាខាន់ពាង់មោញឆីងមាឞ្រាសយេឆូ ។ ១៤ ឞ៝ន់អ្យាត់លាសឞ្រាសយេឆូ លែៈខឹតងាន់ ជេសរីលែៈទ៝ក់រេសងាន់ដ៝ង់។ លាសនទ្រីឞ៝ន់គឹតលាសកោរាញឞ្រាសមរាលែវផូងញឆីងអីលែៈខឹតនៃអ៝ន់ទ៝ក់រេសគុនទ្រែលពាង់នើមយ៝រមានទើឞ្រាសយេឆូ លែៈជានដ៝ង់។* ១៥ គ៝ប់មឞើសមាខាន់អៃមៃតឹងនាវងើយតាៈឞើសកោរាញឞ្រាសនើមមាឞ៝ន់អីហោមគុរេសអ្យា៖ ត៝ត់ឞ្រាសយេឆូ ព្លឹវាច់ឞ៝ន់អីហោមគុរេសអ្យាមោអោសហាន់ល៝រផូងអីលែៈខឹតនៃ។* ១៦ យ៝រលាសត៝ត់ពាង់ជុរឞើសកាលើត្រោកអីនតុកកោរាញឞ្រាសនើម ពាង់នតែរដាៈ ជេសរីនតែសឞ៝រ់កោរាញតោងពារ់ទុតក្វ៝ង់ នទ្រែលមានតែសនុងកោរាញឞ្រាសនើម។ ជេសរីទឹងលែៈផូងអីញឆីងមាឞ្រាសក្រីស អីលែៈខឹត ទ៝ក់រេសល៝រ។ ១៧ ជេសរីទឹងកោរាញឞ្រាសនហាវឞ៝ន់អីហោមគុរេសហាវអាត្រោមនទ៝រ់តុកនទ្រែលខាន់ពាង់តានៃ គៃមាម៝ប់កោរាញយេឆូ តានៃ នទ្រីឞ៝ន់ងក្រែគុនទ្រែលកោរាញយេឆូ នហ៝រ៝។ ១៨ លាសនទ្រីអ៝ន់ខាន់អៃមៃឆ៝ៈនាវអ្យាមាតឹមនហាវនូយ្សនហ៝ម់នទ្រាង់ខាន់អៃមៃនើម។

*៤:១ ៤:១៖ ១តេ ៤:១០

*៤:៣ ៤:៣៖ ១កោ ៦:១៣

*៤:៤ ៤:៤៖ មោលាស «ឞ្លាវគុរេសដាសមាអូរខាន់មៃនើម»។

*៤:៤ ៤:៤៖ កោល ៣:១៩; ១ពេ ៣:៧

*៤:៥ ៤:៥៖ ១ពេ ១:១៤-១៦

*៤:៦ ៤:៦-៨៖ រម ១៤:១០-១២; ១កោ ៦:១៩-២០; ២កោ ៥:៩-១០

*៤:៩ ៤:៩៖ យហ ១៣:៣៤-៣៥; រម ១២:១០; ផល ២:១-៥

*៤:១១ ៤:១១៖ អេផ ៤:២៨; ២តេ ៣:៦-៨

*៤:១២ ៤:១២៖ កោល ៤:៥

*៤:១៤ ៤:១៤៖ រម ៤:២៥; ១កោ ១៥:៣-៥; រម ៨:១១; យហ ១១:២៥

*៤:១៥ ៤:១៥-១៧៖ មក ១៣:២៦-២៧; ១កោ ១៥:៥១-៥២